584-ə hissə-Ənbiya surə-109-112 şərifə ayəon

584-ə hissə

فَإِن تَوَلَّوْا فَقُلْ آذَنتُكُمْ عَلَى سَوَاء وَإِنْ أَدْرِي أَقَرِيبٌ أَم بَعِيدٌ مَّا تُوعَدُونَ (109) 

Çən,ha pəyğombər ha! əvon əgər dim bıqordınon bəvon vuji: az, bəşmə həmmə çoko heste elan kardıme və mı zıneydənim bəşmə və`də doə bıə çi, ilahi əzob neze ya diyəro.

Navnə proqramədə Xıdovənd  Peyğombəre-Əkrəm (s)i- risoləti iyən be`səti bo qırd aləmon rəhmət zıneydəbe.ın ayə bə peyğombər(s)  iyən muminon xitob kardedə və hamyedə: şımə çəşməkənən ki,qırd camaat əvoni bə i bıə Xıdo tərəf dəvət kardey məsələ ğəbuləkəyn. bəlkəm çı məxloğiku idastə tarıxi dırozi bıən ki,çı peyğombəron həxə sıxanışon ğəbul kardəni və deəvon mıborizə kardəşone və  bəçəvon ələyh beşən.şımə vəzifə təzəkkur doey iyən xəbərdorəti kardeye.əmmo ısət kofiron keynə bə ilahi ğəzəbi giriftor bəbeyn,şımə dastədə ni iyən şımə çəyku xəbəon ni. mumkine Xıdovənd  bəvon həmonə bın dınyoədə şiddəniə əzob bıdəy və bın surərədə çəy zəmon vey nıze və ya çəvon əzobi tosə ğıyoməti ruji bə təxır eğando ki, çəvon palu ım ruj diyəroe.

Çın ayəku umutedəmon:

1-peyğombəri vucud iyən çəy hidoyətəkə dəvət bənə rəhməti voşiye ki,hiç qıləy pəxıləti nıkardə holədə bəsə zəminisə dimisə rubeydə,əmmo nemekinə zəminədə vıl nipebərəse.

2-Xıdovəndi bə insoni baxş kardə ixtiyor boyis bedə milləti kali qılə hətta Xıdovəndi həm inkor kardedən iyən  çəy əmron ğəbul kardedənin.

إِنَّهُ يَعْلَمُ الْجَهْرَ مِنَ الْقَوْلِ وَيَعْلَمُ مَا تَكْتُمُونَ (110) 

Həyğətən, əv həm şımə oşkoə sıxani zıneydə və həmən şımə niyon kardə çiyon.

In ayə vəynə ayə dəvomədə hamyedə: ehanə şımə cəzo və əzobon bə təxır eqıneydəbu, qımon məkənən ki,Xıdovənde-Aləm şımə kardə koonku xəbəş ni.zira əv həmmə sıxan iyən çiyon zıneydə.ısət şımə dılon heste əy oşkoədə bıvotənən ya məxfiyonə əncom bıdənən. umumən bo şımə iyən bo çın hevujə aləmi Xalığ bıə Xıdo oşkoəti iyən punhonəti hiç qıləy mənoş ni.çəy elmi oxoş ni iyən çəy elmədə hiç qıləy məhdudiyyət ni.çəmə insonon çəş,quş iyən co hisson bə qıləy zəmon və məkoni məhdude və çəmə çı ğeybiku xəbəmon ni.bo Xıdovəndi  ğeyb iyən şuhudəti movcud ni ta oşkoəti iyən məxfitəyi çəy tono qıləy məfhumış bıbu.

Çın ayəku umutedəmon:

1-çı sıxan iyən əməli miyono dıdiməti,ehanə bo məxloği həm oşko nıbu,çı Xıdovənd palu ruşine və mumkine ım bə həmonə odəmi rısvoyəti həm boyis bıbu.

2-Xıdo elmi deştə elmi mığoyisə məkəmon .zira əmə ıştə rəftoronədə bə səhvi dıço bedəmon.

