828-ə hissə-Saffati surə-114-122 şərifə ayəon

828-ə hissə

وَلَقَدْ مَنَنَّا عَلَى مُوسَى وَهَارُونَ (114) 

Və bərosti əmə bə Mosə iyən Haruni mınnət nomone.

وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ (115) 

Və ə dıqlə iyən çəvon ğovmımon qıləy dıjdə ğəmiku peroxnemone.

وَنَصَرْنَاهُمْ فَكَانُوا هُمُ الْغَالِبِينَ (116) 

Və bəvon komək kardemone. çən, əvon səbarz bin.

Navnə proqramədə Kərimə-Ğıron Xıdovəndi bə İbreym(ə)-i əto kardə kali neməton bə yod dənoydəbe. ın ayəon Xıdovəndi bə həzrəte Mosə(ə) iyən Harun(ə)-i əto kardə lutfon barədə bəhs kardedə. sıftədə kulliyə formədə hamyedə ki, Xıdovəndi əvonış bəştə neməton şomil kardeşe və peşo ın neməton qılə-qılə bəyon kardedə. Xıdovəndi bə Mosə(ə), Harun(ə) iyən bə Bəni-İsrayli iminə lutf, əvoni çı Firon və çəy ətrofiyonku ozod iyən bəçəvon deşmınon əvoni səbarz kardey be.

Misri sıtəmkor iyən xunpeşomə hakim bıə firon, Bəni-İsrayli merdon əsir və çəvon jenon boştə kəniz kardedəbe iyən çəvon zoon kışteydəbe. jıqo qıləy şərayitədə həzrəte Mosə(ə) Xıdovəndi tərəfiku bo Bəni-İsrayli çı Fironi çanqiku peroxnero əmrış se. əv deştə bə Xıdo bıə imoni, çəvon səbəsojəti zəminəş hozzı karde və əvonış çı nokəti ğəmo-ğussəku peroxneşe.

Xıdovəndi bə Bəni-İsrayli komək iyən lutfi dəlili xoto, əvon çı Nili ruyku ovaştin və Firon iyən çəy ləşkər ovi dılədə ğərğ bin eşin. demiyən, əvon de təyliyə dasti bə səyku de ji de silohi təchiz bıə Firon iyən bəçəy ləşkəri dəbarz bin və bə sıtəmkorə  ğalib omin. çı Fironıjon məhfi bəpeştə Bəni-İsrayli çəvon nol-əmvol, boğon iyən sarayonışon bə dast varde və boştəşon peqəte.

Çın ayəonku omutedəmon:

1-Xıdovəndi bə navkonə pəyğombəron kardə lutfon, tarıxi dırozi bə muminon oroməti iyən dılqaməti boyis bedə.

2-ğəmo-ğussə iyən psixi fişaron bərtərəf kardey iyən bə rufi aşişəti rəsey, ilahi dıjdə nemətonkuye.

3-Xıdo pəyğombər iyən ovliyaon, hejo çı sıətmi jiyədə bıə milləti fikədən, bo əvon dıl sutuneydən və ıştəni çəvon əzob-əziyyətonədə şərik zıneydən.

وَآتَيْنَاهُمَا الْكِتَابَ الْمُسْتَبِينَ (117) 

Və bə dıqlə ruşinəkə kitob domone 

وَهَدَيْنَاهُمَا الصِّرَاطَ الْمُسْتَقِيمَ (118) 

Və ə dıqlə bə rostə roy hidoyət kardemone.

وَتَرَكْنَا عَلَيْهِمَا فِي الْآخِرِينَ (119) 

Və bo ə dıqlə omə(nəslon) miyono(çokə nom) oqətemone.

Fironıjon istibdod iyən zılmiku ozod bıey neməti bəpeştə, bın ayəonədə bə həmməysə dıjdə nemət yəni camiyə bə dınyo iyən axırəti hərəbaxtəti səmt bardə osmoniyə ktobi nozil bıey neməti işorə iyən təkid kardedə.

