833-ə hissə-Saffati surə-161-173 şərifə ayəon

833-ə hissə

فَإِنَّكُمْ وَمَا تَعْبُدُونَ (161) 

Çən, şımə iyən şımə pərəstış kardə çiyon(milləti).

مَا أَنتُمْ عَلَيْهِ بِفَاتِنِينَ (162) 

Bə(Xıdo) zidd zəlolət kardey nibəzniyon.

إِلَّا مَنْ هُوَ صَالِ الْجَحِيمِ (163) 

İlla əkəs ki,(deştə ixtiyori) bə cəhəndım omeydə(cəhəndımi əhl bedə).

Navnə proqramədə mışrikon çı mələkon iyən cınon həxədə bıə nodırıstə bovəon barədə bəhs be. ın ayəon hamyedə: şımə bıtpərəston deştə nodırost iyən botılə fikon cokəson bə zəlolət eğandey iyən mınhərif kardey nibəzniyon. zira, ağl, məntığ iyən pokə dıli soybon şımə ğeyri-rasilonalə sıxanon ğəbul nibəkardeyn.

Həlbəttə, bə cəhəndımi roy tərəf şıey piyə əkəson, deştə ixtiyori kardey bəzıneyn çı mışrikon ayini tərəfdor bıbon və çəvon inhirofə royədə hərəkətkon.

Çın ayəonku omutedəmon:

1-Xıdovənd insonış ozod ofəyə. inson deştə irodə ıştə jimoni ayin iyən roy intixob kardedə və hiçkəs cokəsi ıştə roy vıjnemonədə məcbur kardey əzıni.

2-roy səçın kardey çı insoni ıştən dastədəy. əmmo, bəşəri vıjniyə har qıləy roy oxo, çəy ixtiyori xaricədəy. liza, inson çı kufr, şırk iyən zılmi roy qətə holədə həni ədəbiyə vəhışti çəş nıko.

وَمَا مِنَّا إِلَّا لَهُ مَقَامٌ مَّعْلُومٌ (164) 

(Firiştəon voteşone)Və hiç kəs çəməku ni illa ki, boəy qıləy mıəyyənə(mərtəbə) və məğam nıbu.

وَإِنَّا لَنَحْنُ الصَّافُّونَ (165) 

Və ım əmənimon ki,(Xıdo fərmoni əncom doeyro) Səfədə mandəmon.

وَإِنَّا لَنَحْنُ الْمُسَبِّحُونَ (166)

Və ım əmənimon ki,(əy) təsbih kardedəmon.

Mışrikon çı firiştə və mələkon həxədə nodırıstə etığodışon hestebe. əvon kinon qıləy zəyif iyən exrocə məxloğ hisob kardedəbin və mələkon həm çı Xıdo kinon zıneydəbin və de ın roy  vositə əvoni bə Xıdo nisbət doydəbin.

In ayəon çı məlayikon zıvoniku hamyedə: bəşmə bıtpərəston təsəvvıri əks, çəmə mələkon zoə ya kinə cinsımon ni və əmə qıləy zumandə məxloğimon ki, Xıdovəndi boçəmə har qıləy dastə mıəyyənə vəzifə iyən məsuliyyətonış təyin kardə və əmə həm boçəy əmron bə vırə rosnero hozzımon. əmə Xıdo şımə mışrikon çı harcurnə nodırıstə bovə iyən fikonku pok iyən mınəzzəh zıneydəmon və hejo deçəy təsbih iyən sıtoyişi məşğulimon.

Çın ayəonku omutedəmon:

1-Xıdovənd aləmon koon de maddi iyən mənəviyə səbəbon vositə idorə kardedə və məlayikon çı aləmi koon idorə kardeyədə muhimmə rolışon heste.

2-firştəon çı Xıdo fərzənd nin. əvon çı Xıdovəndi məxloğin ki, çəvon ko və məmuriyyət həm çəy fərmoni icro kardeye və əvon boştə ın məsuliyyəton əncom doeyro de qıləy məxsusuə nəzm iyən inziboti səffədə mandən.

