Şiiə yolə alimon-45

Muhəğğiğ Kərəki bə uləmaon miyono bə de  ”Umər ibn Hənzələ məğbulə” nomi məşhur bıə qıləy hədisi istinodən,fəğihi bə Əimmə(ə)-I məxsusə şərayit zıneydə və əy məsumə İmom(ə)-I canişin və qırd ixtiyoron soyb hisob kardedə.kali uləma jıqo hisob kardedə ki,məsumə İmomi(ə) nayib bəpe məxsusə formadə elon kardey bıbu.çoko ki,İmom Zəmon(ə) ğeybəte-suğra zəmonədə 4 nəfərış de xass və məxsusə nayibon nomi təyin kardedə.əmmo,fazilə uləmanku coqləyni dastə bə mehkəmə rəvoyəton əsos etığodışon heste,İmom Zəmon (ə)-I ğeybəte-kubra  zəmonədə camiyuş-şərayit fəğih İmomi(əc) nayib hisob beydə və harçənd məxsusə surətədə fərdi nom İmom(ə)-i tərəfiku elon kardə bıəni.əmmo,qıləy şərayitədə iqlə fəğihi bə niyobəti dərəcəon rosneydə ki,rəvoyətədə təyin bıə.binobərin  har qıləy fəğih ki,məxsusə şərayitış yəni ədolət,iştihod,kali idorəçəti ğudrət və qıləy şəxsiyyətış bıbu,İmomi(əc)-I nayib bə hisob omeydə və məsumə İmomi malik bıə hukuməti ixtiyoronış heste və bə mısılmınon vocibe ki,bəçəy əmron itoətkon və pemandon…..  

Muhəğğiğ Kərəki Cımə nımoji bəhsədə həm çəy iğomə və bərpo kardey şərti,de İmom iyən deçəy nayibi iştirok və huzuri zıneydəbe.əv de bənə Seyd murətzo və İbn İdrisi bıə ğeybəti zəmonədə Cımə nımoji bərpo kardey cayiz nızınə mıxolifon nəzəon nəğl kardey,bəçəvon dəlilon işorə kardedə.mıxolifon jıqo istidlol kardedəbin ki,çun cımə nımoji şərayitonku İmomi iştirok ya ikıəs ki,İmom şəxsən əy bo cımə nımoji bərpo kardey nəsb və təyinko.binobərin cımə nımoji ğeybəti əsrədə cayiz zıneydənin.əve imom nıbə holədə  Cımə nımoji bərpo kardey bıbu,Zohri nımoj çı nımojəvoti qərdəniku sağit beydəni.qıləy surətədə ki,ehanə İmom cımə nımoji bərpoko, Zohri nımoj çı nımojəvoti qıyku sağit beydə.Muhəğğığ Kərəki de ın dastə soyb bıə fəğihon nəzəon mıxolifət kardedəbe.əv etığodış hestebe və jıqo hisob kardedəbe ki,çun qıləy camiyuş-şərayit mıştəhid və fəğih İmom(ə)-I tərəfiku umumi surətədə mənsub və təyin bıə ki,cımə nımoji həm bərpo kardey bəzıne.binobərin Muhəğğiğ Kərəki nəzəku fəğih fəğət bo milləti məhkəmə və fətfo həxədə mənsub bıəni,bəlkəm Cımə nımoji bərpo kardey həm çı fəğihi ixtiyorati sahəonkuye.zira Əyimmə(ə) fəğihış kulliyə formədə de vəliiy nomi mənsub və təyinış kardə. çoko ki,mışohidə kardedəmon əv komilə surətədə  ğeybəti zəmonədə Cımə nımoji bərpo kardey mıdofiyə kardedə və fəğihi çəy bərpo kardey məsul zıneydə.qıləy vırə ki,navkonə fəğihon veyni və çəy bədiqə bıə kamə fəğihon bəy işorə kardəşone və Muhəğğiğ Kərəki de ojə oşkoə holəti de zumandə dəlilon əvoni himoyə və mıdofiyə kardedə…..