690-ə hissə-Nəmli surə-70-75 şərifə ayəon

690-ə hissə

وَلَا تَحْزَنْ عَلَيْهِمْ وَلَا تَكُن فِي ضَيْقٍ مِّمَّا يَمْكُرُونَ (70) 

(Ha pəyğombər ha!)Bəçəvon (inhirofi xoto)xıfət məkə(ğəm məhə) və çəvon kardə məkro-hiyləku norohət məbi.

وَيَقُولُونَ مَتَى هَذَا الْوَعْدُ إِن كُنتُمْ صَادِقِينَ (71) 

Voteydən: ehanə rost voteydon, ım və`də(dınyo və axırəti əzob) keynə bəbe?

قُلْ عَسَى أَن يَكُونَ رَدِفَ لَكُم بَعْضُ الَّذِي تَسْتَعْجِلُونَ (72) 

Vuji: ğasbu şımə de tovi piyə çiyon i baxş şımə dumoe?.

Vəynə bərnomədə yəni 69-ə ayədə, Kərimə-Ğıron çı peyğombəri mıxolifonku tələb kardedəbe ki, bə zəmini mıxtəlifə nuxtəon səfəkənən ta dəvardə sivilizasiyəon həlokət iyən mardey mışohidəkənən və çəvon taleku ibrət peqətənən. əmmo ın ayəon bə peyğombər(s)-i xitob kardə hamyedə: çun mışrikon ıştə inodkorətiyonku dast kəşeydənin və hejo ıştə mıborizə bardedən, tı çəvon ım koyku norohət məbi. zira tı bəştə vəzifə əməl kardedəş və həxə sıxani bəçəvon quşon rosneydəş. Xıdovənd həm insononış ozod iyən faili-muxtar ofəyəşe və və piyəşni ki, əvon məcburi surətədə imon biyəyn.

Həlbəttə əvon nəinki, imon vardedənin, bəlkəm bo ə həzrəti dəvət iyən təblıği vəy qəteyro, hejo məkrinə planon kəşeydən və əmə həm hejo çəvon nəxşə və planon bərməlo bəkamon. çən, tı boçimiro xıfət məkə və ğəmqin məbi.

Ayəon dəvomədə  bə mışrikon sıxani işorə kardedə və hamyedə: əvon de məsxərəamizə formə bə peyğombəri votedəbin: ıştı doə ım və`də oxo keynə bome bərəse? və ijən votedən: əməni dınyo iyən axırətədə eqətə ilahi əzob, boçi rə bəçəmə soyəx omeydəni? əmə əy çəş kardedəmon.

Xıdovənde-Aləm çəvon cəvobədə hamyedə: vey dastpoçə məbənən  ki, şımə rəyrə bə əzobi giriftor bəbiyon və şımə məsxərə kardə çiyon şıməni dəbəqəte.

Çın ayəonku umutedəmon:

1-bo ro dəqıjniyəkəson dıləsutəti kardey, qıləy həddo-əndozəş heste. bəbe boçəvon hidoyətiro cəhdkəy, əmmo əgər əvon həxı nıdərəson və ijən bəştə botılə ro isrorkəyn, bəbe əvoni bəçəvon ıştə holi vadəy və çəvon ğəmi nıhəy.

2- bə kofir iyən zolımon mohlət doey, bə ım dəlili xoto məzınəmon ki, Xıdovəndi əvonış çı yodo bekardə. di ya rə əvon səbərəseyn və ıştə yavə koon ağıbəti bəvindeyn.

وَإِنَّ رَبَّكَ لَذُو فَضْلٍ عَلَى النَّاسِ وَلَكِنَّ أَكْثَرَهُمْ لَا يَشْكُرُونَ (73) 

Və bə rosti ıştı pərvərdıqor bə milləti(nisbətədə) çı fəzl iyən rəhməti soybe. əmmo çəvon veyni şukr kardedənin.

وَإِنَّ رَبَّكَ لَيَعْلَمُ مَا تُكِنُّ صُدُورُهُمْ وَمَا يُعْلِنُونَ (74) 

Və bə rosti ıştı pərvərdıqor çəvon ıştə sinəonədə niyon iyən oşko kardə çiyon(çok-çoki) zıneydə.

وَمَا مِنْ غَائِبَةٍ فِي السَّمَاء وَالْأَرْضِ إِلَّا فِي كِتَابٍ مُّبِينٍ (75) 

Və osmon iyən zəminədə hiç qıləy punhoniyə(movcud) ni, illa(Xıdovəndi palu) ruşinə kitobədə(nıvıştə bıə).

Vəynə ayəon dəvomədə, ın ayəon hamyedə: ehanə Xıdovənd şımə cəzoonədə dastpoçəti kardedəni, ım çəy bə insoni nisbətədə ocizəti, ğəflət iyən yodo bekardey xoto ni. bəlkəm, ım Xıdovəndi bəştə bandəon nisbətədə bıə lutf iyən rəhməti xotoe ki, Xıdovənd bəvon mohlət doydə iyən çəvon tobə ğəbul kardedə. əmmo de təəssıfi əvon bə ilahi dıjdə fəzl və rəhməti dığğət nıkardeşone və çəy şukrışon bə əməl nıvarde iyən ıştə navkonə yavə əməlon isloh kardey əvəzi, bəştə yavə koon dəvom doydəbin.

Ğasbu həm sıtəmkoronqımon kardedəbin ki, Xıdovənd bə ım dəlili xoto bəçəvon ələyh ko kardedəni ki, əv çəvon kardə koonku xəbəş ni və çəvon təhlukəninə niyyət və hiyləonku xəbə və aqahətiş ni. qıləy holədə ki, Xıdovənd nəinki, çəvon dılon sırriku, bəlkəm əv çı qırd movcudat və məxloğatuki dıləku xəbəş heste və ımon həmmə boəy oşkoe və çəy nəzəku hiççi məxfi ni. zira hestemoni aləmədə qıləy “Lovfu-Məhfuz” heste ki, əv çı Xıdovəndi həmonə benəhoyətə elme və qırd çiyon de ruşinə formə əyo ğeyd kardə bıə.

Çın ayəonku umutedəmon:

1-ilahi mohləti ğədri bızınəmon və çəyku boştə dəvardə yavə koon islohiro oko bıdəmon. nəinki, əy bəştə koon səhih bıey iyən əmə bə cəzo doey loyığ nıbey bıznəmon.

2-Xıdovənd çı qırd məxfi iyən oşkoə koonku xəbəş heste. osmonon iyən zəmini ğeyb, insoni məxfiyə koon, ğıyoməti omey ruj və aləmi co sırron. Həmçinin hestemoni aləm çəy nəzorəti jiyədəy və çəy palu qıləy hisob-kitob heste.

3-çəmə nəinki, bəştə koon iyən rəftoron islohi ehtiyocımon heste, bəlkəm əmə bəbe ıştə fik və niyyəton həm islohkəmon. cokəson bevəci tələb kardey əvəzi, çəvon xeyrxah bıbəmon. boçi ki, Xıdovənde-Aləm çəmə daxiliku aqahe və bəçəy əsos, ıştə lutf iyən rəhməti bəmə şomil kardedə.