Bə ironi ələyh hucum ğanuni ni

Fərhan Həğğ:Bə ironi ələyh hucum bə İMT Nizomnomə əkse

İMT sərkatibi sıxanəvoti mıovini votəşe:amerkə iyən sehyonist rejimi bə ironi ələyh bıə hərbi hucum çe İMT Nizomnomə çərçivə xaricədə bıə koye.Bə Pars-Tudey bə İrna istinodən doə məlumoti əsos,İMT sərkatibi sıxanəvoti mıovini de Əlcəzirə Muboşir kanali bıə mısohibədə votəşe:Beynəlxalğə leqiməti bə İMT Nizomnomə əsose və həmməkəs bəpe bəçəy prinsipon ehtırom bıno.Əv,həmçinin çe İMT ğərbi asiyədə rujbəruj ziyod bıə deskalasiya şiddətin bey iyən canqi hovujətiku ıştə niqəronəti bəyon kardə holədə,təkidış kardə ki,sıftənə prioritet canqon navi qətey iyən bə mızokirə mizi oqardeye.Fərhan Həğği çe amerkə iyən sehyonist rejimi bə ironi ələyh bıə hərbi hucumi xususədə təkidış kardə ki, çe İMT sərkatib Antoniyo Qutereş çımi bənav bə İMT Nizomnomə işorəş kardə be ki,bəçəy əsos,bə kişfəron zidd zu tətbiğ kardey ğədəğəne iyən İMT ijən həm bə ın usul və prinsipi rioyət kardey dəvom doydə.Əy əlovəş kardə:İMT sərkatibi çe amerkə iyən sehyonist rejimi bə ironi ələyh bıə hərbi hucumış məhkum kardə.