Şəhidə Rəhbəri ğatelon ğısos bəben

İron İslom Respublika Xatəmul ənbiya(s) mərkəziyə ğərorqoh fərmondə qıləy mesajədə təkidış karde ,mığəddəsə matəm və xışm, Şəhidə İmom və mıslmonon iyən dınyo azadəon Rəhbəri iyən 2 və 3 nə canqi məzlumə Şəhidon xun xahəti dəvom pəydo bəkay və əvoni bə çəvon əncom doə cinayəton cəzo bərosnemon.

İron İslom Respublika Xatəmul ənbiya(s) mərkəziyə ğərorqoh fərmondə polot qeneral mayor Əli Əbdullahi mesaj jıqo bino bedə:De mıslmonon və dınyo azadəon yoli Həzrət Ayətullah uzma İmom Xameneyi şəhodəti mınosibəti bə Həzrət Bəğiyyətullah , İnğilobi alimə Rəhbəri həzrət Ayətullah uzma imom seyd Muctəba Huseyni Xameneyi və imlomiyə omməti təsliyət və təziyət votdəm.Dəvardə rujonədə dınyo tarixədə bə qıləy nımonəvi və əbədiyə ğəhrəmanəti xəlğ karde şohid be.Omməti Şəhidə İmomi təşşi və bə ro dəğande mərosim, əzəmət,aqahəti, imon, cihad və mığavimətiku bənə qıləy simvol insoniyyəti yaddaştədə ğeyd bı.Az bə ə əzəmətinə Şəhidə Rəhbəri yolə məğami ehtırom kardeədə bəştə fərz zındəm, nımonəvi, iyənironi şərofətin və yolə millətiku iyən İroni məsul şəxson, silohinə ğıvvon, İraği dust və bıvə məmləkət, islomiyə mubarizon və mıslmonon iyən dınyo azadəonku ki dıştə nımonəvi iyən veyə mənoş bıə hərəkəti islomiyə inğilobi və mığavimət cəhbə Şəhidon səidi vida və bə ro dəğande mərosimədə yolə ğəhrəmanətişon ofəyə ğədrdonəti bıkəm.İslomiyə omməti nımonəviyə huzur qıləy vida mərosimi sə yol, həğ tələb karde barzə sədo və bə aləmi zılmkaron plani botil karde qıləy xət be, ki həğ və botili ve ruşin iyandıko coş kardə.Im insoniyə rostbemon, oğoə milləton iradə de Şəhodəti mığəddəsə ro əlağədə qıləy təcəlli bə hisob omedə.Dınyo və kofrı roədə yolon və beynəlxalğə istikbar xususi cinayətkarə Amerkə və xəbisə sionist rejim, məbodo milləti çəşonədə cariyə norohəti və çı ğəmiku rost bə hərəkəton bə çəmə zəifəti hisob bınə.Im mığəddəsə matəm və xışme, Şəhidə rəhbəri,mıslmonon və dınyo azadəon Rəhbəri iyən 2 və 3 nə canqədə məzlumə şəhidon xun xahətiyu və dəvom pəydo bəkay iyən əvoni bə çəıvon əncom doə cinayəton cəzo bərosne.Milləti zumand və ğəhrəmanə fərzəndon, silohinə ğıvvədə bə mıtəalə Xıdo koməkon təvəkkul kardeədə iyən mıslmonə milləton və ozodəti tələb əkon həmroəti de inğilobiyə hərəkəton, deşmeni çəşonku hani bətılovone və ım terraristiyə cinayəti əncom doə kəson di ya rəv ğısas bəkay.İroni islomiyə şura məclisi rəis həm qıləy mesajədə nıvıştışe: İnğilobi Şəhidə rəhbəri tarixiyə təşşi ım ğəhrəmanə mucahidi xun xahəti elon be.İroni islomiyə şura məclisi rəis Muhəmməd Bağır Ğalibaf təkidış karde ım hərəkət ne qıləy vida iyən sırf əzadarəti bəlkə qıləy elon ım ğəhrəmanə mucahedi rəftor və kəlomi təsdiğ karde və ə əzizə şəxsiyyəti xunxahətiyu be ki Əhle Beyt(ə) ziyarətqahonədə , çandə milyon matəm vində əzadaron tərəfo imza be.Im mesaji mətn jıqo bino bedə:Şərofətin və yolə milləti rostbemon , şəhidə rəhbəri, şiə aləmi aliğədrə mərcə, fəğıron İmom Həzrət Ayətullah uzma seyd Əli Huseyni Xameneyi pokə cənazə təşşi mərosimədə, həmonə şəxsiyyət ki ıştə şərofətinə umrış mıslmonon vəhdət və yoliyəti iyən İslomiyə omməti səbarzətiyu sərfış kardə be və həğ iyən həğiğətiku mıdofiə kardeyu iyən dınyo fəğıron de Amerkə Rəhbərəti mıstəkbiron sultəku rəxeyu və beynəlxalğə sionizmi xərçəni pevılo be vəy qəteyu həmmə curə cəhdış karde.Im mərosim ne qıləy vida mərosim iyən sırf əzadarəti karde bəlkə ım ğəhrəmanə mucahedi rəftor və kəlomi təsdiğ karde və ə əzizə imomi xunxahətiyu qıləy elon be ki Əhle Beyt(ə) şərofətinə ziyarətqahonədə çandə milyon matəm vində əzadaron tərəfo imza be, qıləy elone ki ruşinə mesajədə çəy ro dəvom pəydo pəydo kardeyu,mığavimətı cəhbə məğlub nıbe və bə dınyo ozodəti tələb əkon vəhdəti təkid bə mincumlə şiə və sınni, ərəb, kırd, tırkmənı miyonədə.Dini və siyasiyə mərcəiyyətiku şımə nımonəviyə təkrim və ehtırom islom və mıslmonon izzət və yoliyətiş nakonəsə ve oşkoş karde və ozodəti iyən islomi deşmenon çəşi teğ be.Və bə həmmə nışonış do ki milləton iradə de terror və təhdid zəif karde əzın nin.