Lukaşenko xətob bə İron: Kom koməqon piyedə?

Lukaşenko amerkə iyən sehyonist rejimi çe canqi pevolo bey bardə doə çəşnavi/İroniku dəparsəşe: Kom koməqon piyedə?

Belarusi prezdenti de ironi səfiri bıə didoədə votəşe:Dınyo iştimoiyyət və həmmə kəsonsə bənav dıjdə ğudrəton məxsusən amerkə iyən sehyonist rejim bəpe dərəson ki,ın mınoğişə bə proqnoz bıənin nıbə hodisəon səbəb bey bəzıne.amerkə iyən sehyonist rejimi bə İroni hucum ğəbul bıənin ni.məxsusən ki,çın həmlə nəticədə beqınoə vətəndoon iyən həmmə kəsonsə bənav hırdənon ıştə conışon dasto doə və İroni Yolə Rəhbər Əli Xameneyi həm şəhid bıə.Mı de ə həzrəti(Ayətullah Xameneyi) çokə rabitəm hestebe.minimum se kərə de iyande didomon kardəbe və çe dınyo məsələon barədə diyaloqımon kardəbe.Əv,qıləy humanistə odəm be ki,çəy hədəf ıştə millət iyən kişfəri mıdofiyə kardey be. Belarusi prezdenti çın vindemoni əyoni baxşi oxoyədə çe ironi kişfəri səfiriku dəparsəşe:De bəçəmə çın mınoğişə mığobilədə bıə mevğey dığğət kardə holədə,bın şərayitədə çokonə əmə bəşmə koməq kardey bəzınemon?