658-ə hissə-Şuəra surə-53-62 şərifə ayəon

658-ə hissə

فَأَرْسَلَ فِرْعَوْنُ فِي الْمَدَائِنِ حَاشِرِينَ (53) 

Çən, Fironi(bo aqah bıeyro) bə şəhron cəm kardə odəmonış vığande ta məxloği cəmkəyn.

إِنَّ هَؤُلَاء لَشِرْذِمَةٌ قَلِيلُونَ (54) 

(Və elanış karde)Həyğətən, ımon qıləy kamə dastən.

وَإِنَّهُمْ لَنَا لَغَائِظُونَ (55) 

Və əvon əmənışon ğeyzin kardə(ya çəmə dastiku ğeyzinin).

وَإِنَّا لَجَمِيعٌ حَاذِرُونَ (56) 

Qırd əmə bo mıdofiyə hozzımon.

Vəynə proqramədə ğeydımon karde ki, həzrəte Mosə(ə) Xıdovəndi tərəfiku məmur be ki, Bəni-İsrayili ğovmi çı Misriku bə Şami tərəf hərəkət bıdəy. əve Mosə(ə) ıştə bekardə ğərolış bə Bəni-İsrayili jimon dəvordınə Misri qırd vırəon rosneşe.əvon həm de har qıləy mumkinə bıə formə ıştənışon bə paytəxt rosneşone  ta de həzrəte Mosə(ə)-i rəhbərəti çı sıtəmkor iyən fosidə Fironikuıştə coni bıroxnon.

Firon ki, çın bərnoməku aqah be,əmrış karde ki, bə mıxtəlifə şəhron odəmon bıvğandon və ıştə ğıvvon cəmkəyn iyən de həzrəte Mosə(ə)-i hərəkəti mıborizə bardeyro təblığat bobən və elankən ki, Mosə(ə) iyən çəy tərəfdoron çı Fironi ləşkəri vədə qıləy zəyif iyən kamə dastən və əvon deəmə mıborizə bardey zuşon ni. əvon de ım her-hevujə təblığaton dılışon hestebe həm Bəni-İsrayli təhdidkəyn ki, əgər itoət nıkəyn nobud bəbeyn və həm bəştə ğıvvon qıləy ruhiyyə bıdəyn ki, əmə çı Mosə(ə) iyən çəy tərəfdoron ko idəfənin sə bəkamon.

Çın ayəonku umutedəmon:

1-tağutə hukuməton hejo de duyə təblığaton vositə, ıştə ğudrət iyən imkonaton dıjd nışon doydən və ıştə mıxolifon ğudrəti hiççi hisob kardedən ta çəvon hevujə fəaliyyəton vəy bıqəton.

2-zolım iyən tağutə rejimon, bo milləti bəştə tərəf cəlb iyən məhbubiyyət kəsb kardeyro, ziyodə xarcon əncom doydən, əmmo ijən rujbəruj çı milləti nifrət bəvon ziyod bedə.

فَأَخْرَجْنَاهُم مِّن جَنَّاتٍ وَعُيُونٍ (57) 

Əve əvonımon çı boğ iyən çeşməku.

وَكُنُوزٍ وَمَقَامٍ كَرِيمٍ (58) 

Və çı xəzinə iyən çəvon çokə vırəonku(dəbdəbəninə ğəsronku) bə bi kardemone.

كَذَلِكَ وَأَوْرَثْنَاهَا بَنِي إِسْرَائِيلَ (59) 

(Çəmə tədbir)Jıqo be ki, Bəni-İsrayilro çəvon varis ğərol domone.

In ayəon bə Fironi leşkəri de həzrəte Mosə(ə) iyən çəy tərəfdoron dimbədim omey macəra nəticə işorə kardedə ki, oxoyədə ım de Firon iyən çəy saray əhli ıştə taxto-taci, səltənət iyən ıştə qırd boğo-bostonon çı dasto doey və bə Bəni-İsrayli dasti eqıniye orəxe.