3-aləmədə bo firiştəon har qıləy qıləy məxsusə məğam, vırə və məsuliyyətışon heste və çəvon qıləy mıəyyənə mərtəbəonışon mevcude.

وَإِنْ كَانُوا لَيَقُولُونَ (167) 

(Mışrikon de təkidi votedəbin:)

لَوْ أَنَّ عِندَنَا ذِكْراً مِّنْ الْأَوَّلِينَ (168) 

Ehanə çəmə palu navkonəyon(kitobon) neviku qıləy pandnomə bıəbe.

لَكُنَّا عِبَادَ اللَّهِ الْمُخْلَصِينَ (169) 

Əmə həm hukmən Xıdo vıjniyə bandəonku əbimon.

فَكَفَرُوا بِهِ فَسَوْفَ يَعْلَمُونَ (170) 

Əmmo(çoko ki, Ğıron boəvon ome) bəy kofir bin və(əvon) rəyrə bəzıneyn.

Torıxi rəvoyətonədə omə ki, islomi peyğombəri be`səti iyən Kərimə-Ğıroni enovney bənav, Məkkə mışrikonbə Ərəbi ləpəkədə sakin bıə yəhudi iyən məsihiyon votedəbin: ehanə Xıdovənd boəmə qıləy peyğombər iyən kitob bıvğando, əmə həm bəy imon bəvardemon iyən bəy tabe bəbemon.

In ayəon hamyedə: Xıdovənd həyğətədə jıqoş karde və Kərimə-Ğıronış boçəvon hidoyətiro nozil karde. əmmo, əvon de mıxtəlifə bəhonəon bə həxı nıpemandin və inkori roşon qəte. liza, əvon rəyrə ıştə ko nəticə bəvindeyn.

Çın ayəonku omutedyəmon:

1-Xıdovənd bo milləti huccət və dəlili təmom kardero, peyğombəron iyən osmoniyə kitobonış vığandə ta həni hiçkəs bə həxı dim qordıney iyən kufr iyən şırki roy vıjniye xoto, qıləy bəhonəş nıbu və taxsi bə Xıdo qıy nışodo.

2-duyə iddioəkəyon ziyode. fərdon hestin ki, sıxanədə iddio kardedən ki, dinışon ğəbul kardə. əmmo, əmələn bə həxı pemandənin iyən de dini mıxolifət kardedən.

وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ (171) 

Və beşək çəmə və`də boçəmə vığandə bıə bandəon mıəyyən be.

إِنَّهُمْ لَهُمُ الْمَنصُورُونَ(172) 

Həyğətən, əvon komək vində kəsonkuon.

وَإِنَّ جُندَنَا لَهُمُ الْغَالِبُونَ (173) 

Və beqımon çəmə ləşkər ğalibin.

Vəynə ayəon dəvomədə ki, çı mışrik iyən kofiron nodırıstə bovəon barədə be, ın ayəon hamyedə: imoni əhl ıştə etığodonədə bəpe bə şəkko-şubhə dıço nıbon iyən ıştə əməlonədə bə sıstəti iyən zəyfəti ro nıdon. zira, Xıdovəndi və`dəş doə ki, ehanə əhli-imon bəçəy pəyğombəron əmron pemandon ğoym bımandon və istiğomətkon, oxoyədə həx səbarz bəbe və botıl məğlub.

Çın ayəonku omutedəmon:

1-Xıdovəndi sınnət iyən adət, həxı bəsə botılisə iyən imoni bəsə kufrisə ğalib omeye.

2-peyğombəron iyən çəvon məktəbon bəsə coqlə məktəbosnə səbarzəti hətmi iyən beşəkke. de qıləy co iborəti bəşəriyyəti vəomə de pəyğombəron məktəbi səbarzəti iyən deçəvon deşmınon məğlubiyyəti bə icoye.

3-muminon harçənd kam həm bıbon, hukmən Xıdovənd bəvon komək bəkarde. əmmo, kofiron jıqo qıləy himoyədorışon ni.