Şiiə yolə alimon-33

Çəmə ğəsd heste ki,çı Şiyə kəlomi hədisi iyən fəğohəti əsri yolə alimonku bıə Cəbəl Amil həxədə qəp bıjənəmon.qıləy yolə alim ki,Livani Cəbəl Amil məntəğəkuye ki,ıştə zəmonədə çı şiyə şəryəti pərçəmdor və rəhbəronku be.qıləy fəğih ki,diyəməkə ki,çandə əsr dəvardə,ijən çəy elmi və fiğhi əsəron həxədə islomi alimon və fəğihon ıştə nəzəon nıvıştedən.de Şəmsuddin ləğəbi Muhəmməd bin Məkki Hicri-Ğəməri həştminə əsri yolə alimonkuye ki,bə kin-kudurətinə deşmınon əy məzlumonə şikilədə kıştey xoto,de “şəhide-əvvəl” yəni iminə şəhidi nomi məşhure…..

Muhəmməd bin Məkki və de “şəhide-əvvəl” yəni iminə şəhidi nomi məşhur bıə şıyə ın yolə alim Hicri-Ğəməri 734-ə sori Livani Cəbəl Amil məntəğəku bə hestemoni dınyo çəşış oj karde.Cəbəl Amil Livani məmləkətədə qıləy ğəşənq iyən bandıku məntəğkuye və deməkə ki,qıləy kamə məsofəş  heste,əmmo bın diyoriku ziyodə alimon bə elmi ərsə lınqışon noə.joqo ki,nəğl bıə qıləy məzhəbi və dini mərosimədə hafto qıləsə veyə dini mıştəhidi iştirokış kardə.ım bə zəmonədə Cəbəl Amil məntəğədə çı şiyə alimon mərkəz və ziyod bıey nışon doydə.Muhəmməd bin Məkki jıqo de alimon pur bıə qıləy şəhrədə və qıləy dindor və alimə xıyzonədə bə dınyo ome və de tosə ıştə umri 16 sinni hejo ıştə vətənədə  mande.əv,mığəddimə elmi təhsilatış ıştə pı iyən çı Cəbəl Amili co alimon palu omutışe və peşo boştə zəmonə məşhurə alimon tonoku dərs handey iyən çəvon elmiku bəhrə bardey niyyəti,əv bə Hillə şəhri şe və əv fəğət I sor be yəni çəy 17 sinnış hestebe ki,bə Hillə şəhri daxil bıəbe,əv iştihodi dərəcəş kəsbe karde və bə ın yolə məğamış əxz karde.əv 5 sor Hillədə mande və bın mıddətədə deştə ziyodə huş və ağli,bənə Əllamə Hilli fərzəndi Fəxrul-Muhəğğiğin Hilli bıə yolə alimon təhsin və təğdıri boyis be.joqo ki, Fəxrul-Muhəğğiğin Hilli bə zəmon 17 sinnədə bıə bə Şəhid Əvvəli imom,buzurquvarə əllomə və dınyo alimon əfzəli nomış noe…