وَإِنْ أَدْرِي لَعَلَّهُ فِتْنَةٌ لَّكُمْ وَمَتَاعٌ إِلَى حِينٍ (111) 

Və az zıneydənim, ğasbu ım əzobi bə təxır eqıney boşmə qıləy imtovon bıbu və boşmə tosə qıləy mıəyynə mıddəti ıştə quzəroni dəvordıneyro qıləy fırsət bıbu.

İjən çı vəynə ayəon dəvomədə ın ayə bə Xıdo əmron iyən bəçəy vığandə peyğombəron dəvət və sıxanon nıpemandə kəson xitob kardedə və hamyedə:ğasbu boşmə nəzədə qətə bıə əzobon bəçəy xoto bə təxır eqınyedə ki,şımə demi de tosə qıləy mıəyyənə mıddəti imtovon bıbon və şımə tosə ıştə oxnə nəfəsi deştə ixtiyori ıştə dıli piyə çiyon əncom bıdənən iyən ıştə daston bastə bıey fiki məkənən.ım çı Xıdovəndi adət və ğanune ki, əzob doeyədə dastpoçəti kardedəni və hakəs ıştəni çok-çoki nışon bıdəy iyən huccət bəy təmom bıbu.

Co qıləy nuktə ıme ki, ım mohlət bo oqardey iyən tobə kardey qıləy fırsət qıləy bıbi zira Xıdovən vədəş doə ki,çəy rəhmət hətta bə tobə kardə qınokoron həm şomil bəbe iyən bəvon cəzo doey nibəbe.

Çın ayəku umutedəmon:

1-dınyo umr kırte iyən çəy ləzzət vəməta həm məhdud iyən mıvəğğətiye çən dığğətkəmon dınyo məta  əməni bə dast nıdəno iyən ıştə ağıbətiku bıtarsəmon.

2-dınyo qırd çiyon imtovoni vositən.liza bəbe bə ğəfləti dıço məbəmon.çun ım oxoyədə bə çəmə ilahi imtovononədə ğəbul nıbey boyis bəbe.

قَالَ رَبِّ احْكُم بِالْحَقِّ وَرَبُّنَا الرَّحْمَنُ الْمُسْتَعَانُ عَلَى مَا تَصِفُونَ (112)

(Peyğombəri)Voteşe: Xıdolim ha! tı ıştən çəmə miyono həxədə hukm bıdə və kofiron bızınon çəmə həmməy pərvərdıqor Rəhmonə Xıdoe ki, şımə bəmı ayid kardə sıfəton mığobilədə çəyku tələb kardedəm.

In ayə ki, çı Ənbiya mıborəkə surə oxnə ayəy, çı Peyğombəre-Əkrəmi (s) ım sıxani bəyon kardedə ki,əv çı mışrikon çəy sıxanonku  dim qordıney iyən çəvon deəy deşmınəti kardey bədiqə,Xıdovəndiku tələb kardedə ki,de həxı hukm doey əvoni bəçəvon kooncəzo bırosni iyən icozə nıdəy mıxolifon çın əzobi təxıriku suyi-istifodkəyn və bə peyğombər(s)-i əshob iyən duston məsxərəkəyn və bəçəvon ruhiyyə zəyfəti boyis bıbon.

Ayə dəvomdə bə mıxolifon xitob kardedə və hamyedə.şımə inodkorəti şımənış bə vırə rosnəşe ki, rəhməti peyğombər (s) bəşmə nifin kardedə iyən Xıdovəndiku koməqış piyedə.

Çın ayəku umutedəmon:

1-hətta çı deşmınon barədə həm noxədə hukm mədəmon və ımi həm çəş məkəmon. çı həxıku dəməvardəmon iyən çı həddiku ziyodə cəzo tələb məkəmon.

2- peyğombər iyən çəy tərəfdoron fəğət çı Xıdoku koməq tələb kardedən. əmmo kofir iyən mışrikon çımiəks,çı sığə bıton iyən çı ocizə insonoku mədəd tələb kardedən.