Amerkə konqresi demokratə nımoyəndə:tramp qıləy cinoyətkore
Amerkə konqresi demokratə nımoyəndə,çın kişfəri prezdent donald trampış cinoyətkor zıne.
Bə Pars-Tudey doə məlumoti əsos,çe Amerkə konqresi demokratə nımoyəndə İlhan Umər cımə ruji sosyal şəbəkəonədə çe donald trampi Floridadə kardə sıxaniku qıləy vidyo pevolo kardey bədiqə nıvıştəşe:Im çe qıləy səfiyə cinoyətkori yavə sıxanone ki,34 qılə cinoyəti ğeydonış heste,bə təcovuzi xoto cəvobdeh bıə iyən de pedofiləti mıttəhəme.tramp Florida ştatədə ıştə sıxanonədə bə Minnesotta əyoləti Somali kişfəriku bıə mısılmonə nımoyəndə bıə İlhan Uməri ələyh çandə mıddət bənav rədd bıə şoyiəonış tikror kardə.amerkə prezdenti de qıləy sıxani votəşe:az jıqo hisob kardedəm ki,əy deştə bıvə vəyəş kardə ki,ım komilə surətədə ğeyri-ğanuniye.İlhan Uməri həmçinin bəyodış dənoə:çe donald trampi nom çe epstini dosyedə 38 kərə tikror bıə.Çımi bənav həm çe amerkə konqresi mısılmonə nımoyəndə de qıləy mesaji bə çın kişfəri prezdenti çe epstini dosyedə bıə hovujə roli işorə kardə holədə elonış kardəbe ki,tramp çe pedofilon qrupi lidere.çe qıləy cinsi cinoyətkor iyən Laundromat yəhudiyə tocir cefri epstini hovujə surətədə bıə fəsodinə pərvəndə iyən dosye,çandə sorone ki,bəsə amerkə siyosəti iştimoyi fəzo peyo sayəş eğandə.
