Nəhcul-Bəlağə pand iyən hikməton-25

Nəhcul-Bəlağə pand iyən hikməton

Nəhcul-Bəlağə 31-ə hikmətədə həzrət Əli(ə) çı imoni sutunon izoh doydə.de bə imoni məsələ əhəmiyyəti iyən çın hikməti har tərəfinəti dığğət kardə holədə,bə ğərol omimon ta ın hikməti çəç qılə bərnomədə şımə xıdmtədə bıbəmon.

Şımə həmmə zıneydon ki,bo mısılmon bıeyro iminə qəm,bə Xıdovəndi bıə imone.əmmo imon fəğət iqlə kəlmədə ni.bəlkəm əv qıləy ğəlbi və dıliku omə bovəy.qıləy bovə ki,bə insoni jimoni cəhət iyən istiğomət doydə və çı insoni jimoni formdə qıləy muhimmə rol ifo kardedə.de qıləy co iborəti  bə Xıdovəndi bandəçəti məsir iyən roy daxil bıey iminə qəm,imone və ikəs ki,ın mığəddəsə bovəş bıbu,bəy mumin voteydən.əmmo imon çiçiku iborəte vəbə kom usul iyən sutunon əsos bərpo beydə?.

Odəmi dığğəti cəlbəkə çi ıme ki,ım sıvol çı Əmirəl-Muminin Əliku(ə) həm dəparsey bıə.ə həzrət Nəhcul-Bəlağə 31-ə hikmətədə de qıləy vet reçinə ulqu çı imoni ərkon iyən sutunonış bəyon kardə.çə həzrətiku çı imoni barədə sıvol iyıən parsemon bıə zəmonədə ə həzrəti hamyeşe: ”Əliymanu əla ərbəi dəayimi:....imon bəsə çoqlə sutnonsə bərpoye:səbr,yəğın,ədolət iyən cihod.