Bəğayi: Dışmenon bə İroni rəsmiyon terrori xoto bəpe cəvob bıdon

İroni xarici koon vəzərotxonə sıxanəvoti elonış kardə ki,amerkə iyən sehyonist rejim bəpe bəçəmə kişfəri rəsmiyon terrori xoto cəvob bıdon.

Bə Pars-Tudey doə məlumoti əsos,İroni xarici koon vəzərotxonə sıxanəvot İsmoyl Bəğayi de urusə Riyanovosti xəbə aqentəti bıə diyaloqədə bə amerkə iyən sehyonist rejimi bə İroni rəsmiyon terrori xoto cəvobdehəti təkid kardə holədə əlovəş kardə:Fik kardedəm ki,nəyiinki,fəğət İron,bəlkəm təmom beynəlxalğə camiyə çe amerkə iyən sehyonist rejimi cəvobdehəti tələb kardedə.Bəğayi dəvomış doə:amerkə iyən sehyonist rejimi əncom doə çi,bə sulh iyən əmniyyəti ələyh bıə cinoyəte.ın hərəkət canqi cinoyət iyən bə bəşəriyyəti ələyh bıə cinoyət bıə.