951-ə hissə-Fəthi surə -5-9 şərifə ayəon

951-ə hissə

لِیُدْخِلَ الْمُؤْمِنِینَ وَ الْمُؤْمِناتِ جَنَّاتٍ تَجْرِی مِنْ تَحْتِهَا الْأَنْهارُ خالِدِینَ فِیها وَ یُکَفِّرَ عَنْهُمْ سَیِّئاتِهِمْ وَ کانَ ذلِکَ عِنْدَ اللَّهِ فَوْزاً عَظِیماً(5)

Ta Xıdovənd imoninə merdon iyən jenon bə  boğon ki,çəvon(doon)jiku nəhron(ruon) cariye,daxilko.qıləy holədə ki,əvon əyo əbədi bəmandeyn iyən çəvon qınon bəbaxşe və ım Xıdovəndi nəzdədə qıləy dıjdə perəxey iyən feyze.

Vəynə proqramonədə çı mısılmınon de Məkkə mışrikon miyono Hudeybiyyə sulhiku sıxan votedəbe ki, Xıdovənde-Xalığ vəomədə bo mısılmınon səbarzətiro qıləy bəşorətış doe və bəçəvon norohət və niqəron bıə kəson qıləy oromətiş baxş karde.

In ayə hamyedə:əvon ki,həmmə holonədə de Xıdo-Rəsuli(s) bə ico və bə ə həzrəti muti bin,dınyəvi oromətisə əlovə Xıdovənd çəvon axırətış həm təzminış kardə və çəvon xətoonku dəvardedə ta əvoni bə əbədiyə vəhışti daxilko və əvon çı İlahi oxoş nıbə nemətonku bəhrə bıbon.çın ayəku omutedəmon:

1-harçənd jenon bənə canq iyən cihodi bıə kali ərsəonədə sərostə formədə qıləy iştirokışon ni,əmmo əgər deştə canqəkə fərzənd iyən şuon həmfik iyən həmray bıbon və çəvon cəbhə iyən cihodədə bıə iştirokiku rozi bıbon,bın holətədə deçəvon mıkofoti şərikin.

2-imoni meyor ım ni ki,çı imoni əhliku hiç qıləy xəto və fırsiye bə əməl nıvo.əmmo çəvon çokə koon boyis beydə ki,Xıdovənd çəvon fırsiyeku dəvardo və əvoni bəştə rəhmət iyən məğfırəti şomil bıko.

3-həyği iyən dıjdə hərəbaxtəti iyən perəxey əve ki,inson həm dınyoədə və həmən axırətədə xoşbaxt bıbu. əmmo jıqo nıbu,kofiron veyni dınyoədə maddi nemətonku bəhrə bardedən.

وَ یُعَذِّبَ الْمُنافِقِینَ وَ الْمُنافِقاتِ وَ الْمُشْرِکِینَ وَ الْمُشْرِکاتِ الظَّانِّینَ بِاللَّهِ ظَنَّ السَّوْءِ عَلَیْهِمْ دائِرَةُ السَّوْءِ وَ غَضِبَ اللَّهُ عَلَیْهِمْ وَ لَعَنَهُمْ وَ أَعَدَّ لَهُمْ جَهَنَّمَ وَ ساءَتْ مَصِیراً(6)

Və mınofiğə merdon iyən jenon iyən mışrikə merdon və jenon ki,bə Xıdo bədqımonin,(bəvon)əzob bıdo. çəvon yavə niyyəton(hejo)bəçəvon sə booy və Xıdovəndi əvonış ıştə rəhmətiku bədiyəro kardə iyən boəvon cəhəndımış hozzı kardə.(çı) bevəcə ağıbəte.

وَ لِلَّهِ جُنُودُ السَّماواتِ وَ الْأَرْضِ وَ کانَ اللَّهُ عَزِیزاً حَکِیماً(7)

və osmonon iyən zəmini ləşkər bə Xıdo məxsuse və Xıdovənd Məğlubnıbə iyən Hikməti soybe.

İslomi peyğombər(s) iyən mısılmınon Mədinəlu bə Məkkə səmt hərəkəti zəmonədə bə Xıdo-Rəsuli(s) komək kardey bədqımon bıə mınofiğon votedəbin:mısılmınon bə Mədinə solim niobəqardeyn və de mışrikon təvəssuti əsir və ya kıştey bəbeyn.Məkkə mışrikon həm de mısılmınon mıborizə bardey ğəsdışon hestebe ki,de peyğombəri(s) tədbiri və de mışrikon sulhi mığovilə bastey,ım xətər və təhlukəş bərtərəf karde

In ayəon hamyedə:Mədinə mınofiğon iyən Məkkə mışrikon ki,bo mısılmınon yavə tale və sərnıvışt proqnoz kardedəbin,ıştən bə qıləy bədə sərnıvışti dıço beydən və dınyo iyən axırətədə həm  bə İlahi ğəzəb iyən əzobi giriftor bəbeyn.

