562-ə hissə-Ənbiya surə-1-6 şərifə ayəon

562-ə hissə

بسم الله الرحمن الرحيم

اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ (1) 

Məxloği hisobi(zəmon) nez bıə. qıləy holədə ki, əvon ğəflətədən(və çəyku) dim qordınəşone.

Ənbiya surə çoko ki,çəy nomiku məlume,çı ilahi peyğombəron barədəy.bın surədə şonzə qılə peyğombəri nom iyən çəvon jimoni barədə omə.çun çı peyğombəron be`səti hədəf,tars doey iyən torsıney bıə,çın surə sıftədə bə məxloği xəbərdorəti doydə ki, ğıyoməti ruj navədəy iyən şımə bəştə əncom doə çiyon xoto,həmonə ruji bəşmə koon bərəseyn iyən şıməku sıvol -cəvob bəkayn.

Ayə dəvomədə hamyedə:umum-məxloğ dedınyo jimoni məşğulin iyən çı ğıyomətiku ğafilin və mumkine ımi hiçkəs bəçəvon yod nıdəno və çəyku dim qordıneydən və hozzı nin çı ğıyoməti barədə qıləy sıxan bıməson.hətta qahi faxti ixtisodi mıhosibə kardedən və de çəvon təbiri voteydən ağılmand de nisyə umudi, nəğdi çı dasto nibədoe.

Çın ayəku umutedəmon:

1-ğıyoməti ruji məxloği əməli mıhosibə anəndə bə diyəro ni ki,insonçəyku ğafil bımando iyən har qıləy əməl ki,piyedəşone əncom bıdəyn.

2-ğıyoməti məhkəmə iyən bə hisobi rəse,bə milləti soyəx omeydə,harçənd əvon bəy be etino həm bıbon.

مَا يَأْتِيهِم مِّن ذِكْرٍ مَّن رَّبِّهِم مُّحْدَثٍ إِلَّا اسْتَمَعُوهُ وَهُمْ يَلْعَبُونَ (2) 

Çəvon pərvərdıqori tərəfiku bo əvon jəqo qıləy tojə pand nıome ki, əvon əy nıməson və(ijən) əvon de hənəki sətasponey məşğul bin.

لَاهِيَةً قُلُوبُهُمْ وَأَسَرُّواْ النَّجْوَى الَّذِينَ ظَلَمُواْ هَلْ هَذَا إِلَّا بَشَرٌ مِّثْلُكُمْ أَفَتَأْتُونَ السِّحْرَ وَأَنتُمْ تُبْصِرُونَ (3) 

Qıləy holədə ki,çəvon dılon(çı həxıku ğafil iyən de co qılə çi çəvon) sə taspıə. və(kofiron,bəştə)  sıtəm kardə kəson məxfiyonə nəcva(pıçı-pıç) kardedən ki, ayə ın(merd həm) bənə şımə qıləy bəşər ni? ayə çəş vinde-vinde bə sehri tərəf şedon?

In ayəon bə camaati be etinoəti iyən dim qordıney nışonəon işorə kardedə və hamyedə: ha faxti Ğıroni ayəonku nozil bedə iyən peyğombər bo əvon handeydə, əmmo əvon quya məsəşon ni iyən əy zərfət zıneydən.

Seminə ayə jıqonə fərdon de ilahi kəlomi bıə rəftori rişə, çəvon dılon de dınyo koon məşğul bıey iyən Xıdo zikr nıkardey zıneydə. jıqo fərdon nəinki, həxı ğəbul kardeydənin,bəlkəm məxfiyonə surətədə deştə duyə sıxanon bə cokəson həm çı peyğombəri(s) dəvəti ğəbul kardey mane bedən.liza peyğombəri sehrboz təğdım kardeydən ki, çəy kəlomi sehr,yəni Ğıroni ayəon məxloği bəştə tərəf cəlb kardedə.

Çın ayəonku umutedəmon:

1-Ğıron çı zikr iyən bə yod dənoey moyəy və hejo bə insoni tojə təzəkkur və pand doydə ta əv bə ğəfləti dıço nıbu.

2-çı məxloği miyono peyğombəron jimon,anəndə sodə be ki,çəvon mıxolifon çəvon ım sodə jiye bəhonə ğərol doydəbin iyən əvoni bənə cokəson adiyə bəşər təğdım kardedəbin.qıləy holədə ki,əvon bəşər bin,əmmo ilahi vəhyi ğəbul kardedəbin.

