470-ə hissə-İsra surə-7-10 şərifə ayəon

470-ə hissə

إِنْ أَحْسَنتُمْ أَحْسَنتُمْ لِأَنفُسِكُمْ وَإِنْ أَسَأْتُمْ فَلَهَا فَإِذَا جَاء وَعْدُ الآخِرَةِ لِيَسُوؤُواْ وُجُوهَكُمْ وَلِيَدْخُلُواْ الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُواْ مَا عَلَوْاْ تَتْبِيراً (7)‏

Ehanə çoki bıkoyn bəştə çokiyon kardə və əgər bevəci bıkoyn(ijən) bəştə bədiyon kardə.çən,çoko ki,(fəsodkorəti) dıminə və`də ome rəse,(zumandə canqavəron bomeyn ta) şımə sima yavə bıkəyn və (bo ğudrəti bə dast sıeyro)çoko ki,iminəkərə varid bin bə Məscidul-Əğsa varid bəbeyn ta bəştə sultə ji vardə vırəon vironkəyn.

Dəvardə bərnomədə votemone ki,Xıdovənde-Aləm bə Bəni-İsrayili xəbəş doe ki,şımə də kərə zəmini dimisə fəsod bəkayon iyən ha dı kərədə şıməsə zumandə ğıvvəon, bə şımə mısəllət bəbeyn iyən şımə kə-bəon viron və xərob bəkayn.

In ayə bə dıminə kərə fəsodi işorə kardedə və hamyedə:dınyo,çı əməl iyən əksul-əməli dınyoe.ehanə çoki bıkoyş,çoki həm bəvindeyş və bədi bıkoyş bevəci həm bəbindeyş.şımə ikərə de fəsodi məşğul biyon iyən çəy ağıbəton vinde,əmmo ibrəton nıqəte və ijən sənibəton de fəsodi məşğul biyon.çən,çəşkənən ısətnə səfə bəşmə joqo şəxson səbarz bəbeyn ki,şımə dimi siyo bəkayn iyən şıməni rısvo bəkayn. əvon Məscidul-Əğsa şıməku bə dumo bəstəneyn iyən bəşmə mısəllət bəbeyn.

Həlbəttə çın hadisə cuziyyat və zəmon Ğıroni ayəonədə zikr bıəni.zira tarıxiyə hadisəonədə muhimmə çi ibrəton iyən dərs qəteye ki,qırd millət iyən ğovmon bəbe pand bıqəton  bə bızınon ki,kufr iyən istikbar be cəvob nibəmande və zəmini dimisə fitnə-fəsod, həmonə bın dınyoədə həm dumo ıştə əzob vardedə.

Çın ayəku umutedəmon:

1-çəmə çoki iyən bədiyon bə Xıdo hiç qıləy xəy iyən ziyon nibərosneiyən çəy ıştən nəticə bəçəmə ıştəni obəqarde.

2-Xıdovəndi çı tarıx iyən camiyə barədə bıə ğanun iyən adəton sabite və hakəs dumo fəsodi bıbu,həlok bəbe.

عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيراً (8)

Umu heste ıştı pərvərdıqor bəşmə rəhmkəy və ehanə oqardon(ijən fitnəkoyn) əmə həm obəqardemon və əmə cəhəndımro bo kofiron qıləy şiddətinə zindonımon ğərol doe.

Vəynə ayə dəvomədə ın ayə hamyedə:hiçfaxti çı Xıdo rəhmətiku məyus məbənən iyən hejo bə Xıdovəndi rəhməti umudəvo bıbənən.həlbəttə şımə əməl iyən rəftor,çı ilahi rəhməti cəlb kardey zəminəon hozzı kardedə.ehanə ıştə fəsodiku dast bıkəşon, umu heste ki,ilahi rəhmət həm bəşmə tərəf oqardo.əmmo ehanə ijən şımə de fitnə-fəsodi məşğul bıboyn,bızınən ki,Xıdovəndi rəhmətşıməku bə dumo obəqarde iyən şımə dınyoədə həlokətiku əlovə,ğıyoməti ruji bə şiddətinə cəhəndımi əzobi giriftor bəbiyon.

Çın ayəku umutedəmon:

1-Xıdovəndi de bandəon bıə rabiitə əsl,bə rəhmət iyən məhəbbəti əsose.əmmo bandə ım zəminə çı miyoniku bıbu,ım istisnay.

2-çı bəşorət iyən rəhməti kənoyədə təzəkkur iyən xəbərdorəti həm lozıme ta çı fitnə-fəsodi ağıbət məlum bıbu.

إِنَّ هَـذَا الْقُرْآنَ يِهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْراً كَبِيراً (9)

Həyğətən,ım Ğıron bə ğoymə ro tərəf hidoyət kardeydə iyən bə ləyoğətinə ko əncom doə mominon bəşorət doydə ki,boəvon qıləy yolə mıkofot heste.

وأَنَّ الَّذِينَ لاَ يُؤْمِنُونَ بِالآخِرَةِ أَعْتَدْنَا لَهُمْ عَذَاباً أَلِيماً (10)

Və bə axırəti imon nıvardə kəson, boəvon qıləy dardinə əzob hozzı kardəmone.

Bə Bəni-İsrayili ayid bıə ayəon bə oxo rəseyədə,ın ayəon bə Kərimə-Ğıroni bo bəşəri hidoyətiro bıə məğami işorə kardedə və hamyedə:Ğironi hidoyəti şivə və metod qıləy sabit iyən ğoymə metode və bə zəmon iyən məkoni xoto əvəz bıənin ni.ruşine ki,Xıdovəndi kəlom iyən Xalıği sıxan joqo ğoym iyən mohkəme ki,hiç qıləy ko bəy xələl icod nibəkay.ilahi sabit bıə maarif iyən həyğəton çı Ğıroni ayəon ğalibədə bo bəşəri vığandə bıə.çəy vey muhimmə hədəf bəşəri bə səodət iyən nicoti tərəf hidoyət kardeye və bın cəhətədə ım komil iyən təmom ya vey komil və vey təmomə həddədəy.Xıdovənd bo bəşəri hidoyətiro harçiş əncom doə iyən boştə məxloğbıə insoni harçiş çəy ixtiyorədəş ğərol doə.

Həlbəttə təbiiye ki,bəşər çın həyğəton iyən maarifonku oko doeyro ozod ofəyə bıə. qıləy qrup əy ğəbul kardedən iyən bəçəy əsos bəy əməl kardedən və çəy dınyo iyən axırətədə bıə nəticəonku bəhrə bardedən.əmmo co qıləyni bəştə kufr iyən inodkorəti xoto bəy ıştə peşti qordıneydən iyən bəştə və ya bə cokəson oruzu və həvaye-həvəson tabey beydən.təbiiye ki,dıminə dastə çı Xalıği hidoyətışon bə kəno noəvə bə zəloləti dıço beydən və çəy nəticə dınyo iyən axırətədə bəştə cəzo rəseydən.

Çın ayəonku umutedəmon:

1-Kərimə-Ğıroni hidoyət, bə ğoymə məntıği əsose iyən bəvədə xorafat və xiyolon  nin.

2-Kərimə-Ğıron qıləy əbədi iyən qlobalə kitobe iyən çəy təlimon bə qıləy zıvon iyən ğovmi ayid ni.