612-ə hissə-Muminoni surə-70-74 şərifə ayəon

612-ə hissə

أَمْ يَقُولُونَ بِهِ جِنَّةٌ بَلْ جَاءهُم بِالْحَقِّ وَأَكْثَرُهُمْ لِلْحَقِّ كَارِهُونَ (70) 

Ya voteydən: əv səfi, cındo bıə. (ne jıqo ni)bəlkəm, əy boəvon həxış vardə. əmmo şımə veyni həxı ğəbul kardeyku xoşon omeydəni.

Navnə prqramədə çı islomi peyğombəri(s) mıxolifon de ə həzrəti bıə nodırıstə rəftoriku bəhs be. ın ayə bəçəvon bə peyğombər(s)-i doə norəvoə nisbəton işorə kardedə və hamyedə:kofiron çun bo həxı ğəbul kardey hozzı nin, Xıdovəndi bə peyğombəri(s) nozil kardə iyən bo məxloği tilovət kardə ayəon osmoniyə vəhy hisob kardedənin,bəlkəm voteydəbin ki,əv bə noxəşəti dıço bıə,əve jıqo sıxanon bə zıvon vardedə və ya çəy de cınon rabitəş heste və çəvon bəy ilğa kardə çiyon bo milləti handeydə.

Xıdovənde-Aləm çın şubhəninə sıxanon cəvobədə hamyedə: işkil çəvonkue ki,əvon həxı ğəbul kardeyışon piyedəni.nəinki,çı peyğombər(s)-i həx bıey oşko iyən ruşin ni.

Çın ayəku umutedəmon:

1-çı dini deşmınon proqraməku hejo ım bıə ki, dini yolə şəxsiyyəton çı camaati çəşiku eğandon.

2-çı dini yolon vəzifə iyən missiya ıme ki,həxə sıxani bıvoton, harçənd milləti əksəriyyət çəy məseku norohət həm bıbon ya əy ğəbul həm nıkəyn.

وَلَوِ اتَّبَعَ الْحَقُّ أَهْوَاءهُمْ لَفَسَدَتِ السَّمَاوَاتُ وَالْأَرْضُ وَمَن فِيهِنَّ بَلْ أَتَيْنَاهُم بِذِكْرِهِمْ فَهُمْ عَن ذِكْرِهِم مُّعْرِضُونَ (71) 

Və əgər həx bəçəvon həvaye-həvəsi tabe bıəbe, hukmən osmon iyən zəmin iyən bəvonədə bıə kəson məhv əbin.əmmo əmə bəvon təzəkkur iyən tənbihi vositə bıə Ğıronro domone. əmmo əvon çın pandiku dim qordıneydən.

Vəynə ayə dəvomədə, ın ayə hamyedə: çəvon de Kərimə -Ğıroni bıə mıxolifət bəçəy xotoe ki, çəy mətləbon deçəvon həvaye-həvəsi iyən hədərə tələbon həmahənq iyən i ni və ehanə ğərol bıəbe bə hestemoni aləmi hakim bıə ğanunon bə insoni meylon tabe bıbu, hərco-mərc iyən fəsod qırd dınyo eəqəti və hiç qıləy mizon iyən meyar dınyoədə hakim nıəbi.

Ayə dəvomədə hamyedə:Ğıroni ayəon insoni çı ğəfləti haniku oğo kardey vositə iyən çəy nicoti amile.əmmo bə həvaye-nəfsi tabe bıey boyis bedə ki,inson həxə ayəon məseyku dim bıqordıni.

Çın ayəku umutedəmon:

1-məxloği veyni piyedəşone ki,çı dini əməlon bəçəvon meyl iyən tələbon əsos bıbu. qıləy holədə ki,din bə həxı əsose,nəinki,bə həvaye-həvəson əsos.

2-hestemoni aləmədə hakim bıə soxtemon bə həx iyən ədoləti əsos ğoyme. əmmo millət çəş kardedən ki, dınyo bəçəvon oruzu iyən tələbon əsos bıbu.

أَمْ تَسْأَلُهُمْ خَرْجاً فَخَرَاجُ رَبِّكَ خَيْرٌ وَهُوَ خَيْرُ الرَّازِقِينَ (72) 

(Ha pəyğombər ha!) Ayə tı çəvonku qıləy muzd(ucrət) tələbı kardə? Iştı pərvərdıqori mıkofot vey foydənine və əv vey çokə ruzi doəkəse.

Navnə ayəon dəvomədə ın ayə hamyedə: ayə çı mıxolifon həxı ğəbul nıkardey səbəb ıme ki, tı dini təblıği iyən əvoni bə Xıdopərəstəti dəvəti koyədə çəvonku qıləy xarc seydəş ya qıləy mukofot tələbı kardə?

Ayə dəvomədə çəvon ım bəhonəə həm inkor kardey bedə və hamyedə: ruşine ki, ilahi peyğombəron ıştə mukofoti ıştə pərvərdıqoriku ğəbul kardeydən və məxloğiku hiççi çəş kardedənin.

Çın ayəku umutedəmon:

1-Dini təbliği mığobilədə bəbe çı millətiku pul iyən qıləy co xarc tələb nıkəy. ehanə əvon ıştən hədiyyə bıdoyn,ım co məsələy.

2-çı qırd bandəon ruzi aləmi xəlğəkə Xıdo dastədəy. Xıdovənd çı həxə xəbə rosnə iyən dini təblığ kardə kəson ruziş təzmin kardə.

وَإِنَّكَ لَتَدْعُوهُمْ إِلَى صِرَاطٍ مُّسْتَقِيمٍ (73)  ‏

Və şəkk ni tı milləti bə rostə roy tərəf dəvət kardedəş.

وَإِنَّ الَّذِينَ لَا يُؤْمِنُونَ بِالْآخِرَةِ عَنِ الصِّرَاطِ لَنَاكِبُونَ (74)

Və həyğətən, bə axırəti imonışon nıbə kəson rostə royku mınhərif bıən.

Çın ayəon oxonə ım baxşədə Xıdovənde-Aləm bəştə peyğombəri hamyedə: çı mıxolifon beməno iyən nodırıstə sıxanon tıni ıştə koy əncom doey koyədə sıst nıkəy iyən çı əhvol-ruhiyyəku nıeğando.həmçinin bəçəvon inkor iyən həxı ğəbul nıkardey xoto, tı ıştə həxə royədə bə şəkki dıço məbi.tı bızın ki,ıştı qətə ro həxe iyən tı milləti bə rostə roy tərəf sədo jeydəş.problem iyoe ki, kofiron iyən miadi inkor kardə kəson, çı ağl iyən fıtrəti royku mınhərif bıən və əvon bə rostə roy tərəf onıbəqardeyn.

Bə rəvoyəton əsos Xıdo Rəsul(s) iyən çə həzrəti nəsliku bıə Məsum İmomon(ə) sirə iyən şıə ro çı jimoni rostə roye.hakəs çəyku dəvardo, həxə royku mınhərif bıə iyən bə co səhvə roy tərəf şıə.

Çın ayəonku umutedəmon ki,peyğombər(s)-i bə milləti nışon doə ro və insoni bə hərəbaxtəti rosnıə vey nez iyən vey peştıpur bıəninə roye. zira mustəğimə ro çı dıqlə nuktə miyono bıə vey kırtə xətte.əmmo co qılə xətton mınhərif iyən şat-şutin və hiçfaxti insoni bə məğsəd rosneydəni.