482-ə hissə-İsra surə-49-52 şərifə ayəon

482-ə hissə

وَقَالُواْ أَئِذَا كُنَّا عِظَاماً وَرُفَاتاً أَإِنَّا لَمَبْعُوثُونَ خَلْقاً جَدِيداً (49)

Və voteşone:ayə astəon pıxey iyən volo-volo bıey bəpeştə, həyğətən əmə ijən de qıləy co tojə xılğəti rost bəbemon?

Dəvardə bərnomədə çı islomi peyğombər(s)-i mıxolifon çə həzrət iyən çəy risoləti barədə bıə be məntığ iyən norəvoə sıxanon bəyon be ki,Xıdovənde-Aləm çəvon iftiro iyən təhğıron mığobilədə ıştə peyğombəri mıdofiyə kardedə və hamyedə: əvon bə inodkorəti dıço bıən və boçımi xoto əvon həxı məsey iyən vindeyku məhrum mandən. ın ayə hamyedə:əvon nəinki,ıştı nıbuvvət iyən risoləti barədə, bəlkəm çı məad iyən ğıyoməti barədə həm kali sıvol iyən şubhəonku bəhs kardedən və məxloği bə şəkko-tərdidi dıço kardedən.qıləy holədə ki,çəvon bo məad iyən ğıyoməti ruji inkor kardey hiç qıləy dəlil və subutışon ni.

Nəinki, fəğət bın ayədə,bəlkəm çı Kərimə-Ğıroni co ayəonədə həm çı inodkorə şəxson tərəfiyo bo məadi inkor kardeyhiç qıləy dəlil bəyon bıəni və çiç heste təəccıb, sıvol iyən ğeyri-mumkin zıneye.

Çın ayəku umutedəmon:

1- peyğombəronilahi iyən məntığiyə sıxanon mığobilədə islomi mıxolifon hejo de şubhə iyən sıvolon cəvob doydəbin iyən çı məxloği əğıdə iyən imoni zəyif kardey dumo bin.

2-osmoniyə dinon mıxolifon,çı bəşəri jimoni bə maddi iyən faniyə dınyo məhdud zıneydən iyən bəşəri əbədiyə həyoti dərk kardeyku ocizin.

‏ قُل كُونُواْ حِجَارَةً أَوْ حَدِيداً (50)

Vuji(astəon hırd bıey hostone şımə)sığ iyən oson bıbənən.

أَوْ خَلْقاً مِّمَّا يَكْبُرُ فِي صُدُورِكُمْ فَسَيَقُولُونَ مَن يُعِيدُنَا قُلِ الَّذِي فَطَرَكُمْ أَوَّلَ مَرَّةٍ فَسَيُنْغِضُونَ إِلَيْكَ رُؤُوسَهُمْ وَيَقُولُونَ مَتَى هُوَ قُلْ عَسَى أَن يَكُونَ قَرِيباً (51)

Ya ha qıləy məxloğ ki,şımə nəzədə qətə çiyku həm saxt və ğoym bıbu.əvon rəyrə bəvoteyn:ki əməni obəqordıne?vuji: həmonə kəs ki,iminə kərə şımənış ofəyə. çən, rəyrə(de təccıbi) ıştə sə bəştı tərəf bəlorzınen və bəvoteyn:həmonə ruj keynə bome? vuji: “ğasbu neze”.

Navnə ayə dəvomədə,ın ayəon hamyedə:vəynə ayə dəvomədə ın ayəon hamyedə: əvonki,voteydən: qıləy mardə,astəonış pıxə və tul bıə inson çokonə ijən dıminə kərə bəyji bəbe,əvon bəqəm çı yodoşon bekardə ki,çımi bənav həm tul bin iyən Xıdovəndi əvonış ofəyə?ayə bə Xıdovəndi ğudrəti şəkk kardeydon ki,joqo-joqo sıvolon doydon? pıxə astə iyən tul ki,hostone,ehanə sığ iyən oson həm bıbu, Xəllağe-Aləm ğadire bəçəy tan çı jimoni oləti tankardi iyən əy bəjyikəy.zikr kardey lozıme ki, sığiyən oson vey ğoyme iyən çı jimoniku bədiyəroe.ım təbir nışon doydə ki, çı aləmi qırd movcudaton ım ğabiliyyətışon heste ki,bə qıləy bəyjiyə movcudi təbdil bıbu,harçənd kali bənə tuli qıləy nezə mərhələdə ğərolışon qətə və bəziyon bənə sığ iyən osoni diyəroə mərhələdə.məadi inkor kardə kəson bəhs kardə sıvolonku qıləyni ım be ki,ğıyoməti ruj keynə bəbe? Kərimə-Ğıron bın ayə iyən co qıləy ayəonədə bəyon kardedə ki,sovə Xıdovənde-Aləmi hiçki çəy vağe bıey faxti zıneydəni.əmmo ruşine ki,çı ğıyoməti ruji vağe bıey zəmoni nızıney,  bəçəy əsl iyən prinsipi hiç qıləy zərəl rosneydəni.çoko ki,hiç kəsi şəkkış ni ki,əv oxo qıləy ruj bəmarde.

Çın ayəonku umutedəmon:

1-tul ki,çı jimoni zəminə və vırəy,əgər inson bə jimoni imkon bəvədə kam bıə sığ iyən osoni həm təbdil bıbu,ijən xılğəti sənibəton xəlğ kardey bo Xıdovəndi qıləy muşkilə ko ni.

2-çı mominon məntığ iyən istidloli vədə ,çəvon mıxolifon şivə istehzo iyən ğəbul nıkardeye.zira boştə iddiaon isbot kardey hiç qıləy dəlilışon ni.

يَوْمَ يَدْعُوكُمْ فَتَسْتَجِيبُونَ بِحَمْدِهِ وَتَظُنُّونَ إِن لَّبِثْتُمْ إِلاَّ قَلِيلاً (52)

Qıləy ruj ki,şıməni(şımə ğəbonku)vanq bəkay.çən,şımə hukmən de həmdo-səno cəvob bədiyon və fik bəkayon ki,qıləy kırtə mıddətədə(dınyo ya bərzəxədə) mandəyon.

In ayə bə mışrik iyən kofiron cəvobi dəvomədə hamyedə:şımə bə həşə jıə iyən inkor kardə həmonə ruj rəyrə bome bərəse və şımə həmmə ıştə ğəbonku bə sapo bəheştiyon iyən bə Xıdo şıməni dıminə kərə bəyji kardey iyən bəşmə həyat doey xoto, bə Xıdo şukr bəkayon iyən bəy həmd bəvotiyon.

Şımə məxloği zehniku bə diyəro bıə iyən təsəvvır nıkardə ruj bome bərəse və bəvindeyon ki, şımə mardey ioyən ğıyoməti ruji miyono qıləy fosilə bıə.həmonə ruj dəbərəsiyon ki,şımə dınyo iyən bərzəxədə bıə jimon,harçənd tulani iyən dıroz həm bıbu, əmmo axırət və bəğa aləmiyədə bıə be nəhoyətə jimoni mığobilədə əv qıləy rə dəvardə ləzə və anon bıə.

Çın ayəku umutedəmon:

1-ğıyoməti ruj çı qırd insonon,çı Odəmi(ə) iyən Xatəmi umumi sədo kardey ruje.

2-de insoni bə uxrəviyə jimoni varid bıey,dınyəviyə jimon və çəy bədiqə bıə bərzəxi aləm, vey kam iyən çı insoni nəzədə hiççi cilvə doydə.