Beynəl-Xəlğ medyaonədə İroni Bəhmənə manq 22 minə ruji mitinqi refleksiya

İslomiyə İnğilobi səbarzəti sorəqardışədə İroni milləti əzəmətinə mitinq, Beynəl-Xəlğ etborinə medyaonədə hevujə əks sədoş hest be.

Bə İRİB raporti əsos xəyli dınyo xəbəriyə mərkəzon ın huzurışon İroni İslomiyə Respublikə milli zumandəti və iştimoyəti vəhdətiku milləti himoyə kardeyşon zınəşone.

Assoşeyted Press xəbəriyə mərkəz qıləy raportədə Tehron iyən İroni co qılə şəhronədə bə milləti veyə huzuri işorə kardey ın mitinqışon İslomiyə Respublikə nizomiku iştimoyəti himoyə və milliyə vəhdəti bə nımoyiş noey zınəşone və bə mıxtəlif milləti veyə huzuri təkidış karde.