791-ə hissə-Fatiri surə-12-13 şərifə ayəon

791-ə hissə

وَمَا يَسْتَوِي الْبَحْرَانِ هَذَا عَذْبٌ فُرَاتٌ سَائِغٌ شَرَابُهُ وَهَذَا مِلْحٌ أُجَاجٌ وَمِن كُلٍّ تَأْكُلُونَ لَحْماً طَرِيّاً وَتَسْتَخْرِجُونَ حِلْيَةً تَلْبَسُونَهَا وَتَرَى الْفُلْكَ فِيهِ مَوَاخِرَ لِتَبْتَغُوا مِن فَضْلِهِ وَلَعَلَّكُمْ تَشْكُرُونَ (12) 

Dıqlə dıyo eyni ni. qıləyni şin, lətif iyən(və) peşomənine və qıləyni su iyən tele. əmmo şımə har dıqləyniku tojə qujdon hardedon və zər-zibo(mirvarid) xaric kardedon iyən bətan kardedon. kəştiyon bəvədə vindedon ki, ləpəon poə kardedən ta çəy fəzliku(ruzi) tələb kardedon və(boçımi xoto) ğasbu şukrkoyn.

Vəynə proqramədə Xıdovənde-Aləm bəştə çı insoni xılğətədə bıə ğudrəti iyən  bəçəy kali xısusiyyəton işorəş karde. ın ayə bə Xıdovəndi təbyəti aləmədə bıə nışonəon işorə kardedə və hamyedə: dınyo dıyoon dıcurnəy, kali qıləyni şin iyən bəzi qıləyni tel. əmmo Xıdovənde-Xalığ har dıqləyniyədə bo bəşəri hozzı kardə novbənov xorəkon iyən tan kardəninə çiyon ğərolış doə. Xıdovəndi ovi dılədə ovi heyvonon iyən moyonış ğərolış doə ki, çəvon təvəllud iyən ziyod bıeyədə, çı insoni hiç qıləy rol və zəhmətış ni. bəlkəm, əv fəğət əvoni şikor kardedə, çəvonku məsrəf kardedən iyən bə sahil vardedən və bə cokəson həvateydən. de hardəninə çiyon pur bıə ım dıjdə mənbə, nəinki, bo japə kəno jiyə kəson foydənine iyən mənfəətış heste, bəlkəm çı dıyoku bə diyəro bıə məntəğə iyən sərzəminon sakinon ehtiyocon həm təmin kardedə.

Xorəki məhsulonsə əlovə, bənə sədəf iyən durri bıə kali zər-zibo iyən mırvariyon ki, vey boho ğeymətinə ziynət əşyaon bə hisob omeydən, çı dıyo iyən okeyanon nığılə vırəonədə istehsol bedə iyən həvoyə formədə çı insonon ixtiyorədə ğərol doey bedə.

Ehanə çı dıyoon nığılə vırəon çı bəşəri xorəkon təmin kardedəbu, çəvon səviyyə həm dıjd iyən hevujə roonku iborəte ki, inson boçəy soxte iyən oqəteyro hiç qıləy xarc nıkardə holədə, çəyo boştə lozım bıə məhsulon iyən mısofiron bə dınyo mıxtəlifə noxtəon kırney zəminə hozzı kardedə. joqo ki, dıjdə tanker iyən kəştiyon ki, zəmini səpe hərəkət kardey imkonışon ni, rohətə formədə ovi səviyyədə hərəkət kardedən.

Çın ayəku umutedəmon:

1-dıyo bəşəri jimoni de xorəki məhsulon təmin kardə muhimmə mənbəy ki, Xıdovəndi həvoy əvış çəy ixtiyorədə ğərolış doə.

2-insoni jimoni seyr kardey, bənə dıyoon qahi vaxti şin iyən bəzi vaxton su iyən tele. ehanə çokə inson mıvəvon iyən şikorəkə bıbu, kardey bəzıne ıştə jimoni qırd ləzəonədə çokə bəhrəon bıbo iyən bə səbarzətiyon bırəso.

3-boştəni dərostey iyən perosteyro, zinət əşyoonku bəhrə bardey, dini islomi ğəbul kardə vırəonkuye.

يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي لِأَجَلٍ مُّسَمًّى ذَلِكُمُ اللَّهُ رَبُّكُمْ لَهُ الْمُلْكُ وَالَّذِينَ تَدْعُونَ مِن دُونِهِ مَا يَمْلِكُونَ مِن قِطْمِيرٍ (13) 

Şəvi bə ruji umuj kardedə iyən ruji bə şəvi daxil kardedə və həşi iyənovşumış ram kardə. çəvon har qıləyni bo qıləy mıəyyənə mıddəti hərəkətədən və bəştə hərəkəti dəvom doydə. ıme şımə pərvərdıqor. Xıdovəndi hukmronəti fəğət bəy məxsuse. Və şımə çəy əvəzi vanq jıə kəson, xımo donə lu soyb(həm) nin.

Bə Xıdovəndi kaynat, təbyət iyən insoni xılğətədə bıə tohidi nışonəon işorə kardə ayəon bəpeştə, ın ayə bə təbyəti co nışonəon işorə kardedə və hamyedə: zəmini çı həşi qırdo qardey ki, bo zəmini sakinon şəvı-ruji bə əməl vardedə, bə ilahi tədbiri əsose.şəvı-ruj ki, sori çoqlə fəslədə çəvon dırozi mıddət farğ kardedə iyən iqlə mənoədə əvon bə iyande dılə daxil bedən. əvon hardıqləyni iqlə vaxtədə omeydənin iyən har qıləyni tədrici surətədə ğurub kardedən və ıştə vırə bə iyande doydən.

Ayə dəvomədə çın koy dəlili həşi iyən ovşumi təsxir iyən ram kardey zıneydə və hamyedə: Xıdovənd deştə əzəməti de Xıdovəndi əmri bo bəşəri xıdmət kardero, təsxir iyən ram bıə ta çəy ehtiyoci de nur iyən qami vositə təminko iyən çı zəmini daxilədə çı rəsəyon ruşd iyən perəsey zəminə hozzıko.

Şəvi toykiyəti zəmonədə həm, ovşum bənə dıjdə ovəynə, çı həşi nuri munəkis kardedə iyən çı həşi nıbə vaxti icozə doydəni mıtləğə şikilədə bıə toykiyəti, zəmini əhli dəqəto və şəvi vaxti mısofiron iyən səyohət kardə kəson, hışki iyən dıyoədə de problemon dim bə dim nıvon.

Həlbəttə, bəşər bəbe qımon nıko ki, zəmin, həşi iyən ovşum əbədi iyən dayimi bəbe, bəlkəm qırd kurə iyən planeton həm qıləy mıəyyənə umrışon heste iyən qıləy ruj əvon həmmə ebəqıniyen volo bəbeyn.

Ayə dəvomədə hamyedə: əhle imon bə jıqo qıləy Xıdo etığodışon heste ki, hestemoni aləm çəy ixtiyorədəy və həmmə çiyon deçəy irodə iyən tədbiri irodə bedə. əmmo mışrikon iyən kofiron ki, Xıdo əvəzi bə cokəson soyəx şedən iyən əvoni təsirəkə zıneydən, bızınon ki, ğərəz Xıdo darzəni tıki mığdorədə bə aləmi koon hakim iyən malik nin.

Çın ayəku umutedəmon:

1-təbiyi ğanunon de ilahi tədbiri noey bıə iyən ilahi hakimiyyəti jiyədəy, nəinki, bə Xıdovəndi tələbon hakime.

2-şəvı-ruji kırt ya dıroz bıey ya qıləyni coqləyni əvəz kardey, təsadufi ni, bəlkəm çı xılğəti de hədəfi bıey iyən çəy nəzmiku hikoyət kardedə.

3-hestemoni soxtemon min cumlə ovşum iyən həşi hərəkət, qıləy mıəyynə proqrammə iyən zəmonış heste və harçi bə qıləy mıəyyənə təğdıri əsos, ıştə məsir iyən royədə hərəkət kardedə.

4-bə Xıdo tərəf dim bıqətəmon ki, mıtləğə ğudrəti soybe. bə kəson soyəx məşəmon ki, qıləy ğudrətış ni iyən bəştə koy həm ğadir nin.