Bə İlahi ğudrət iyən hikməti təkyə kardə və bə canqi meydon po noə kəson,bə Xıdovəndi lutf iyən inoyəti şomil beydən və oxoyədə qıləy səbarzəti bə dast vardedən.əmmo əvon ki,bəştə tarsi xoto kədə mandedən və cokəson həm de deşmınon torsıneydən və bə milləti ruhiyyə zəyfəti boyis beydən, nəhoyətədə bə qıləy yavə ağıbəti dıço beydən.həyğətədə,jıqo fərdon ıştə dınyo iyən axırəti xərob kardedən.

Odəmi dığğəti cəlbəkə çi ıme ki,bın ayəonədə muminə jenon çı muminə merdon kəno və mışrik iyən mınofiğə jenon çı kofirə merdon kəno omə ta çı jenon camiyə iyən siyosi koonədə bıə roli və çəvon bə merdon bıə təsiri bə yod dənoydə.çın ayəonku omutedəmon:

1-bə İlahi və`dəon bədqımonəti çı mınofiğ iyən mışrikon xıslətonkuye,nəyinki,bə Xıdo və`dəon bovəş bıə həyğiyə muminon xıslət.

2-mınofiğ iyən mışrikon şəytonəti iyən inhirofədə de iyande həmfik iyən həmrayin.bə həmonə dəlili xoto ın ayəonədə çı mınofiğon tale çı mışrikon kəno omə.harçənd nifoği roy qətə fərdon çı muminon miyono jimonışon kardə və zohirədə bənə mısılmoni hisob bıən.

3-əxloği fəzilət iyən rəziləton kəsb kardeyədə jenon çı merdon kənon və bənə əvon ıştə iyən çı camiyə taleyədə qıləy təsirışon heste.

4-hestemoni aləmi qırd əşyo iyən təzahuron,İlahi tədbir iyən fərmoni jiyədən və hakəs Xıdo mığobilədə bımando,oxoyədə məğlub bəbe.

إِنَّا أَرْسَلْناکَ شاهِداً وَ مُبَشِّراً وَ نَذِیراً(8)

 (Ha pəyğombər ha!)əmə tımon (bə əməlon) şoyd və bəşorətədə iyən tarsədə vığandemone

لِتُؤْمِنُوا بِاللَّهِ وَ رَسُولِهِ وَ تُعَزِّرُوهُ وَ تُوَقِّرُوهُ وَ تُسَبِّحُوهُ بُکْرَةً وَ أَصِیلا(9)

ta bə Xıdo iyən bəçəy Rəsuli imon biyon və bəy koməkkon iyən əy yol bızınən və Xıdovəndi sıb iyən şəvi zəmonədə təsbihkon(de pokəti sıtoyişkon).

Navnə ayəon dəvomədə ın ayəon bə milləti miyono peyğombəri(s) vırə və məğami təkid kardedə və hamyedə:Əv bə camiyədə bə əməl omə çiyon şoyd və nazire və çəyku hiççi məxfi mandedəni.harçənd mumkine ıştə zınə çiyon izhor iyən ifşo həm nıko.

Əv milləti bə çokə koon əncom doey iyən yavə əməlonku bə diyəro mandey səmt dəvət kardedə iyən çı çokətiyon həxədə bəşorət və yavətiyon barədə çəşnavi doydə.çən,çəş kardey beydə ki,imoni əhl çə həzrəti sıxanon ğəbulkon,əmələdə həm çəy yaro-yavər bıbon və çə həzərti camiyədə bıə məğami dıjd hisobkon ta daxili mınofiğon iyən xarici dastəon bəy qıləy zərəl rosney nızınon.çın ayəonku omutedəmon:

1-bo fərdon hidoyət iyən tərbiyəro,bəpe mıjdəvoni de xəbədoəti I səviyyədə nəzədə qətey bıbu ta mıxotəb nə məğrur bıbu və nə məyus.

2-camiyədə dini təblıği koy bəştə ehdə peqətəkəson rəftor iyən əməli cəhəto bəpe bo cokəson ulqu bıbon və əvon ıştən həm camiyədə bıə hodisəonku xəbədo bıbon.

3-bə Xıdo imoni şərt,Xıdo peyğombər iyən dini həddon himoyə və nığo doeye.bəpe bə ə həzrəti ehtırom neoy və çəy camiyədə bıə məğami dıjd hisob kardey bıbu.

4-muminə inson iştimoyi fəoliyyəton kəno və əməli meydonədə ha sıbh iyən şəvədə,nımoj iyən coqlə əməlonədə  Xıdo zikr kardey bıbu və bəpe de ın roy vositə de Xıdovəndi bıə rabitə ğoym kardey bıbu.