Ruşine ki, çı Fironıjon sultəku perəxə cəmyət, bə ilahi ğanun iyən rəhbəri ehtiyociş heste ta qıləy səro-səhmon pəyduko və həni ijən bə istibdod iyən sıtəmkorərti dıço nıbu. liza, Xıdovəndi bo Bəni-İsrayl ğovmi ehtiyoc bıə ğanunon çərçivədə Tovrat kitobış vığande iyən həzrəte Mosə(ə)-ış boəvon rəhbər təyinış karde ki, ımon bo Bəni-İsrayl ğovmi həmməysə dıjdə nemət bə hisob omeydə. joqo ki, əvon de ın dıqlə neməti vositə qıləy solim iyən bə təkamuli tərəf hərəkət kardə camiyə bə əməl biyon.

Çın ayəonku omutedəmon:

1-istibdod iyən zılmi jiyədə bıə milləti coni peroxney, roy boçəvon hidoyəti xoto həmo bəkarde.

2-osmoniyə kitobon bə insoni dırıst və səhihə jimoni omuteydə. həlbəttə, de ın şərti ki, bə manipulasiya, təhrif iyən inhirofi dıço məbəmon.

3-Xıdovənde-Aləm Ğıronədə ıştə peyğombəron tərif kardedə və çokə nom çı tarıxi dırozi qırd pəyğombəron iştimayi sərmoyəonku qıləyni bıə.

سَلَامٌ عَلَى مُوسَى وَهَارُونَ (120) 

Səlom bıbu bə Mosə iyən Haruni.

إِنَّا كَذَلِكَ نَجْزِي الْمُحْسِنِينَ (121)

Əmə jıləvoni çı çokə koəkəyon mıkofati doydəmon.

إِنَّهُمَا مِنْ عِبَادِنَا الْمُؤْمِنِينَ (122) 

Həyğətən, ə dıqlə çəmə imoninə bandəonku bin.

Həzrəte Mosə(ə) iyən Harun(ə)-i həxədə bıə ayəon oxonə baxşədə, Xıdovənde-Xalığ bəvon səlom vığandedə və əy Kərimə-Ğıronədə zikr kardedə ta hejo bə ilahi pəyğombəron səlom vığandə iyən çə buzurquvaron zəhməton ğədri zınə bo imoni əhli, qıləy ibrəti dərs bıbu.

Ayəon dəvomədə hamyedə: çəmə lutf iyən inoyət bə ın dıqlə pəyğombər iyən imoni əhli, dayimi iyən sabitə koye və hakəs tarıxi dırozi imonin, pok iyən dırıstko bıbu və bə milləti çoki bıko, bə jıqo qıləy inoyət və lutfi şomil bəbe.

Həzrəte Mosə(ə) iyən Harun(ə)-i həxədə bıə oxonə ayə bəçəvon bandəçəti iyən təslim bıey dərəcə işorə kardedə və hamyedə: əvon çəmə imominə bandəonku bin. ın təbir kərimə-Ğıronədə çı umum pəyğombəron barədə oko doey bıə və əvon de “əbd” və Xıdo bandə nomi zikr bıən.

“Əbdi” kəlmə əks mığobil ki, movlay, çı pəyğombəron Xıdovəndi əmron mığobilədə məhzə surətədə təslim bıey bəyon kardedə. bə ziyodə insonon əks ki, Xıdovəndi əmron mığobilədə təslim nin və fəğət bə əmron pemandedən ki, çəvon illət iyən hikməti zıneydən və famedən.

Çın ayəonku omutedəmon:

1-bə ilahi merdon və ovliyaon səlom vığandey, qıləy bə xoş omə koye və Xıdovəndi ımış bəmə omutəşe və bın mənoədəy ki, yolə insonon ın səlomi ğəbul kardedən.

2-camiyə hidoyət iyən dini maarifon təbyini royədə har qıləy hərəkət, inev ehsone ki, ım həm çı ilahi merdon xısusiyyətonkuye.

3-bə çokə ko soybon rəsə ilahi lutfon, tarıxi dırozi hejo cərəyon kardə qıləy sınnət və adəte.