Pars Today

İ bıə milləton təşkilatədə İroni daimə nımoyəndə moavin Yəmənədə bıə Ərəbistoni cinoyəton barde çı insonə həxon və co beynəl xalğ təşkilaton sukutiku tənğidış kardə və votışe: ım ki de terrorizm mubarizə barde sahədə Ərəbiston bənə qıləy şərik çı beynəl xalğ təşkilatonədə uzviyətış heste, insoniyət və bəşər həxon məsxərə karde mənodəy.

Bə Fars aqentiyəti raporti əsos Ishağ Ali Həbib i bıə milləton təşkilatdə Səudi Ərəbistoni be ehtıromtəti əkə sıxənon və ittihamon cəvobədə təsdiğış kardə: Ərəbiston ıştən qırd Əlğaidə, Ən-Nusrə və İşidiku həm vey hırdənış ğətliam kardə və Yəmənədə əvoni kıştədə və hol ım ki ısət və bə Kanada tərəfo pesoxtə bıə ğətnomə tərəfdarəti karde xoto İronədə insonə həxonku tənğid kardedə.

İ bıə milləton təşkilatdə İroni daimə nımoyəndə miavin bə ım nuktə təkidış kardə ki Daeş və Ərəbistoni cinoyəton miyono anədə moşabihət bən yande ğətliamon əncom doe. Qıləy adi və səthi məsələni boçi ki Ərəbiston və İşidi miyono ideoloqiyaon mıştərəkə və əvon sivoy ıştən həmmə mısılmonon və ğeyri mısılmonon kofiyə hisob kardən və əvoni tənğid bedən.

İ bıə milləton təşkilatdə İroni daimə nımoyəndə miavin təşkilatdə Ərəbistoni daim nımoyəndə tojədə bə İroni əleyh çəxtə ittihamon bəyon karde bə kəno çı Kanada pesoxtə bıə iddiyaonku hozzo bıə ğətnoməku həm tərəfdartiş kardə və hol ım ki bə İroni zidd Kanada tərəfo bəyon bıə iddiaon və ittihamonku i qılə həm təsdiğ bə ni.

Ali Həbib ım ğətnomə təsdiğ bey bəpeştə bənə Kanada ğərbiyə kişvəron siyasətonədə jıqo 2 dim və ğeyri standardə simvolon və be ədolətion qıləy tılə həğiğət hisobış kardə və Kanada dıvləti ım hərəkəti bə insonə həxon əleyh və bə milləton be ehtıromtəti karde zınəş be.

Əv ijən təsdiğış kardə ki Kanada ısət rəsmi sorət de jıqonə siyasəton sabitış kardə ki bənə siyonist rejimi cinoyəton ısət Ərəbistoni cinoyəton barde həm sokotış kardə.