500-ə hissə-Kəhfi surə-11-14 şərifə ayəon

500-ə hissə

فَضَرَبْنَا عَلَى آذَانِهِمْ فِي الْكَهْفِ سِنِينَ عَدَداً (11) 

Çən,əmə çəvon çandə sor mıddətə bıə faxti, bəçəvon quşon(hani pardə) jemone.

ثُمَّ بَعَثْنَاهُمْ لِنَعْلَمَ أَيُّ الْحِزْبَيْنِ أَحْصَى لِمَا لَبِثُوا أَمَداً (12) 

Peşo əvonımon pekarde(və oğomon karde)ta məlum bıkəmon çə dıqlə qrupiku kon qılə ıştə han iyən bə təxır eqıniye mıddəti dəğiğ hisobkəyn.

Vəynə proqramədə votemone ki,i dastə imoninə şəxs boştə din və əğıdə hifz kardey xoto,ıştə şəhr iyən diyoriku xaric bin və qıləy mağarədə sakin bin.əvon çı Xıdovənde-Aləmiku tələb kardeşone ki,bo çəvon nicotiro qıləy ro hozzıkəy.ın ayəon hamyedə:Xıdovənd joqo əvonış bihuş karde iyən hanış bəvon mısəllət kardeşe ki, nəinki,çəvon çəşon bə han şin,bəlkəm çəvon quşon həm hiççi məseydənıbin ta çı haniku oğo bıbon.

Odəmi dığğəti cəlbəkə çi ıme ki,ın ayə Xıdovəndi bəçəvon çəşon hanış mısəllətış karde-votey əvəzi,hamyedə:Xıdovəndi bəçəvon quşon qıləy pardəş ğande.ğasbu dəlilış ımbe ki,inson təbiiyə surətədə bə han şedə,əmmo bəçəy çı haniku oğo bıey boyis bıə çi,qıləy zikməvulə və sədo beşeye.əve Xıdovəndi çəvon quşon məse ğudrətış peqəte ta xarici amilon bəçəvon oğo bıey boyis nıbu.

Ayə dəvomədə hamyedə:əvoni oğo kardə faxti,əvon çanəndə hanədə bıey barədə deyənde ixtilofışon karde ki,omə ayəonədə çəyku bəhs bəkamon.

Çın ayəonku umutedəmon:

1-ehanə insoni ğıyom iyən hərəkət bo Xıdo xoto bıbu,Xıdovənd ıştə lutf iyən imdodi de mınosibə formə nozil kardedə.ısət çı odəm hanədə bıbu ya oğo bıbu.

2-Xıdovənd bə həmmə çi iyən həmməkəsi koon komilən aqahe.harçənd məxloğ ıştə fərdi iyən iştimayi jimoni dərk kardeyədə bə ixtilofi həm dıço bıbon.

نَحْنُ نَقُصُّ عَلَيْكَ نَبَأَهُم بِالْحَقِّ إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى (13) 

Əmə çəvon(Əshabi-Kəhfi) dastoni həxədə(çoko heste jəqo həm) botı hikoyət kardedəmon. əvon bəştə pərvərdıqori imon vardə cıvonmerdon bin və əmə çəvon hidoyətımon ziyod karde

وَرَبَطْنَا عَلَى قُلُوبِهِمْ إِذْ قَامُوا فَقَالُوا رَبُّنَا رَبُّ السَّمَاوَاتِ وَالْأَرْضِ لَن نَّدْعُوَ مِن دُونِهِ إِلَهاً لَقَدْ قُلْنَا إِذاً شَطَطاً (14) 

Və əmə bəçəvon dılon zu iyən mohkəməti baxşemon karde. bə zəmon ki, əvon əyştin(bə umum məxloği əks) voteşone: çəmə rəbb həmonə osmonon iyən zəmini pərvərdıqore. hiçfaxti ğərəz əv(cokəsi) ıştə Xıdo nibəznımon. boçi ki, bın surətədə xətoə(səhvə sıxanımon) votə.

Əshabi-Kəhfi əhvolati icmoliyə surətədə zikr kardey bəpeştə,ın ayəon çəvon hicrəti məsələ mıfəssələ şikilədə bəyon kardedə.sıftədə bə islomi peyğombəri(s) xitob kardedə hamyedə:ğasbu çandə qılə mıxtəlifə rəvoyəton çın qrupi barədə məxloği miyono pevolo bıə,əmmo Xıdovəndi tərəfiku bın barədə votə bıə çi həxe iyən həyğəti bəyon kardedə.

Isət əvon çand nəfər bıən,kon zəmonədə jimon kardedəbin iyən çand sor və sinnışon bıə, muhim ni.muhim ıme ki,çəvon bə Xıdo imonışon bıə iyən bın royədə mığovimətışon kardə.liza Xıdovənd həm çəvon hidoyətışon ziyod kardə iyən de məxsusiyə hidoyəti çəvon con iyən ğəlbışon zumand və ğoymış karde ta çı muşkilat iyən saxtiyon mığobilədə bımandin və bə maddiyə rifohi xoto çı həyğiyə jimoniku dast nıkəşon.

Umumən çı fosidə camiyə bərobərədə məxloğ seqlə qrupin.iqlə qrup camiyədə de camaati həmrənq iyən həzm bedən və ıştə əndişə iyən əmələdə mıstəğil ni və ixtiyorışon ni.

Dıminə dastə ıştə çı camiyə fəsodonku hifz kardedən iyən icozə doydənin ki,fəsod bəçəvon daxil nufuzkəy.əmmo seminə dastə  fosidə camiyə əvəz kardedə iyən çə iştimayiyyəti islohi dumon.bənə peyğombər və imomon.

Əshabi-Kəhf dıminə dastədə bin və camiyədə mandey iyən fəsodi dılədə həzm bıey əvəzi, boştə din iyən imoni hifz kardey xoto qıləy koşon əncom doe və de problemon dim bə dim omin.

Həlbəttə çəvon ıştə əğedə  ibroz kardeyku hiç qıləy tarsışon nıbe iyən ojə-oşkoə holətədə bıtpərəstəti botıl iyən şırk hisob kardedəbin və tohid iyən Xıdopərəstəti ıştə fik iyən imoni əslışon elan karde.əvon sovə Xıdo roy,har qıləy ro botıl zıneydəbin.

Ha holədə, Kərimə-Ğıroni tərbiyəviyə roonku qıləyni bo vəomə nəsli pand qətey iyən ibrət peqəteyro çı dəvardə ğovmi tarıxi bəyon kardeye.Liza Ğıroni ziyodə baxşonədə bə navkonə ğovmon məxsusə dığğətış kardə.həlbəttə həğiği iyən vağeyiə macəraon,nəinki,çı kali milləton şayiron iyən ənıvışton nıvıştə və pesoxtə əfsonəon.

Çın ayəonku umutedəmon:

1-Xıdovənd çı navnə etnoson ğıssəon nağl kardeyku hiç qıləy tarsış ni və ım çı ğıssə və dastanon təlim iyən tərbiyədə bıə roli nışon doydə.

2-insoni imoni royədə bıə cəhd və hərəkət,ilahi himoyə və hidoyəti dumo ıştə vardedə və bə imoni ozavziye və kəmoli boyis bedə.

3-çı mınhərif iyən sıtəmkoron mığobilədə ğıyom karde,bə qıləy zumand və ğəlbiyə imoni ehtiyocış heste ki,ilahi lutf nıbu jıqo qıləy ğudrət hosil nibəbe.