473-ə hissə-İsra surə-18-21 şərifə ayəon

473-ə hissə

مَّن كَانَ يُرِيدُ الْعَاجِلَةَ عَجَّلْنَا لَهُ فِيهَا مَا نَشَاء لِمَن نُّرِيدُ ثُمَّ جَعَلْنَا لَهُ جَهَنَّمَ يَصْلاهَا مَذْمُوماً مَّدْحُوراً (18)

Hakəs dayima rədəvardə dınyo jimoni tələbko, bın dınyoədə bo hakəsi bıpyimone rəyrə çanəndə bıpyimone hozzı bəkamon. peşo cəhəndımi bo əy ğərol bədomon ki, de xəcoləti iyən tojnə bıə holədə bəy varid bəbe.

In ayə çə şəxson barədəy ki,ğıyoməti ruji inkor kardedən və ya çəyku ğəflətədən və çəvon qırd fikro-zikr dınyo iyən bəçəy maddiyaton rəseye.təbiiye jıqo şəxson boştə axırəti hiç qıləy koşon kardəni ki,ğıyoməti ruji qıləy çi tələbkəyn iyən çı vəhışti intizorədə bımandon.

Bə dınyo rəsey barədə həm jıqoe ki,əvon harçi bıpyoşone iyən tələbkəyn bəy bərəseyn. zira  umumən çı qırd dıli piyə çiyon bə vırə rəseyzərfiyyət dınyoədə mumkin ni.liza Xıdovənd hamyedə:bın rədəvardə dınyoədə şımə məxloği fəğət qıləy hissə və əvhəm kali tələbon bə vırə rəseydə ki,əvhəm bənə dınyo rədəvardedə iyən faniye.

Çın ayəku umutedəmon:

1-dınyopərəstəti iyən bə dınyo meyl bıey ki,bə çı axırətiku ğafil bıey boyis beydə, bə insoni ğıyoməti ruji zərəlo-ziyoni boyis beydə.

2-maddiyə koonədə məhdudiyyət movcude.liza həmməkəson bəştə oruzon rəseydəni. əmmo mənəviyə koon məhdudiyyətışon ni və həmməkəs kardey bəzıne bəştə tələbon bırəson,əmmo de cəhdo-təloşi bə ico.

وَمَنْ أَرَادَ الآخِرَةَ وَسَعَى لَهَا سَعْيَهَا وَهُوَ مُؤْمِنٌ فَأُولَئِكَ كَانَ سَعْيُهُم مَّشْكُوراً (19)

Və hakəs axırəti tələbko iyən boəy loyığinə cəhd bıko iyən momin bıbu, çən çəvon cəhdo-təloş bə təğdiri loyığ vindey bəbe.

Vəynə ayə dəvomədə ki,çı dınyopərəston vəzyəti bəyon kardedəbe,ın ayə hamyedə: qıləy şəxs ki,dınyoədə bo axırəti cəhdo-təloşkəy iyən bəştə bə Xıdo bıə imoni əsos dınyo koon idorəkəy,çəy cəhdo-təloş əvəzi Xıdovənd bəy çokə mıkofot bədoe ki,ğıyoməti ruji bənə vəhışti cilvə pəydu bəkay.

Im ayə de vəynə ayə mığoyisədə mıəyyən bedə ki,bo axırəti bıə har qıləy təloş hətta ehanə dınyoədə həm bə nəticə nırəso,çəy uxrəviyə mıkofotış bəbe və çəy zəhməton qim nibəbe.qıləy holədə ki,bo dınyo kardə bıə cəhdo-təloş məlum niki,bə nəticə bırəso ya ne və dınyopərəstonğıyomtəi ruji bə xusran iyən həsrəti dıço bəbeyn.

