Barezani ğıvvon de artileriya bə iraği silahlinə ğıvvon hucum bardən.
Bə iraği kırdıstonı məntəğə rəis Məsud Barezani vabəstə bə ğıvvon de rəket və artileriya bə iraği devlətiyə ğıvvon tərəfi hucum bardən.
Bə Fars aqentəti xəbon əsosi ım hucumon zinə şanqo Pərdəh məntəğədə Altun Kupri neziədə əncum bə.
Altun Kupri Kərkuk ostani şimaliyə məntəğəy.
Barezani uzvon cumə ruji həm de Almaniya soxtə bə rəketon bə iraği silahlinə ğıvvon tərəf hucumışon bardə be.ım hucumonədə iraği silahlinə ğıvvonku çandənəfər kıştə və yarəjə bedən.
Almaniya ım rəketonış de İŞİD terroristiyə qrupi mubarizə bardeyu kırdə ğıvvon extiyorədə ğərorış doə be.
iraği kırdıston məntəğə pişmərqə ğıvvon 2014 minnə sori iyonə manqiku de İŞİD terroristiyə qrupi dave nəticədə Kərkuk ostani bəzi baxşon bəştə dast qətedən.