571-ə hissə-Ənbiya surə-42-45 şərifə ayəon

571-ə hissə

قُلْ مَن يَكْلَؤُكُم بِاللَّيْلِ وَالنَّهَارِ مِنَ الرَّحْمَنِ بَلْ هُمْ عَن ذِكْرِ رَبِّهِم مُّعْرِضُونَ (42) 

(Ha peyğombər ha! bəvon)Vuji: bəşəvı-bəruj şıməni Rəhmonə Xıdo(əzobiku) oqətəkəs kiye? əmmo əvon Xıdo zikriku dim qordıneydən.

أَمْ لَهُمْ آلِهَةٌ تَمْنَعُهُم مِّن دُونِنَا لَا يَسْتَطِيعُونَ نَصْرَ أَنفُسِهِمْ وَلَا هُم مِّنَّا يُصْحَبُونَ (43) 

Ya boəvon(bo kofiron pesoxtə bıə) xıdoon heste ki, əvoni çəmə(əzobi) mığobilədə hifz bəkay? əvon(pesoxtə məbudon) bo ıştəni hifz kardey ğadir nin. (çı bımando cokəson)və çəmə tərəfiku həm bəvon hiçqıləy koməq nibəbe.

Navnə bərnomədə votemone ki,ğıyoməti inkor kardə kofir iyən mışrikon,hejo bə mısılmınon vəhışt iyən cəhəndımi bıə etığodi məsxərə kardedəbin iyən əy xorafat zıneydəbin. liza Xıdovənde-Aləm bə mısılmınon hamyeşe: bə dini mıxolifon ım yavə əməli xoto sıst iyən dılsard məbənən ki,ğıyoməti ruji əvon çəy cəzo bəvindeyn.

In ayəon hamyedə:nəinki,ğıyoməti ruji,bəlkəm həmınə bın dınyoədə həm əvon çı ilahi ğəzəb iyən cəzoku əmonədə nin və ha ləzə Xıdovənd  irodəkəy,ilahi əzob nozil bəbe və çəvon bəvon dıl dəvastə xiyoliyə məbudon hiç qılə əvoni çəmə əzobiku əmonədə oqətey nibəzıne.vey cəlbəkə çi ıme ki,bın ayəonədə “Allah” kəlimə əvəzi Rəhmani” kəlimə omə və jıqo bızın hamyeş piyedə ki,şımə mışrikon kardə koon hətta çı mehr və məhəbbəti məzhər bıə Xıdovəndış həm ğeyzin kardə və deştə əməlon ilahi ğəzəbi boştə tələb kardedən.

Çın ayəonku umutedəmon:

1-ehanə inson Xıdo zikr kardeyku bə diyəro bımando,ıştənış ilahi rəhmətiku bə diyəro kardəşe və Xıdovəndi ğəzəbi mə`rəzədə ğərolış doə.

2-ğərəz Xıdo harki ya harçi bıbu,ıştə ehtiyocon bərtərəf kardey zıneydənin,ısə çı bımando co kəson ehtiyocon bərtərəf karde.

بَلْ مَتَّعْنَا هَؤُلَاء وَآبَاءهُمْ حَتَّى طَالَ عَلَيْهِمُ الْعُمُرُ أَفَلَا يَرَوْنَ أَنَّا نَأْتِي الْأَرْضَ نَنقُصُهَا مِنْ أَطْرَافِهَا أَفَهُمُ الْغَالِبُونَ (44)

Əmmo əmə bəvon iyən bə çəvon pıon ıştə(nemətiku) Bəhrə domone ta inki, çəvon umr dıroz be. (qımon kardeşone çəvon umr sə nibəbe)ayə vindedənin ki, əmə bə zəmini soyəx oməmon(və) çəy kənoku bə kam kardedəmon? çən, əvonin bəmə ğalib omə kəson?

