486-ə hissə-İsra surə-64-67 şərifə ayəon

486-ə hissə

وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ وَمَا يَعِدُهُمُ الشَّيْطَانُ إِلاَّ غُرُوراً (64)

Və(ha şəyton ha!) çı məxloğiku ha kəsi kardey zıneydəş,deştə sədo bıfırsın və ıştə suvari iyən piyodə ğıvvon bəçəvon ələyh bıvğand iyən bəçəvon mol iyən fərzəndon şərik bıbu və bəvon (duə)və`də bıdə. və şəyton sovə bə dast dənoey,co qıləy və`də doydəni.

Dəvardə proqramədə votemone ki,İblis bə Odəm(ə)-i səjdə nıkardey bəpeştə, Xıdovənde-Aləm əvış ıştə dərqoyku tojneşe və əy çı Xıdoku tələbış karde ki,de tobə ğıyoməti ruji bəy mohlət bıdəy.Xıdo həm bəy mohlətış doe.əmmo bə Odəm(ə) iyən bəçəy nəsli xəbərdorətiş doe ki,mığət bıbənən şəyton şıməni bə dast nıdəno.

In ayə navnə ayə dəvomədə hamyedə:İblis bo insonon bə dast dənoeyro çı mıxtəlifə əbzar və roonku oko doydə.əv hejo çı iqlə royku varid beydəni.şəyton de sədo pur bıə iyən odəmi quşi kor kardə təbliğatonku istifodə kardedə.çoko ki, hərbiyə ğıvvon suvari iyən piyodəşon heste,şəytoni həm çı ins iyən çıniku de mıxtəlifə təchizot və imkonaton bə insoni həmlə kardedə iyən de curbəcurə vəsvəsə iyən duə və`dəon əy fırsıneydə və bə inhirofi dıço kardedə.çı həromə royku mol bə dast vardey,çı noməhrəmə merdı-jeni miyono ğeyri-ğanuniyə rabitəon bərğərol kardey və fəsod iyən beəxloğəti pevolo kardey ki,çəy oxo camiyədə bexıvandə fərzəndon ziyod bıey boyis beydə,ımon qırd çı şəytoni bərnoməonkue. həlbəttə Xıdovənde-Aləm çandə kərə çı şəytoni təhlukəş bə insoni quşi rosniyəşe və əvış bo insoni əsliyə deşmınış elan kardə.

Çın ayəku umutedəmon:

1-çı deşmıni təbliğati və fərhənqiyə hucum,bəsə hərbiyə hucumisə bənave.çoko ki, bın ayədə “sovti” kəlimə bəsə “xeyli”(suvari)  sıxanisəbənav omə.

2-hiyləqərəti şəytoniyə şivəy.şəyton i tərəfiku insoni bə qıno tərəf təşviğ kardedə və co tərəfiku de duə və`də çəy tobə bə təxir eğandedə. 

إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلاً (65)

Həyğətən, ıştı çımı (xolisə)bandəon sape hukmı(sultə) ni və ıştı pərvərdıqori himoyə iyən hıvoskəti(bo əvon)vəs kardedə.

Çun çı şəytoni xətər vey ciddiye,Xıdovənde-Aləm bın ayədə bəştə pok iyən xolisə bandəon bəşorət doydə ki,şəytoni bəvon hiç qıləy sultəş ni iyən əvoni inhirof kardey imkonış ni.zira əvon çı ilahi himoyə və vəkoləti jiyədən.

Bədiihiye ki, Xıdovəndi ım məxsusə bandəon çı peyğombəron iyən ilahi ovliyaonku bino bedə iyən har qıləy momin ki,ıştə imon iyən əmələdə ğoym bıbu, şomil bedə.çoko ki,Nəhli surə 99-ə ayədə Xıdovənde-Aləm hamyedə:(innəhu leysə ləhu sultanun ələl-ləzinə amənu və əla rəbbihim yətəvəkkəlun) yəni şəytoni bə Xıdo təvəkkul kardə həyğiyə mominon hiç qıləy sultə və hakimiyyətış ni.çoko ki, Ərafi surə 201-ə ayədə hamyəşe:.”(innələzinə təğaov iza məssəhum taifun minəş-şəytan təzəkkəru fəizahum mubsirun)” .hafaxti şəyton bəçəvon tərəf boy,bilafosilə mutəzəkkir bəbeyn(pand bəqəteyn) iyən əy ıştəku bə diyəro bəkayn.

Çın ayəku umutedəmon:

1-ibodət iyən Xıdo bandəçəti insoni çı şəytoni vəsvəsəonku bimə və səğortə kardedə iyən çəy nufuzi vəy qəteydə.

2-Xıdovəndi və`dəş doə ki,ıştə pokə bandəon himoyə bəkay iyən çəvon koonış bəştə ohdə peqətə.

رَّبُّكُمُ الَّذِي يُزْجِي لَكُمُ الْفُلْكَ فِي الْبَحْرِ لِتَبْتَغُواْ مِن فَضْلِهِ إِنَّهُ كَانَ بِكُمْ رَحِيماً (66)‏

Şımə pərvərdıqor ə kəse ki,kəştiyon bo şımə dıyoədə bə hərəkət vardedə ta şımə deştə cəhdi çəy fəzl iyən rəhmətiku bəhrə bobənən.həyğətən,əv hejo bəşmə nisbətədə mehribone.

وَإِذَا مَسَّكُمُ الْضُّرُّ فِي الْبَحْرِ ضَلَّ مَن تَدْعُونَ إِلاَّ إِيَّاهُ فَلَمَّا نَجَّاكُمْ إِلَى الْبَرِّ أَعْرَضْتُمْ وَكَانَ الإِنْسَانُ كَفُوراً (67)

Və hafaxti dıyoədə bəşmə qıləy renc və dard bırəso,sovə Xıdo harki vanq bıjənon, məhvo-gim bəbe bəşe.çən,çoko şıməni nicot doydə iyən bə hışki rosneydə, çəyku dim qordıneydon və inson vey noşukure.

Bın ayəonədə Kərimə-Ğıron de ilahi neməton yolə qıləonku iqlə aşmardey,yəni vey hevujə rabitə iyən nəğliyyati ro bıədıyoon roy aşmardey ki, bo bəşəri yolə ambo həm bəvədə ğərolış qətə-hamyedə ki,de ilahi qırd ım ehson və lutfi,ijən bəşər nunkurəti kardedə.hafaxti ki,inson dıyoədə de muşkilaton dimbədim bedə,qıləy tufan ya co qılə mısibət bəçəy və beşedə,Xəllağe-Aləmi sədo kardedə.əmmo çoko ki, Xıdovənd əy nicot doydə iyən bə sahil rosneydə,Xıdo çı yodo bekardedə iyən dumo ıştə həvaye-nəfsi bedə.

Çın ayəonku umutedəmon:

1-ilahi rəhmət və lutf dayimiye və hışki iyən dıyo har dıqlə ilahi neməte iyən bo insoni kəsbo-ticorətiro qıləy zəminəy.

2-xətəron və hadisəonçı ğəfləti pardəon bə kəno jeydə iyən inson bəştə həyğiyə məbudiyən pərvərdıqore-aləmi dığğət kardeydə və ım həmonə fitriyə Xıdoşunosiye.