556-ə hissə-Taha surə-105-109 şərifə ayəon

556-ə hissə

وَيَسْأَلُونَكَ عَنِ الْجِبَالِ فَقُلْ يَنسِفُهَا رَبِّي نَسْفاً (105) 

(Ha peyğombər ha!) Iştıku(ğıyoməti ruji) çı bandon həxədə xəbə seydən, vuji: çımı pərvərdıqor əvoni çı bıniku bəkande iyən volo bəkay.

فَيَذَرُهَا قَاعاً صَفْصَفاً(106) 

Çən, əvoni(bənə) qıləy sof, həmoə vırə bəkay.

لَا تَرَى فِيهَا عِوَجاً وَلَا أَمْتاً (107) 

Və bəvədə hiç qıləy etat iyən petat mışohidə nibəkayş.

Vəynə ayəon çı dınyo oxo iyən çı axırəti bino bıeyku bəhs kardeydəbe.ın ayəon ğıyoməti ruji çı zəmini vəzyəti barədə sıxan voteydə və hamyedə:bo kali kəson ım sıvol bə meydon beşəbe ki,çokonə jıqo bılınd və əzəmətinə  bandon ğıyoməti ruji çı vırəku bekardey bəbe.

In ayəon çəvon cəvobədə hamyedə:ilahi ğudrəti  ki,zəmin iyənbandonış ofəyə,qıləy ko kardedə ki,həmonə ğoym iyən mohkəmə bandon ğıyoməti ruji jıqo bənə donə hırd iyən volo-volo bəbe.joqo ki,zəmini kurə səth i formədə sof,həmo bəbe iyən təpə nomədə hiççi nibəmande.ımon həmmə çı zəmini dıjdə zəlzələ dumo bəbe ki, qırd çiyon bəyənde bəje və volo bəkay.ın hadisəon bo ğıyoməti bərpo bıey iyən mardə kəson bəyji bıey  iyən ilahi ədolətinə məhkəmədə huzur bıey vəsə iyən mığəddiməy.

Çın ayəonku umutedəmon:

1-dınyo movcud bıə soxtemon,ğıyoməti ruji məhv bəbe iyən co qıləy nizom bərpo bəbe.

2-təbiyəti nizom,ilahi ğudrət iyən tədbiri jiyədəy və əv çoko bıpyişe jəqo əməl bəkay. nəinki, bə təbyəti məhukme.

يَوْمَئِذٍ يَتَّبِعُونَ الدَّاعِيَ لَا عِوَجَ لَهُ وَخَشَعَت الْأَصْوَاتُ لِلرَّحْمَنِ فَلَا تَسْمَعُ إِلَّا هَمْساً (108) 

Bə ruji(məxloğ) bə hiç qıləy inhirofış nıbə dəvətəkə tabe bəbeyn(bə İsrafili sədo quş bədon) və həmmə sədoon Rəhmonə Xıdo əzəməti mığobilədə okışeydən. çən,(həmonə ruji) hiç kəsiku ğərəz qıləy ahəstə sədo hiççi nibəməseyş.

Bə kali rəvoyəton əsos,İsrafil nomo bıə firiştə məxloği bo bəyji bıey iyən məhşəri səhnədə qırdə bıey dəvət bəkay iyən ım ko de suri pu kardey bino və əncom bədoe.

Təbiiye ğıyoməti səhnə anəndə hovlnok iyən tarsış heste ki,qırd nəfəson sinəonədə həbs bəbeyn iyən hiç kəs sıxan votey əzıni.ilahi əzəmət jıqo bə milləti seytərə pəydu bəkay ki,həmmə kəs ıştəni hırd iyən noçiz bəvinde.

Çın ayəku umutedəmon:

1-ğıyoməti ruji Xıdovəndi ğudrəti təcəlli pəydu kardə ruje ki,qırd  məxloği bə xuzu vodor bəkay.

2-ğıyoməti ruji ilahi dəvəti mığobilədə mığovimət iyən mıxolifət kardey movcud ni və qırd məxloğ deştə lınqi bə ğıyoməti səhnə bomeyn.

يَوْمَئِذٍ لَّا تَنفَعُ الشَّفَاعَةُ إِلَّا مَنْ أَذِنَ لَهُ الرَّحْمَنُ وَرَضِيَ لَهُ قَوْلاً(109) 

Həmonə ruj(hiçkəsi) şəfoəti foydəş nibəbe. əmmo Rəhmonə Xıdo izn doəkəson iyən çəvon sıxaniku rozi bıəkəson istisnan.

Təbiiye jıqo səhnədə huzur pəydu kardey insoni dasti çı həmmə vırəku kırt kardedə və boyis bedə ki,inson boştə nicotiro bə şəfoətçiyon pəydu karde fik dəşo.əmmo ın ayə hamyedə: ğərəz Xıdo izn doə iyən Xıdovəndi çəvon əməlonku rozi bıə kəson, hiçkəsi şəfoət kardey icozəş ni.

Umumən şəfoət qıləy tərbiyətiyə bərnoməy ta insonon itərəfiku cəhdo-təloşkəyn və co tərəfiyo ehanə bə kali səhvon mırtəkib bıbu,nomid nıbon.ğıyoməti ruji şəfoət bənə dınyoədə bıə tobəy ki, Xıdovəndi əvış ğərol doə ta ıştə bandəon bəştə rəhməti şomilkəy.

Şəfoəti hikmət,məxloği de ilahi ovliayon rabitə bıey iyən bəçəvon əmri pemandeye. Xıdo Rəsuliku(s) iyən çə həzrəti Əhle-Beyt(ə)iku şəfoət çəş kardə kəson, təbiiyə surətədə dınyoədə çəvon şıə roy bəqəteyn.ım vıjniyə bıə insonon ziyorəti faxti, deştə əhd bastedən ki,ıştə dəvardə qınoon əvəzi bebəşeyn və vəomədə həm ım səhvon ijən tikror nibəkayn.

Ə şəxson çı şəfoətiku bəhrə bəban ki,etığodi cəhətiku səhihə fikışon heste iyən əmələdə həm bə dini təlimon rioyət kardedən.de ın holi qahi faxti bə qıno iyən səhvi dıço bedən və həni tobə kardey fırsəti pəydu kardey zıneydənin.çun ğıyoməti ruji əsl çı şəxson əməle nəinki,şəfoət.əve Kərimə-Ğıron sıftədə şəfoəti inkor kardedə və peşo əy bə məxsusə vırəon ixtisos doydə.şəfoətkə,şəfoət bıəkəs iyən şəfoəti vırə, ımon qırd de Xıdovəndi icozə iyən izniye.

Çın ayəku umutedəmon:

1-Xıdo ovliayon şəfoət,de həx-təala izniye,nəinki,çı Xıdovəndi mığobilədə bıə qıləy ko.

2-şəfoət ğıyoməti ruji ilahi ğanunonku qıləyniye ki,çəy zəminə dınyoədə de Əhle-Beyt(ə)-i rabitə bərğərol kardeye.