673-ə hissə-Şuəra surə-188-197 şərifə ayəon

673-ə hissə

قَالَ رَبِّي أَعْلَمُ بِمَا تَعْمَلُونَ (188) 

(Şueybi)Voteşe: çımı pərvərdıqor şımə əncom doə çiyon vey çok zıneydə.

فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ إِنَّهُ كَانَ عَذَابَ يَوْمٍ عَظِيمٍ (189) 

Çən, Şueybışon təkzib karde və avə ruji əzobi əvonış eqəte. həlbəttə əruj dıjd iyən hovlnak be.

إِنَّ فِي ذَلِكَ لَآيَةً وَمَا كَانَ أَكْثَرُهُم مُّؤْمِنِينَ (190) 

Şək ni bın(macəradə ilahi ğudrəti) nışonə heste. əmmo milləti veyni imon vardəkəs nin.

وَإِنَّ رَبَّكَ لَهُوَ الْعَزِيزُ الرَّحِيمُ(191) 

Və bərosti ıştı pərvərdıqor həmonə zumand, mehribone.

Dəvardə bərnomədə votemone ki, Mədyən şəhri nezədəƏkkə sərzəmini millət, həzrəte Şuəyb(ə)-i qıləy codu bıə şəxs zıneydəbin ki, bəçəy qəv çiç omeydə votedə və əvon çəy peyğombərətişon təkzib karde. əvon de məsxərəamizə formə voteşone ki, ehanə tı rost voteydəşbu və ıştı ım votə sıxanon çı Xıdo tərfikuebu iyən votedəş ki, əgər əmə bəştı Xıdo əmron əks əməlkəmon, boəmə qıləy əzob bome, jəqoədə həmonə bın dınyoədə çı osmoniku dıjdə sığon bəçəmə sə eğand və ıştə bəmə və`də doə əzob bıdə boy əməni eqəti.

In ayəon hamyedə: həzrəte Şuəyb(ə) çəvon cəvobədə hamyeşe: Xıdovənd şımə kardə koon vindedə iyən zıneydə və çoko bıpyişe deşımə əməl bəkay. Xıdovənd bə şımə əzob bədoe ya nibədoe, çımı bəvədə hiç qıləy rolım ni.

Ayəon dəvomədə hamyedə: Xıdovənd əvonış de şiddətinə əzobi bəçəvon cəzoş rosne. çoko ki, rəvoyətonədə çəvon əzob doey omə ki, qıləy sutunə qamə həvo ome çəvon sərzəmıniş məhvış karde noşe. çən, çand ruj siyuə avə çəvon sərzəmini osmonış eqəte və millət çı voşi ovi rubey iyən həvo sard bıey çəş kardedəbin. əmmo ğəflətən qıləy mardə vardə avəçəkə əvonış eqəte. qıləy avəğurrə ki, bə kulli doonış otəşış je və bo Əkkə əhali qıləy vəş qətə cəhəndımış bə əməl varde. co tərəfiku həm qıləy şuddətinə zəlzələ əvonış dəqəte və həmonə inodkorə kofiron həmmə rınəş pəle.

Şuəyb(ə) iyən Əkkə camaati macarə oxoyədə,həmonə ayəon omə ki, çı navkonə peyğombəron ğovmon sərquzəştonədə oməbe. joqo ki, hamyedə: çın ləcuc iyən ğəcbəsə ğovmon həlokətədə ziyodənışonə iyən ibrəti dərs heste. əmmo milləti əksəriyyət ijən de ım nışonəon imon vardedənin. quya zıneydənin ki, Xıdovənd əziz iyən ixtidorine və çı həxı vədə mandə kəson, əv məhvo-nobud bəkay. həlbəttə aləmon pərvərdıqor bə oqardə iyən tobə kardə kəson, lutf kardedə iyən ıştə rəhməti bəon bəçəvon dimi oj kardedə.

Çın ayəonku umutedəmon:

1-çı qınokoron cəzo doey mizon iyən şivə barədə qıləy nəzə mədəmon.hətta peyğombəron həm çəy barədə ıştənbəsə məlumatışon ni və əvon əy de Xıdo elmi vositə zıneydən.

2-“hubbu dunya” və dınyopərəstəti, insoni vadar kardedə ta əv çı peyğombəron vədə bımando və əvoni təkzibkəy. qıləy təkzib ki,dınyo iyən axırətədə dumo ıştə zəob vardedə.

وَإِنَّهُ لَتَنزِيلُ رَبِّ الْعَالَمِينَ (192) 

Və bərosti ım(Ğıron) aləmon pərvərdıqori vığandəye ki.

نَزَلَ بِهِ الرُّوحُ الْأَمِينُ (193) 

Ruhul-Əmini(Cəbrəyili) əvış saru vardə.

