Meta bə İroni ələyh canqədə de seonist rejimi bıə həmkoəti

Pars Tudey-Amerkə mediya orqan The Intercept qıləy sənədon ifşo kardə holədə elonış kardə:Meta de israyili tələbi de İroni kardə muhoribə anqıl bəzi məzmunış Facebook və İnstaqramiku pokış kardə.

Pars Tudey bə İroni Tele-Rədyo Korporasiya istinodən doə məlumoti əsos;çe Amerkə medya orqan bıə The Intercept tərəfiku dərc bıə sənədon nışon doydə ki,seonist rejim çe Metaku de İroni kardə canqi zəmonədə Facebook və İnstaqramədə dərc bıə çandə da qılə məzmuni molış piyə.
Bə Intercept qəzeti məlumoti əsos,çe seonist rejimi tələbon miyono bə İroni dastək doə poston, bə israyili zidd beşə məzmunon,de İroni rəketi hucumon təsiron anqıl şikilon və vidyeon,həmən hərbi təhlilon dərc kardə istifodəçi hisobon pok kardey həm bıə.Sənədonədə həmçinin çı Meta ın tələbon bəziyon bə vırə rosneyış və nəzədə bıə məzmunon kali qıləyniyon pok kardey nışon doey bıə.