Pezeşkiyan: İron heç qıləy şərayetədə təziğon vədə təslim əbı ni

Bə Pars Tudey xəbəron əsosi İron İslom Respublika prezdenti təkidış kardə İron heç qılə şərayetədə təziğon və izofə tələbon vədə təslim əbı ni.

Bə telerədyo aqentəti nəğli əsosi Pars Tudey xəbəş doə İron İslom Respublika prezdent Məsud Pezeşkiyan zinə de İroni ticari, sənaye və di təsərrufati palata uzvon qıləy təxəssusiyə iclosədə votəşe qıləy şərayetədə ki deşmen hərbiyə meydonədə ociz mandə ıştə dığğətış bə ixtisadiyə canqi tərəf bardəşe.Devlət və xususiyə baxş de həmdıləti , vəhdət və mıştərəkə həmkoəti çı mərhələku həm de muvəfəğiyyəti dəbəvarde.Pezeşkiyan həmçinin təkidış kardə muzakiron proses və məmləkəti xariciyə həmkoətion jıqo hozzı bə ki İroni milləti həx komilə holətədə bərpo bıbo və İron İslom Respublika heç qılə şərayetədə təziğon və izofə tələbon vədə təslim əbı ni.