İroni çe Həzrəte Zeynəbi(s) Hərəmi Cımə İmomi terrorış məhkum kardə

İroni xarici koon vəzirəti sıxanəvot Dəməşğədə çe Səyyidə Zeynəbi(s) məntəğədə bıə terrori hodisəş de şiddəti məhkumış karde ki,çe Həzrəte Zeynəbi(s) Hərəmi Cımə İmom iyən mısılmonə alimonku bıə Seyd Fərhan Həsən Əlmənsur əyo bə şəhodəti məğami rəsə.

Bə Pars-Tudey doə məlumoti əsos,İroni xarici koon vəzirəti sıxanəvot İsmoyll Bəğayi de ın yavə cinoyətiku ıştə nifrəti ibroz kardey,bəyodış dənoə:Suriyə iyən məntəğədə bə məzhəbi məkonon iyən alimon ələyh terroristə hərəkəton,çe sehyonist rejim iyən amerkə bo reqiyoni kişfəronədə təfrığə iyən fıtnə eğandeyro bıə şəytoniyə planonku iqlə baxşe və boçımi əsos vocibe ki,həmmə tərəfon çın dəsisə xususədə huşin bıbon iyən bəştə de terrorizmi iyən radikalizmi ğətiyyətinə mıborizədə bıə məsuliyyəton əməl bıkon.Əv,bə Suriyə dini alimon camiyə iyən milləti və bə çın şəhidə alimi xıyzoni təsliyyət votə holədə,bə ğatilon məlum kardey iyən bə çın terroristə cinoyəton fundamental cəzo doey vocibəti iyən çe məntəğə kişfəron miyono bo terrorizmi rişə bırniyero bə kollektivə həmkoəti təkid kardəşe.İroni xarici koon vəzirəti sıxanəvoti həmçinin bə Suriyə mıvəğğəti devləti bo çın kişfəri həmmə etnik,dini iyən məzhəbi qrupon,alimon iyən mərdumi əmniyyəti təmini cəhətədə bıə məsuliyyəti təkidış kardə.