عَلَى قَلْبِكَ لِتَكُونَ مِنَ الْمُنذِرِينَ (194) 

Bəştı ğəlbi ta tı çı torsınəkəsonku bıbuş.

بِلِسَانٍ عَرَبِيٍّ مُّبِينٍ (195) 

(Im Ğıron)De ruşinə ərəbi zıvoni(nozil bıə).

Xıdovəndi haft qılə peyğombəron zikri iyən çəvon inodkorə ğovmon həlokəti macəra bədiqə, ın ayəon hamyedə: Kərimə-Ğıronədə omə kanə ğovmon jimon iyən sərquzəşton, çı harcurnə xorafat iyə əfsonəku bə diyəroe və ımon qırd çı Xıdovəndi sıxanonin de Cəbrəyil(ə)-i vositə bə peyğombər(s)-i mıborəkə ğəlbi nozil bıə. həzrəte Muhəmməd(s) həm bəy hiç qıləy çi əlovə nıkardə holədə əvış bo milləti bəyonış kardə əvon bə Xıdo əmron nıpemandeyku bıtarson.

Bın ayəonədə bə Kərimə-Ğıroni solim iyən təhrif nıbey təkid kardedə. itərəfiku de vəhyi vositə yəni Cəbrəyil-Əmin(ə) hisob bıə və co tərfiyo çı Ğıroni enovnə bıə vırə çı peyğombər(s)-i ğəlbi elan kardedə ki, ım həm çı peyğombəri(s) rufi pokəti nışon doydə. peyğombər(s) həm həmonə çi bəştə zıvon vardedə ki, çəy dıli əvış ğəbul kardə. liza Kərimə-Ğıron çı harcurnə mubhəməti iyən şubhəonku poke. həmçinin Ğıroni imtiyozonku qıləyni çəy bə barzə fəsohət iyən bəloğəti malik bıeye.

Çın ayəonku umutedəmon:

1-təşriiyi aləm de təkvini sistemi həmahənqe. de qıləy co iborəti vəhyi vığandəkəs iyən dini hidoyətəkə ğanunon bo bəşəri səodətiro noəkəs, həmonə kəse ki, qırd aləmış ofəyə iyən hestemoni aləmi de tədbiri idorə kardedə.

2-Kərimə-Ğıron Xıdovəndi tərəfiku nozil bıə vəhye və çı harcurnə təhrif iyən inhirofiku əmonədəy.

3-Xıdovəndi sınnət iyən ğanun, bo ro dəqıjnə iyən ğafilə insonon  torsıney, oğo kardey, iyən xəbərdorəti doeyro peyğombər vığandeye.

وَإِنَّهُ لَفِي زُبُرِ الْأَوَّلِينَ (196) 

Və həyğətən, çəy(xəbə) navkonə(osmoniyə) kitobonədə omə.

أَوَلَمْ يَكُن لَّهُمْ آيَةً أَن يَعْلَمَهُ عُلَمَاء بَنِي إِسْرَائِيلَ (197) 

Ayə(ısət ki) Bəni-İsrayli alimon çəyku xəbəşon heste, boəvon(Məkkə mışrikon) çəy səhih bıey nışonə(dəlil) ni?

In ayəon bə Kərimə-Ğıroni həx bıey dəlilonku qıləyni işorə kardedə və hamyedə: Məkkə mışrikon əgər Ğıroni həx bıey barədə şəkkışon heste,kardey bəzıneyn bə yəhudi alimon ovardkəyn iyən de çəvon vositə çı peyğombəri iyən çəy kitobi navkonə kitobondə, min cumlə Tovratədə omə vəsfon barədə çəvonku dəparsin.

Təbiiye ehanə peyğombəri zəmonədə bıə Tovratədə jıqo qıləy bəşorət bıənıəbe iyən yəhudi alimon çəyku xəbəşon bıənıəbe, həni qıləy mənoş nıəbi ki, Ğıron jıqo qıləy iddokəy iyən peyğombər(s) əy bo milləti bəhandi. zira əv ıştən boyis əbi ki, əy inkorkəyn və əy duyəvıj bızınon.

Çın ayəonku umutedəmon:

1-axırəz-zəmonədə qıləy peyğombər iyən çəy kitobi bəşorəti doey, navkonə osmoniyə kitobonədə omə.

2-Ğıroni ziyodə ayəon məzmun, navkonə kitobonədə omə. əmmo çəy ləfzon bə peyğombəri mıborəkə ğəlbi nozil bıə.

3-yəhudi alimon Ğıroni həx bıeyku xəbəşon bıə. əmmo əvon bəştə şəxsi mənafe iyən məğami xoto, bo imon vardey hozzı nıbin.