666-ə hissə-Şuəra surə-116-127 şərifə ayəon

666-ə hissə

قَالُوا لَئِن لَّمْ تَنتَهِ يَا نُوحُ لَتَكُونَنَّ مِنَ الْمَرْجُومِينَ (116) 

Milləti bə Nuhi voteşone: ha Nuh ha! ehanə(ıştə dəvətiku) dast nıkəşoş, hukmən tı çı sənqsar bıəkəsonku bəbeyş.

قَالَ رَبِّ إِنَّ قَوْمِي كَذَّبُونِ (117) 

Nuhi voteşe: Xıdolim ha! həyğətən, çımı ğovmi mınışon təkzib karde.

فَافْتَحْ بَيْنِي وَبَيْنَهُمْ فَتْحاً وَنَجِّنِي وَمَن مَّعِي مِنَ الْمُؤْمِنِينَ (118) 

Çən, çımı iyən çəvon miyono(hukm bıdə və) qıləy ruşinə ro ojkə və mıni iyən demı bıə har qıləy muminon(çı kofiron şərriku) nicot bıdə.

Dəvardə bərnomədə votemone ki, çoko Nuh(ə) milləti bə tohid iyən təğva tərəf səlo jeydəbe, əmmo çə həzrəti mıxolifon çəy tərəfdoron çı cəmiyyəti jinə hissə odəmonku iborət bıey bəhonə vardedəbin. əvon voteydəbin ki, Nuhi tərəfdoron çı camiyə zəyifə şəxson, fəğır iyən jinə təbəğədə bıə kəsonnin və deçəvon vucudi əmə imon nibəvardemon.

In ayəon çı Nuh(ə)-i mıxolifon ğeyziniyən norohət bıey nışon doydə ki, əy de səngsar kardey təhdidışon karde ta əv ıştə sıxanonku dast bıkəşo və əvoni bəçəvon ıştən holi va bıdəy. əmmo həzrəte Nuh(ə) ki, çı mıxolifon imon vardeyku noumud bıəbe, Xıdoku tələb kardeşe ki, koy bə oxo bırosni iyən çəy deçəy mıxolifon miyono oxonə hukmdəy. joqo ki, əv iyən deəy bıə co muminon çı mıxolifon şərriku peroxni.

Çın ayəonku umutedəmon:

1-təhdid, ğətl iyən repressiya, çı ilahi ovliyaon iyən peyğombəron mıxolifon tarıxi dırozi bıə metodonku bıə. əmmo əvon jıqo təhdidonku tarsənin iyən ıştə rostə royku dastışon kəşəni.

2-sıtəmkorə ğudrəton vədə bəbe bə Xıdo dəviti iyən çəyku koməq tələbkəy ta qıləy ro oj bıbu iyən çı nicoti roon hozzı bıbu.

فَأَنجَيْنَاهُ وَمَن مَّعَهُ فِي الْفُلْكِ الْمَشْحُونِ (119) 

Çən, əmə Nuh iyən deəy bıə muminon həmonə qonə kəştiyədə peroxnomone.

ثُمَّ أَغْرَقْنَا بَعْدُ الْبَاقِينَ (120) 

Peşo əmandəni ğərğ kardemone.

إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ (121) 

Həlbəttə, bın(macəradə) dıjdə nışonə heste. əmmo məxloği veyni imon vardəkəs nin.

وَإِنَّ رَبَّكَ لَهُوَ الْعَزِيزُ الرَّحِيمُ (122) 

Və şəkkni ıştı pərvərdıqor həmonə izzəti soyb iyən mehribone.

Çoko ki, Kərimə-Ğıroni co ayəonədə omə, Xıdovənde-Aləm bə həzrəte Nuh(ə)-i əmrış karde ki, qıləy dıjdə kəşti bısoxto və çı har heyvononku i qit bə həmonə kəşti suvarkəy. peşo deştə muminə tərəfdoron bə həmonə kəşti suvar bıbon. çı Nuh(ə)-i ğovmi əzobi zəmon rəseyədə, de Xıdovəndi əmri zəmini dimi qırd ovi eqəteşe iyən çı osmoniku ovəyz bə əməl vardə voşon cari be. həmmə vırədə qıləy dıjdə tufan bə əməl ome. Nuh(ə)-i kəşti çı təlatuminə ovon sape ğərolış qəte iyən Nuh(ə)-i ələyhdoron həmmə oveyzi dılədə tasin mandin.

