586-ə hissə-Həcci surə-7-11 şərifə ayəon

586-ə hissə

وَأَنَّ السَّاعَةَ آتِيَةٌ لَّا رَيْبَ فِيهَا وَأَنَّ اللَّهَ يَبْعَثُ مَن فِي الْقُبُورِ (7) 

Həyğətən, ğıyoməti ruj omənine və bəvədə şək ni və Xıdovənd ğəbonədə bıə(hıtə) qırd kəson bəyji bəkay.

Dəvardə proqramədə de Həcci mıborəkə surə sıftənə ayəon oşno bimon.ın ayəon vəoməyədə dınyoədə qıləy dıjdə hodisə bıey barədə xəbə doydə ki,Kərimə-Ğıroni mədəniyyətədə bəy Ğıyomət votedən.qıləy ğıyomət ki,məxloği kali qılə bəy de şəkk və şubhə çəşi diyə kardedən.əmmo ğıron çandə qılə misol jedə və hamyedə ki, çoko zımostonədə doon mardey bədiqə əvəsorədə ijən sənibəton bəyji bıey və tojə jimon pəydu kardey,çı Xıdovəndi benəhoyətə ğudrəti nışonəonku zıneydə və əy bə har ko ğadir bıey zıneydə.ayə Xıdovənd ki,qıləy beconə tuli bə nutfə təbdil kardedə və əy qıləy inson kardedə ki,çəy qırd vucud jimon bedə və qırd ım heyrətamizə sıfəton bəvədə movcude,ısət həmonə Xıdo bə insoni ijən jimon doey nibəzıne?

In ayə de ğətiyyəti voteydə ki,çı ğıyoməti barədə hiç qıləy şəkko-tərdid ni.bə ın ilahi xəbə imon biyənən və bızınən şımə koon oxo şımə şəhron ğəbıston ni ta şımə əyo bə tul bıbənən iyən şımə ko obərəxe,bəlkəm həmonə tul şıməni tosə Xıdovəndi piyə faxti əmonət obəqəte.bə zəmon zəmini dılə bənə moə vanqo şıməni pebərosne və bənə tumi çı zəminiku bə bi bebəkay iyən ilahi məhzərədə hozzı bəbiyon.

Çın ayəku umutedəmon:

1-əgər qıləy şəxs qıləy çi ikərə xəlğ bıko,əy ijən dıminə kərə xəlğ kardey bəzıne. əve bəbe bəçəy ğudrəti şəkk məkəmon.

2-miad cismoniye və Xıdovənd ğəbonədə bə əmonət noə çiyon,ijən çəyo bə bi bebəkay.

وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَلَا هُدًى وَلَا كِتَابٍ مُّنِيرٍ (8) 

Və insonon miyono jəqo kəson heste ki, Xıdo həxədə hiç qıləy elm, hidoyət iyən ruşinə kitobış nıbə holədə mıcodilə(hesı-pes) kardedən.

ثَانِيَ عِطْفِهِ لِيُضِلَّ عَن سَبِيلِ اللَّهِ لَهُ فِي الدُّنْيَا خِزْيٌ وَنُذِيقُهُ يَوْمَ الْقِيَامَةِ عَذَابَ الْحَرِيقِ (9) 

(Və)De təkəbbır iyən yoləşəxəti dılış heste məxloği çı Xıdo royku bekəy. bo əy dınyoədə rısvoyəti heste və ğıyomətədə bəy sutunə əzobi bəçaştemon.

ذَلِكَ بِمَا قَدَّمَتْ يَدَاكَ وَأَنَّ اللَّهَ لَيْسَ بِظَلَّامٍ لِّلْعَبِيدِ (10) 

(Ğıyomətədə bəy votey bəbe: ın əzob)Bəçəyroe ki, ıştı daston çımi bənav vığandəşe və hukmən Xıdo bəştə bandəon zılm nibəkay.

In ayəon ijən bə mıxolifon de dini Xıdo iyən ğıyoməti barədə bıə təlimon cidol iyən hesı-pes kardey işorə kardedə və hamyedə:jıqo fərdon bəştə təkəbbır iyən məğrurəti xoto, bə ruşinə ağli istidloli təkyə nıkardə holədə sıxan voteydən və de imoni əhli mıbohisə kardedən.əvon məğsədışon heste məxloği çı həxə royku oqəton və əvoni bə zəloləti roy okırnon.

