Ğərbədə islomofobiya
Ğərbədə islomofobiya
Avropə devləton siyosi struktoronədə islomofobiyə noey bıə.çun,əvon yəni Avroə devlətmədor iyən siysoətmədoron de mısılmınon rəftroədə təhğiramziə sıxan iyən rəftoronku oko doydən və bəçəvon ələyh diskriminasiya siyosəti bardedən.
Britaniyə İslomi Şurə Britaniyədə hakim mıhofizəkorə siyosətmədoron məxsusən çın kişvəri sabiğ xarici koon vəzir Boris Consoni islomofobik sıxanonış tənğıd karde.Britaniyə kanə xarici koon vəzir Boris Conson avqustə manqədə Deyli- Teleqraf jurnalədə qıləy yaddaştədə ıştə sə dəvastə mısılmonə jenonış de poçti sondoxon və de banki dızdiyəkəson mığoyisə kardəşbe.Mıhoziəkoron partiyəku qıləy komitə,çı Consoni mısılmınon hicobinə jenon həxədə votə yavə sıxanon “ehtırom bıəninə” sıxanış zıne və çəy çın iborətonku oko doey həxışon de satira nomi mıdofiyəşon karde.Britaniyə İslomi Şurə çı Consoni ın sıxanonış ğeyri insoni zıneşone və voteşe ki,Cansoni votə sıxanon çı satiraku vey bə diyəro bıə və bə islomofobik həmləon vey nez be.həmonə bəyoniyyədə omə:”hisoboton nışon doydə ki,Britaniyə sabiğ xarici koon vəziri “Deyli-Teleqrafədə” nıvıştəyon bo mısılmınon satira dınyo xaricədə həyği dınyoədə ziyodə nəticəş bıə və mıstəğim iyən sərostə formədə bə mısılmonə jenon ələyh sıxani həmləon,həmçinin bə mısılmınon zidd Mıhofizəkorə partiyə hamiyon tərəfiku islomofobik hərəkəton iyən nifrəti pevolo kardey boyis bıə”.
Britaniyə İslomi Şurə bəyoniyyədə bə ın nuktə təkid bıə ki,cənab Conson qıləy satira usto ni,bəlkəm çın kişvəri parlamenti uzvonku qıləyniye və jıqo qıləy postədə qıləy məsuliyyətinə vəzifəş heste.çıro ki, həyğətədə əv bo Britaniyə co fərdon qıləy ulquye və veyə odəmon bəy imitasiyə kardedən”......
Qıləy sferadə ki,Britaniyə xarici koon vəzir bə mısılmonə jenon hicobi məsxərə iyən tohin kardedəki, Britaniyə mısılmınon bın kişvərədə bıə şoyə mərosimon iyən Krisməs idi fırsətiku istifodəşon kardə və çı islomi humanitar iyən ədolət tələbə reçinə təlimon cilvəonışon bə nımoyiş noəşone.bə kəş nıbə iyən ehtiyocinə insonon komək kardey,çı humanistə mısılmınon ğəşənqə cilvəonku bıə.mısılmınon humanitarə koməkon qırdə kardə mərkəzonku qıləyni, Liverpul şəhəri Vivirti məntəğədə bıə (Children Nursery Happi) yəni Şoyə Hırdənon Boxçəy.
