Bo daxili siyosi mənafero Livani əmniyət iyən sərzəmini ğıboni kardey
Livan, israil və Amerkə 3tərəfə tojə sazışədə Livani sərzəminiku sionist rejimi xaric bey şərt Hiz-Bullah besiloh karde ğeyd bıə.
Eksperton nəzəku ın saziş Livani işğali sə kardey əvəzi çı dəvomi bois bəbe iyən eyniholədə çın kişfəri istiğlon və hakimiyəti məhdud bəkay.
Livanıjə tənğidəkan əcumlə parlamenti sədr Nəbi Berri ın sazışi bənə icbori muğavilə vəsf kardən iyən nota doydən ki Livani daxili vəhdət təhdidi jiədəy.
In saziş çı Livani ərtışi bə təcrid bardə iyən Livani daxili koonədə Amerkə və israili sərostə mıdoxiləon roy oj kardə.
Nəzorətəkan nəzəku bə Livan hakimiyət kardə partiyaon ısətnə canqiku bənə bo rəğibon xususi muğaviməti çı miyono bekardeyku istifodə kardə.
In dastə çı Hiz-Bullah hərbi ğudrət iyən Ə-məl hərəkati siyasi nufuz və çəvon mərdumi vırə iyən sistemi məh kardey pidəşone, Əvon hətto bəştə hədəfi dast peydo kardeyro hozzı bıən ta beməhdudiyət bə isrsil çı Livani ərazi işğal kardey icozə bıdon.