Çın ayəku umutedəmon:

1-həyğiyə baxtəvərəti bo axırəti bıə cəhdo-təloşi girovədəy.mominə inson hətta bənə kəsbo-ko bıə dınyəviyə koon həm bo Xıdo rizo iyən çəy əmron royədə əncom bıdo, çəy ğıyoməti ruji bıə mıkofot məhfuze.

2-əmə bəbe bəştə təklif və vəzifə əməlkəmon,nəinki,çəy nəticə fikədə bıbəmon. bəbe ıştə zu vışkiye ğədərədə səyo-cəhdkəmon.həlbəttə nəticə çəmə ixtiyorədə ni.

كُلاًّ نُّمِدُّ هَـؤُلاء وَهَـؤُلاء مِنْ عَطَاء رَبِّكَ وَمَا كَانَ عَطَاء رَبِّكَ مَحْظُوراً (20)

Əmə bəvon iyən bımon(bə har dıqlə qrupi) de pərəvərdıqori əto koməq kardedəmon və ıştı pərəvərdıqori əto(bə hiç kəsi) qədəğən nibəbe.

Çı dınyopərəston ağıbəti bəyon kardə dıqlə ayə bəpeştə,ın ayə hamyedə:dınyoədə Xıdovəndi ğanun ıme ki,de har dıqlə qrupi deştə rəhmət iyən lutfi rəftorkəy.zira Xıdovənd bə insonon intixob kardey həxış doə iyən bəvon bə dınyəviyə imkonaton iyən bəştə məğsədon rəseyro hiççi ğədəğənış kardəni.bəlkəm, bəvon koməq həm kardedə.əmmo ım ko Xıdovəndi çı dınyopərəston koonku rozi bıey mənoədə ni. çoko ki,Xıdovəndi bə kofir iyən mışrikon ruzi doey,çəvon əməlonku rozi bıey mənoədə ni.

Çın ayəku umutedəmon:

1-bə Xıdo imon iyən axırəti tələb kardey,de çı dınyo maddiyə imkonatonku bəhrə bardey hiç qıləy ziddiyətış ni.

2-ilahi ətoon bəçəy lutf və fəzli əsose,və illa(jıqo nıbu)Xıdo bəmə ğarzıxo ni.

انظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلآخِرَةُ أَكْبَرُ دَرَجَاتٍ وَأَكْبَرُ تَفْضِيلاً (21)

Erəx diyəkə ki, çokonə kali qılə bəsə co qıləynisə bəpe qətemone və həyğətən axırəti dərəcəon bəpe iyən ğeymətine.

Navnə ayə dəvomədə ki,hamyeşe:əmə dınyoədə bə qırd məxloği ıştə lutf iyən fəzliku əto bəkamon,ın ayə hamyedə:həlbəttə Xıdovənde-Aləm bə həmmə insonon i səviyyədə ruzi iyən imkonaton əto kardedəni və bəştə hikməti əsos insonon miyono bəçəvon fikiyə istedad və co ğudrəton xoto fərğış noə.həlbəttə ruşine ki, Xıdovənd bə hakəsi qıləy əndozədə imkonaton çəy ixtiyorədə noydə və çən,əy imtohon kardedə iyən bə miğdorədə çəyku məsuliyyət tələb kardedə.

Ayə oxoyədə hamyedə:çı məxloği dınyəviyə təfavuton muhim ni.muhim axırəte ki, hakəs ziyodə təloş bıko,çəy ğıyoməti ruji bəhrəş həm ziyodə bəbe iyən aliyə məğam və mənsəbış bəbe.

Çın ayəku umutedəmon:

1-insonon miyono bıə fərği,irğiyə diskriminasiyə məzınəmon.bəlkəm,de dığğəti fikkəmon bəvindemon ki,ın tafuton bə hikməti əsose və çı xılğəti şərtonkue.

2-çı dınyo yolə məğamon dumo məbəmon ki,əv rədəvardə iyən faniye.səykəmon uxrəviyə koonədə deyənde bəhskəmon ki,həyğiyə dərəcəon əyoe.