3-kofiron de həyğəton puşniye,bəştə iyən bə cokəson zılmi rəvo zıneydən.

قَالَ رَبِّي يَعْلَمُ الْقَوْلَ فِي السَّمَاء وَالأَرْضِ وَهُوَ السَّمِيعُ الْعَلِيمُ (4) 

(Peyğombəri)Voteşe: çımı pərvərdıqor osmon iyən zəminədə bıə har qıləy sıxani zıneydə. əv əməs, əzıne.

بَلْ قَالُواْ أَضْغَاثُ أَحْلاَمٍ بَلِ افْتَرَاهُ بَلْ هُوَ شَاعِرٌ فَلْيَأْتِنَا بِآيَةٍ كَمَا أُرْسِلَ الأَوَّلُونَ (5) 

(Kofiron)Voteşone: ım vəhy ni, bəlkəm həvulconi(bəyənde qıniyə) hanonin. və əvonış duyədə bə Xıdo nisbətış doə.bəlkəm əv qıləy şayire. çən, ehanə rost voteydon, bəbe bənə navnə peyğombəron ki, (de mecuzə)vığandey bıəbin, əv həm boəmə qıləy mecuzə biyəy.

Çı mıxolifon mığobilədə ki,məxfiyonə surətədə məkrinə planon kəşeydəbin,ın ayəon çı peyğombər(s)-i zıvoniku  bəvon voteydə:qımon məkənən ki,şımə ıştə sıxan iyən koon çı Xıdoku məxfi kardey bəzıniyon.əv zəmin iyən osmonədə bıə çiyonku xəbədoe,çən şımə ıştə hiyləonku dast bıkəşən.

Əmmo mıxolifon çı pand qətey əvəzi,de hevujə təbliğati məşğul bedəbin.əvon bə peyğombər(s)-i şayir voteydəbin ki,bənə co qılə şayiron bəştə vəhm iyən xiyoli əsos sıxan voteydə iyən əy duyədə bə Xıdo nisbət doydə.qıləy holədə ki,bəbe bənə co peyğombəron mecuzəon nışon bıdəy.Xıdovənd peşonə ayəonədə bə bəhonə iyən şubhəon dumo bıə kəson cəvob doydə.

Çın ayəonku umutedəmon:

1-bə dini iyən mənəviyə şəxsiyyət iyən rəhbəron ələyh təbliğat və ittihamon,çı dini deşmınon əsliyə şivəonkue.

2-çı deşmınon behtonon de i yənde ziddiyətışon heste.məsələn,əvon bə peyğombəri şayir voteydəbin,qıləy holədə ki,Ğıron bə şeyri mandedəni  və bənə şeyri ni.

مَا آمَنَتْ قَبْلَهُم مِّن قَرْيَةٍ أَهْلَكْنَاهَا أَفَهُمْ يُؤْمِنُونَ (6) 

Çəvon bənav bıə çəmə həlok kardə təmom ovdonə vırəon(de mecuzə) vindey ijən imon nıvardeşone. çən, ayə ımon imon bəvayn?

In ayə bə ilahi ğanunonku qıləyni işorə kardedə və hamyedə:hafaxti məxloğ qıləy təklif bıdoyn iyən peyğombər çəvon tələb kardə mecuzəon biyəy,ehanə millət ijən imon nıvoyn, ilahi ğəhro-ğəzəb əvoni dəbəqəte iyən həmonə ğovmi həlok bəkay.

Ayə Məkkə mışrikon bənə vəynə ğovmon nin ki, deçəvon tələbon bıə mecuzəon vindey ijən imon vardedənin yaanki,çı bəhonə dumon və co qıləy mecuzə tələb kardedən?

Xıdovənd xəbə doydə ki,əvon həm bənə vəynə millətonin və de mecuzəon vindey ijən imon vardedənin və ıştə inodkorətiyədə mandedən.çın ayəku umuteydəmon:

1-inodkorəti iyən bəhonə vardey tarıxi dırozi bıə qırd mışrik iyən kofiron şivəonkue.

2-kofiron doə və`də duye.əgər bəçəvon tələbon əsos əməl bıbu,ijən imon nibəvayn.