Osmoniyə surəon-263
Osmoniyə surəon-263
Təkviri mıborəkə surə ayəon de bənə həşi nuri okışey və astovəon benur bıey bıə nışonəon bəyoni,bə çın dınyo oxoyədə bıə dəhşətinə hodisəon işorə kardedə.min cumlə həmonə zəmonədə çı tars iyən vəhşəti şiddət anədə şiddətine ki,inson ıştə vey ğeymətinə molon həm çı viro bebəkarde.vəhşiyə heyvonon ki,addi holədə çı iyandeyku bə diyəron və çı iyandeyku fərol kardedən,iyande kəno cəm bəbeyn və həmmə çiyon ıştə yodo bebəkardeyn.jıqo bızın dılışon heste deştə cəm bıey ıştə tars və dəhşətiku bəkamkon.......
Cohiliyyəti əsri Ərəbi təzahuri vey dardnokə qıləyni,kinə toyfəon bəyji-bəyji dəkande və bə qur kardey be.bə zəmonə mıfəssir və təhliləkəyon votey əsos,çı homilə jeni zandey zəmon omə rəsə vaxti,çəy şuyə qıləy vırə kandedəbe və çəy səpe nışteydəbe ki,ehanə çəy jeni zandə hırdən kinə əbi,əy dərhol həmonə kandə şolədə dəakandi və əgər zoə fərzənd əbi,əy oəqətin. çın cinoyəti amil çı insoni cohiliyyə zəmonədə bıə jeni nodonəti iyən be erj bıeye və kinə toyfə qıləy ar zıneydəbin və həmçinin camiyədə hakim bıə fəğırəti həm çın yavə ko coqləyni amilonku qıləyni be.
Təkviri mıborəkə surə 8-ə ayə ımi bəyon kardedə ki,ğıyoməti ruji çın dıjdə zılm iyən fociyəku sıvol-cəvob bəbe və bəyji-bəyji bə qur kardə bıə kinonku dəparsey bəbe ki,de kom qıno kıştey bin? Kərimə-Ğıron anədə ın əməli yavə koy hisob bıə ki,hətto çı məhkəmə bənav bə ın mevzu rəsey coqlə məsələdə bəhs kardedə.həyğətədə,kinə toyfə bəyji-bəyji dəkandey çı məzlumiyyəti simvole və votey bəbe har qıləy bəyjiyə mevcud zolımonə şikilədə məhf bıbu və har qıləy bəyjiyə istedod etosney bedə və har qıləy həx ki,çı miyoniku şedə,bə sıvol-cəvobi məruz bəmande.ımruj hırdənon abort kardey və eğandey ki,kali kişvəronədə rəvocış pəydu kardə, ğasbu ımi həm insoni bəyji-bəyji bə qur kardey hisob kardey bəbe
