Istehsoli revnəğ Ixrisodi mehvər

Ğətər Farsi Xəlic ya korfəzi kəno bıə məmləkətonku qıləyniye ki,dəvardə soronədə bə ruşd iyən ozavziye səmt bıə qıləy ixtisodış təcrubə kardə.Ğətər çı İroni sadirat ya ixracat kardə vıjoronku qıləyniye.çı İroni cənub hamsuyə bıə Ğətər bəştə unikal və məxsusə səbəbon xoto,bə hışki jəqo həm qıləy dastrəs və imkonış ni və çın kişfəri fəğət de Səduiyyə Ərəbıstoni qıləy hışkiyə marz və sərhədış heste.bəçəy xoto Ğətəri bənə qıləy nimə cəzirə və ləpəki nomi əy ğeyd kardedən.çı Ğətəri de Səduiyyə Ərəbıstoni iyən Əməroti bıə muşkiloton boyis bıə ta çandə kərə çın məmləkəton tərəfiku bə təhrim iyən sanksiyə məruz mandə.jıqo qıləy şərayitədə İroni çandə dəfə nışonış doə ki,bo Ğətəri kişfəri siyosi,əmniyyəti iyən ixtisodi cəhəto qıləy çok və xotrıcəmə məmləkəte.joqo ki,Ğətəri əmir və kral şeyx Təmim bin Əhməd Ali Sani jıqo izhorış kardə və votəşe:çəmə de İroni bıə rabitə qıləy torıxi əloğəy,harçənd dəavrdə soronədə bə ziyodə hodisəon şoyd bıə,əmmo dayima çı dıqlə kişfəron miyono kanalon iyən roon mevcud və oj bıə.əmə İron İslom Respublikə mevğıyyətiku çı mıhosirə jiyədə ğərol qətə rujonədə və İroni bəçəmə milləti koməkış karde,vey təşəkkur kardedəmon….

Ironi bəştə hamsuyə kişfəron mıxtəlif nev əmtəə iyən məhsul sadir və ixrac kardedə ki,çəvon veyni xorək iyən aqrar sənaye maddəonku,sənaye hissəon ya mədəni və mineral hissəonku təşkil doydə.İroni bə Ğətəri sadir və ixrac kardə məhsulon sort həmçinin bə sipiyə sement,qips,oson,şişə,xorəki məhsulon və bənə xımo,pustə,pamador,zımıstoni,kələm,kahu,xıyo,kədu ya ku,zəfəroni və sayirə bıə di təsərrufoti məhsulon,həmçinin bənə travertin iyən mərmərə sığon bıə mədəni sığon,çandə nev ranqon və həmçinin metal və filizi liston,dasti sənaye,xolçə,kilim və çandə nev nəmə,məyişət təchizat iyən ləvozimoton,bo maşinon andom və hissəon,oson iyən puloku bıə armatur və sayirə.