Islomiyə mədəniyyətədə bo həx-həyğəti kəşf kardeyro bıə mubahisə ğəbul bıənine. liza Xıdovənd bəştə pəyğombəri hamyedə:mıxolifon bə Xıdo dini tərəf dəvəti royədə, hikmət iyən moyizəsə əlovə debat iyən munozirə ki,qıləy ğəbul bıə koe, çəyku oko bıdə.əmmo ruşine ki,har qıləy debat bəbe bə dəlil iyən məntıği əsos bıbu. əv həm qıləy dəlil ki,çı dı tərəfi nəzəku ğəbul bıənin bıbu və bəy istinod kardeyədə co qılə tərəf əy inkor nıkəy.məsələn bənə ağliyə istidlolon və ya bənə dini motəbərə mətnon.

In ayəon məxloği bə inhirofi tərəf kəşey məğsədış bıə(nəinki,bo həyğəti zıne) iyən mıbohisə kardə kəson işorə kardedə və hamyedə ki,Xıdovəndi boəvon dınyo iyən axırətədə şiddətinə əzobi və`dəş doə və hamyedə:Xıdovənd əvoni dınyoədə həm rısvo bəkay iyən əvoni bə zıllət və xarəti dıço bəkay.ğıyoməti ruji həm əvoni saxtə əzobon çəş kardedə ki,ım çəvon dınyoədə əncom doə əməlon nəticəy.

Çın ayəonku umutedəmon:

1-dini məsələonədə hesı-pes və mıbohisə bəvədə bə qıləy dardi dəvo bəkay ki,bə elm iyən istidloli əsos bıu,nəinki,bə təəssıb iyən təkəbbırəti əsos.

2-beşək ilahi cəzoon de bəşəri noloyığə rəftoron mınosibe.təkəbbıri cəzo xari iyən rısvoyətiye.

وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ (11) 

Və məxloği(miyono) jəqo şəxson(həm) heste ki, Xıdovəndi fəğət deştə zıvoni pərəstış kardedə. çən,əgər bəy qıləy xəy bırəso, bəy xatırcəm bəbe. və ehanə qıləy mısibət iyən imtovon bırəso, çəy hol əvəz bəbe(ranqış bəqarde. jıqo şəxs) dınyo iyən axırətədə ziyonkore. ım həmonə oşkoə ziyone.

In ayə bə kali imonış zəyif fərdon işorə kardedə və əvoni jıqo təğdım kardedə:ım fərdon çı kufri də rıji qəviku mandən.zira imoni bəçəvon ğəlbi rusuxış kardəni və fəğət əvon de zıvoni islom vardəşone.liza əvon ıştə jimoni dırozi hafaxti asayiş iyən rohətətiyədə bıbon,bə Xıdo şık kardeydən iyən nımoj votedən.əmmo qıləy qədə mısibət bəvon bırəso,kufr-kufrə sıxanon bəştə zıvon cari kardedən iyən Xıdoku şikoyət kardedən.

De qıləy co bəyoni çəvon din bəçəvon dınyo tabeye.ehanə çəvon dınyo təmin bıbu, əvon bəvədə dindor bəbe  iyən dini mıdofiyə bəkayn.əmmo əgər dınyo bəvon peşt bıqordıno, əvon həm bə dini ıştə peşti bəqordınen.ım qıləy holədəy ki,be-nıbey həmmə çı ilahi imtovononkue və dınyo bo bəşəri çı imtovoni vırəy.

Çın ayəku umutedəmon:

1-deştə imoni məğrur məbəmon.zira məlum ni çəmə saxti iyən muşkilatonədə nışon doə reaksiyə çoko bəbe və əmə çokonə rəftor bəkamon.

2-bə insoni jimonədə rəsə mısibəton,çəy imtovon kardey vəsiləy.əgər səbrkəy,bəştə mıkofoti bərəse və ehanə kufr bıvoto,bə ilahi əzob və ğəzəbi giriftor bəbe.