Həzrəte Mosə(ə) sıftədə hədəfəış Bəni-İsrayil ğovmi çı Fironi sultə jiku peroxney be. əmmo Xıdovəndi qıləy koş karde ki, Misri hukuməti odəmon de zıllət iyən xari məhv bıbon bışon və nokə iyən bandəon bə hukumət bırəson və çı fironıjon qırd mol-dıvlət iyən qırd mılkon bəçəvon dast dəşo. jıqo qıləy çi hiçfaxti bə Mosə(ə) iyən bəçəy tərəfdoron zehni rəsənıbe və bın barədə hiç qıləy koşon əncom doə nıbe.

Çın ayəonku umutedəmon:

1-zılmo-sıtəm,çı hukuməton məhv bıey kilide.de qıləy co iborəti zolımə hukuməton vəoməşon ni və sabit nibəmandeyn.

2-ilahi sınnət və adətonku qıləyni,camiyə zəyifə hissə çı hışkəqi iyən zolımə hukuməton vırədə ğərol doeye.

3-sərvət iyən ğudrət harçənd ziyod həm bıbu, çəyku dırıst iyən səhihə formədə oko doey nıbu, bə ğudrət iyən sərvəti soybon sə qıləy bəlo bəbe. nəinki, boəvon rohəti iyən asayiş bəvarde.

فَأَتْبَعُوهُم مُّشْرِقِينَ (60)‏

Çən, həşi pemeyədə Fironi ləşkər əvonışon təğib karde.

فَلَمَّا تَرَاءى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ (61) 

Çoko dıqlə dastə yəndeşon vinde, Mosə tərəfdoron voteşone: əvon əməni bəştə dast bəvardeyn(əmə bə tələ eqınəmon).

قَالَ كَلَّا إِنَّ مَعِيَ رَبِّي سَيَهْدِينِ (62) 

Mosə bəvon voteşe: ne jıqo ni. şək ni çımı pərvərdıqor demıye və mıni hidoyət bəkay(bəmı ro nışon bədoe).

Çoko ki, Xıdovəndi əmrış kardə be ki, həzrəte Mosə(ə) Bəni-İsrayli peqəti və bəşəvnəy hərəkətkəyn, əvon bə Nili ru sahili rəseyədə, bın zəmon Firon həm deştə tədaruk vində dıjdə ləşkəri sıbi faxti əvoni təğib kardeyro hərəktışon kardəbe və çun əvon bənə çıski rəyrə vitə canqi aspon suvar bıəbin, əve çəsponi veyrə bəvon rəsin. təbiiye be ki, Mosə(ə) iyən çəy tərəfdoron bo ıştəni mıdofiyə kardeyro hiç qıləy çişon nıbe və ya bo çı səhnəku viteyro qıləy asb ya şaturışon həm nıbe, əməli surətədə bə deşmoni mıhosirə dəşin və qıləy ko kardey ğudrətədə nıbin.

Əvon bə Mosə(ə)-i tərəf omin və ə həzrəti mığəssır zınə holədə bəy voteşone: ısət əmə çı Fironi çanqalədə giriftor bıəmon. tı ki, əmənı bə ın vırə rosne çımi bənav çım şərayiti fiki kardə nıbe?

Həzrəte Mosə(ə) ki,de Xıdovəndi fərmoni ım hərəkətış bino kardəbe, de bə Xıdo təvəkkul iyən bəçəy və`dəon peştıpur bıə holədə bəvon voteşe: şımə jıqo qımon məkənən. həmonə Xido ki, bəmı fərmonış doə, iyo həm bəçəmə dodi bərəse iyən rəyrə qıləy çorə ro bəmə nışon bədoe.

Çın ayəonku umutedəmon:

1-ehanə əmə bə ilahi əmron əsos əməlkəmon, tanq iyən bastə bıə roon, de Xıdovəndi irodə bəçəmə dimi oj bəbe və inson çəyu xaric bəbe. liza hiçfaxti bəbe noumud və məyus nıbu və hejo bəbe bə Xıdo təvəkkulkəy.

2-əgər çəmə bə ilahi və`dəon imonımon bıbu, bə iztirob iyən məyusəti dıço nibəbemon. bəlkəm, hejo bə Xıdovəndi lutf iyən rəhməti umudəvo iyən bə cokəson oroməti boyis bəbemon.