Ğırğızstan pidəşe ki İron Şanxay həmkari təşkilatədə daimə uzv bıbu.

Ğırğızstani xarıci vəziri muavin Şanxay həmkari təşkilatədə bə İroni daimə uzviyəti himoyə dorətiş kardə.

Bə Fars aqentiyəti raporti əsos Ğırğızstani xarıci vəziri muavin Emil Kaykif tojədən çı Şanxay həmkari təşkilatədə İroni uzviyəti beynəl xalğ sahədə çın təşkilati inkişof və ozavziye amil zınəş be votışe: İroni daimə uzviyət beynəl xalğ və məntəğədə çın təşkilati vırə zumandəti bois bıdə.

Emil Kaykif ijən bə İron və Ğırğızstani miyono həmkarion inkişof doe təkidış kardə.

Çin, Rusiyə, Ğırğızstan, Tacikiston, Pakiston, Hindıstan və Ozbəkiston çı Şanxay təşkilati daimə uzvinə iyən İron, Monğoliston və Əfğaniston həm ım həmkari təşkilatdə bənə nazirə uzv ğeyd bıən.

Im təşkilat bo çand tərəfiyə əmniyyəti, iğtisodi və mədəniyə həmkarionro səftə 2001 soriku de Ozbəkistoni əlovə bey bəpeştə təşkil bıə.