669-ə hissə-Şuəra surə-151-156 şərifə ayəon

669-ə hissə

وَلَا تُطِيعُوا أَمْرَ الْمُسْرِفِينَ (151) 

Və bə isrifəkəyon tabe məbənən.

الَّذِينَ يُفْسِدُونَ فِي الْأَرْضِ وَلَا يُصْلِحُونَ (152) 

Əvon ki, zəminisə fəsod kardedən iyən islohi əhl nin(isloh kardedənin).

Dəvardə proqramədə votemone ki, həzrəte Saleh(ə)bo Səmud ğovmi hidoyət iyən ro nışon doeyro məbus be. əv həm bənə co peyğombəron əvoni bə Xıdo əmron pemandey iyən mıxolifət nıkardey tərəf dəvət kardedəbe. əmmo əvon ıştə eyşo-işrəti dumo bim və dılışon nıbe bə Saleh(ə)-i sıxanon quş bıdəyn.

Bın ayəonədəhəzrəte Saleh(ə) çəvonku tələb kardedə ki, çı isrof iyən kali koonədə ifrotiku dast bıkəşon.çun isrofkorəti inov bəştə iyən bə cokəson zılm bə hisob omeydə və ım əməl çı məxloği miyono bə qıno iyən fəsodi pevolo bıey iyən camiyədə çokə koon bəkam və əyo çəvon koon isloh nıbey boyis bedə.

Islomi fərhənqədə isrof iyən koonədə ifrot kardey, hətta bənə bə cokəson infoği koyədə bıə çokə koonədə həm, mızəmmət bıə.ısət çı bımando bə camiyədə fəsod iyən çırkinəti boyis yavə iyən bə xoş nomə koonədə ifrot kardey.

Çın ayəonku umutedəmon:

1-çı sərvət iyən rifohiku bəhrə bardey,ehanə bə ağl iyən vəhyi əsos nıbu, bə camiyədə fəsodi pevolo bıey boyis bəbe.

2-isrofəkə şəxs, bəbe iştimayi muhimmə məsuliyyəton bəştə ohdə penıqəto yacamiyə bəştə əmri ji nıvəy. zira çəy bo cəmiyyəti idorə kardeyro bıə ləyoğətış ni.

3-çı isrofəkə iyən dardış nıbə və de rifohi jiyə kəsonku bəbe islohi umumon nıbu. zira həyğiyə isloh fəğət de peyğombəron barzə təlimi vositə imkonış heste.

قَالُوا إِنَّمَا أَنتَ مِنَ الْمُسَحَّرِينَ (153) 

Voteşone: (Ha Saleha!)bərosti tı çı sehr bıə kəsonkuş.

مَا أَنتَ إِلَّا بَشَرٌ مِّثْلُنَا فَأْتِ بِآيَةٍ إِن كُنتَ مِنَ الصَّادِقِينَ (154) 

Tı həm bənə əmə qıləy bəşəriş. çən, çı rostəvıjonkuşbu, qıləy nışonə(mecuzə) biyə.

Həzrəte Saleh(ə)-i dıləsut iyən xeyrxahə dəvəti mığobilədə, ım ğovmi əvış bə sehri ofsun bıə şəxs zıneyşone. ə həzrət əvoni çı qıno iyən fəsodiku bə diyəro mandey dəvət kardedəbe. əmmo əvon bəy votedəbin ki, tı ıştə ağlı çı dasto doə və ıştə qəvisə omə sıxanon kardedəş. qıləy sıxan ki, de çəvon nodırıstə ağl iyən məntıği i omeydənıbe və çəvon rifohtələbəti iyən ləzzəti dumo bıey vəy qəteydəbe.

Çə həzrəti mıxolifon həzrəte Saleh(ə)-i sıxanon de ağli i nıomey elan kardey bədiqə, voteşone: ehanə iddio kardedəşbu ki, ım sıxanon ıştı sıxanon nin və çı Xıdo kəliməonin, jəqoədə tı bəmə qılə mecuzə nışon bıdə ta əmə həm bətı bovəkəmon iyən əy ğəbulkəmon. zira tı həmə bədə əmə qıləy insoniş və hiç qıləy dəlil ni ki, əmə bəştı sıxanon pemandəmon və ıştə tələbonku dast bıkəşəmon.

Çın ayəonku umutedəmon:

1-dınyopərəston nəzəku, hakəs bəçəvon dınyəviyə ləzzəton iyən maddiyə mənfəəton əks qıləy sıxan bıvoto ya qıləy hərəkətko, əy səfi zıneydən. liza bəy ziyodə norəvoə behtonon həm ğandedən.

2-dınyopərəston hejo bə nımunə bıə fosidə insonon pemandedən və deəvon fəxr həm kardedən. əvon bə saleh iyən islohəkə insonon sıxanon pemandedənin.

قَالَ هَذِهِ نَاقَةٌ لَّهَا شِرْبٌ وَلَكُمْ شِرْبُ يَوْمٍ مَّعْلُومٍ (155) 

Saleh(çı milləti cəvobədə) voteşe: ım qıləy şature. (de Xıdo irodə çı bandiku beşe)çı oviku qıləy səhm çəye vəqıləy mıəyyənə ruji səhm boşımə.

وَلَا تَمَسُّوهَا بِسُوءٍ فَيَأْخُذَكُمْ عَذَابُ يَوْمٍ عَظِيمٍ (156) 

Və bəy qıləy zərəl mərosnən ki, dıjdə ruji əzob şıməni ebəqəte.

Çun peyğombəron boştə risoləti isbot kardeyro mecuzə nışon doydən, de Xıdovənde-Mutəali əmri çı Səmud ğovmi boştə dəbdəbəninə ko soxtə həmonə bandon miyono, qıləy şatur xaric be. çın şaturi həm çı bandon miyono beşey iyən həm ov peşomeyış qılıy mecuzə be. zira ım şatur anəndə ov peşomeydəbe ki, bəbe irujnə ovi səhmi bəy doey bıəbe. həzrəte Saleh(ə) bə milləti elanış karde ki, ım şatur de Xıdo fərmoni ofəyə bıə iyən qıləyadiyə heyvon ni.çən,şımə çəy hurməti oqətənən iyən bəy hiç qıləy zərəl mərosnənən. bəlkəm, şımə icozə bıdənən əv çiçış piyedə bıdə bəhəy və peşomi iyən bəçəy ko şımə mane məbənən. zira əgər şımə bəy qıləy ziyon bırosnon, bəvədə Xıdovəndi şiddətinə əzob şıməni ebəqəte.

Çın ayəonku umutedəmon:

1-Xıdovəndi təbyətədə bıə dastış bastə bıəni. qıləyXıdo ki, Mosə(ə)-i əso bə mori peqordınedə, çı bandi sığon miyono qıləy dıjdə heyvoon bıə şaturi həm bə bi bekardey bəzıne.

2-əgər qıləy mığəddəsə heyvoni təhğır kardey, şiddətinə cəzoş hestebu, bə ilahi yolə insonon behurmətəti kardey cəzo çən çiç bəbe?