İroni Sıə Ovşuməpoə Cəmyəti rəyis:Bə 5 qılə noxəşxonə ziyonon daxil bıə

İron İslom Respublikə Sıə Ovşumipoə Cəmyəti rəyisi elonış kardə:sehyonist rejimi bə İroni sərzəmini hucumi bədiqə bə kişfəri 5 qılə noxəşxonə ziyonon daxil bıə.

Bə Pars-Tudey bə İRNA istinodən doə xəbə əsos,İron İslom Respublikə Sıə Ovşumipoə Cəmyəti rəyis Pirhuseyn Kulivəndi votəşe:harçənd bə noxəşxonəon sərostə həmləon bıəni,əmmo bə ğandə bıə bombəon xoto,5 qılə noxəşxonəon ətrofi ziyonon qıniyə.Pirhuseyn Kulivəndi bə sehyonist rejimi bə tibbi mərkəzon kardə ğeyri-sərostə hucumiku nəşət seyə zərəlon işorə kardə holədə voteşe:çe noxəşxonə binon şişəon arışiye,çe noxəşon miyono iztirobi icod bey iyən bə duyəvulə xoto tənəffusi problemon və bə tıpemoni xoto vəş qətey,min cumlə çın ziyononku be.

Kulivəndi sehyonist rejimi bə tibbi mərkəzon kardə hurrəcış bə Beynəlxalğə usul iyən norməon zidd bıə qıləy hərəkətış zıne və əlovəş karde:Əmə ımi bənə qıləy nuyə sənədi bə Beynəlxalğə Təşkiloton ə cumlə bə Beynəlxalğ Ədolət Məhkəmə və bə Beynəlxalğ Sıəxaçi Cəmyəti bəvğandemon.

İroni Sıə Ovşumipoə Cəmyəti rəyisi təkidış kardə:Mərdum çe sehyonist rejimi həmləon mığobilədə ıştəku qələy mislış nıbə mığovimətışon nışon doe və yekdast, həmnəzə iyən de iqlə hədəfi çe İron İslom Respublikə mığəddəsə nizomi mıhofizə kardedən.