Şəkk ni, de ın formə muminon nicot pəydu kardey iyən kofiron ğərğ bıey, ilahi ğudrəti oşkoə nışonəonku be. əmmo çı Nuh(ə)-i bədiqə bıə ğovmon həm imon nıvardeşone. çoko ki, Nuh(ə)-i ğovm həm de ilahi nışonəon vindey imon nıvardeşone və bə ilahi ğəhro-ğəzəbi dıço bin.

Çın ayəonku umutedəmon:

1-Xıdovənd ıştə ənbiya iyən ovliyaon dıvo mıstəcob kardedə iyən əvoni peroxneydə.

2-ənbiya və peyğombəron xətt iyən royku co bıey, bə həlokət iyən məhv bıey boyis bedə.

3-Xıdovəndi sınnət iyən adət, bə həxı koməq kardey, muminon nicot doey və botıli məhv kardeye.

كَذَّبَتْ عَادٌ الْمُرْسَلِينَ (123) 

Ad ğovmi(həm) ıştə peyğombərışon təkzib karde.

إِذْ قَالَ لَهُمْ أَخُوهُمْ هُودٌ أَلَا تَتَّقُونَ (124) 

Bə zəmon ki, çəvon bo Hudi bəvon voteşe: ayə tarseydəniyon?

Nuh(ə)-i bəpeştə Kərimə-Ğıron bə həzrəte Hud(ə)-i risoləti işorə kardedə ki, çı Ad ğovmi miyono məbus be. ım ğovm Ərəbıstoni cənubədə və Əhğafi sərzəminədə və ısət çı Yəməni məmləkəti i hissəku bə hisob omə, jimon kardedəbin.

In ayəon hamyedə: Adi ğovm həm bənə co ğovmon ilahi peyğombəron inkor kardedəbin və boçəvon dəvəti ğəbul kardey hozzı nıbin. deməkə ki, bənə qırd ilahi peyğombəron Hud(ə) həm əvoni bə i bıə Xıdo iyən pərhizkorəti tərəf dəvət kardeydəbe, əmmo əvon ijən əy ğəbul kardedənıbin.

Çın ayəonku umutedəmon:

1-çun çı qırd ilahi peyğombəron dəvət və hədəf iqləy, de iqlə peyğombəri mıxolifət kardey, bə həmmə peyğombəron ələyh beşe mənoədəy.

2-peyğombəron ıştəni çı milləti bo və bıvə zıneydəbin, nəinki, çəvon rəyis. ım çəvon təvozukorin, sədoğətin, dıləsutəti iyən mehribonəti nışon doydə.

إِنِّي لَكُمْ رَسُولٌ أَمِينٌ (125) 

Həyğətən, mı boşımə qıləy əminə peyğombərim.

فَاتَّقُوا اللَّهَ وَأَطِيعُونِ (126) 

Çən, Xıdoku bıtarsənən iyən bəmı pemandənən.

وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ (127) 

Və mı bəştə risoləti xoto boştə hiç qıləy muzdım piyedəni. (zira)çımı muzd fəğət bə aləmon pərvərdıqori ohdəy.

Peyğombəron camaati miyono de əmonətdor iyən peştıpur bıəninə şəxon unvanədə məşhur bin və çəvon kanə tarıx həm, bəçəvon ım rostəvıjəti, dırıstəti iyən sədoğəti şoyde. ım bo milləti bəçəvon tərəf omey və çəvon dəvəti ğəbul kardeyro, vey çokə illət be.

Bə zikr bıə ayəon əsos, Hud(ə) həm çı həzrəte Nuh(ə)-i sıxanon tikror kardedəbe və voteydəbe: ha məxloğ ha! bə Xıdo əmron pemandənən və bo jimoni səhihə roy zıneyro, bəmı itoətkənən ta az şıməni bə hərəbaxtəti bırosnom. əmmo çı həzrəte Hud(ə)-i ələyhdoron ki, bo ə həzrəti sıxanon məsey hozzı nıbin, mıxtəlifə bəhonəonvardedəbin və bə əmri pemandedənıbin. həzrəte Hud(ə) həm çəvon kali bəhonəon vəy qəteyro, de ojə-oşkoə holəti elan kardeşe ki, az şıməku hiç qıləy çi çəş kardedənim və qıləy şan-şohrəti dumohəm  nim. Xıdovənde-Aləm mınış be ehtiyoc ğərolış doə və az bəçəy dınyo iyən axırətədə bıə lutf və inoyəti umudəvom.

Çın ayəonku umutedəmon:

1-dınyo iyən axırətədə xoşbəxtəti şərt, bə Xıdo iyən bəçəy ovliyaon əmri pemandeye.

2-dini iyən mənəvi məsuliyyəton əncom doeyədə səbarzəti rəmz, ixlos iyən betəvəğğo bıeye.