Vəynə ayəon kofiron ilahi əzobiku əmonədə nıbeyku bəhs kardeydəbe. ın ayəon hamyedə: əvon ki,bo zəmini qırd sakin və umməton qıləy ilahi əvəz nıbə ğanun bıəmardey mığobilədə ıştəni mıdofiyə kardey iyən çəyku fərol kardey zıneydənin. əmmo bəştə cismoni ğudrət iyən səlomətəti xoto bə ğurur iyən ğəfləti dıço beydən və qımon kardedən ki,bə ilahi sınnət və ğanunon ğalib bomeyn və çəvon ğudrətisə bəpe qıləy ğudrət movcud ni.

Ayə vindedənin ki,çəvon bənav zəmini dimisə çəvonsə vey zumandə ğovm iyən milləton movcud bıən və hukumətışon kardə,əmmo ısət çəvonku hiç qıləy əsər-əlomət ni və həmmə məhv bıən şıən? ayə əvon səbarz və ğalibin ya əmə?

Çın ayəku umutedəmon:

1-kofiron dınyo nemətonku bəhrə bardey,Xıdovəndi bəvon lutf kardey nışonə ni.Xıdovənd dınyoədə ıştə neməton bə qırd movcudon əto kardedə və bın koyədə çı momin iyən kofiron miyono fərğ noydəni.

2-dəvardə tarıxi mutaliyə kardey,bo vəomə milləti qıləy ibrəti dərse ki,bəştə fani bıə dınyo jimoni dıl nıdəvaston və bəştə pərvərdıqori nıpemandeyku dast bıkəşon.

قُلْ إِنَّمَا أُنذِرُكُم بِالْوَحْيِ وَلَا يَسْمَعُ الصُّمُّ الدُّعَاء إِذَا مَا يُنذَرُونَ (45) 

(Ha peyğombər ha!)Vuji: az bəşmə fəğət de vəhyi vositə çəşnavi doydəm. əmmo(bızın) kor bıə kəson əvoni torsınə faxti(əvon sıxan) məseydənin.

In ayə bə mıxolifon məğrurəti iyən ğəfləti rəğ-rişəon işorə kardedə və bə islomi-peyğombəri(s) xitob kardedə hamyedə:tı çiç voteydəş,ilahi vəhye ki,bəvon çəvon koon ağıbəti barədə xəbərdorəti doydəş ta əvon oğo bıbon və ilahi ğanunon mığobilədə muti bıbon. əmmo çiç kardey bəbe ki, bəvon çəşnavi doə sıxanon məseydənin əvon iyən təhlukə hiss kardeydənin.

Ruşine ki, peyğombəri(s) mıxolifon  kor nıbin iyən peyğombər(s)-i sıxanon məseydəbin. liza çın ayə və Kərimə-Ğıronədə bənə ımi ayəon ki,kali fərdon çı həxə sıxanon mığobilədə jıqo be etinon ki,jıqo bızın çəvon de kori hiç qıləy fərğış ni və hiççişon məsəni. Ağılmandə inson boəy təhlukəş bıə bəy xəbərdorəti doə hakəsi həxə sıxani bıməso, ıştəku hiç qıləy reaksiya nışon doydəni və boştə coni hifz kardeyro lozım bıə koon əncom doydən.əmmo kofiron nəinki, peyğombəron bəçəvon əncom doə yavə koon ağıbəti xoto doə xəbərdorətiyon quş doydənin və ıştə bevəcə əməlonku dast kəşeydənin, bəlkəm bə koon isror həm kardedən.

Çın ayəku umutedəmon:

1-peyğombəron sıxan iyən dəvət bə ilahi vəhyi əsos bıə,nəinki,bə bəşəri iyən şəxsiyə əğedə və fikon əsos.

2-çiki çəş iyən quşış heste,əmmo bo həyğəton məse,vindey iyən ğəbul kardey hozzı ninbu, həyğətədə əvon həm kun,həmən kor.