Kərimə-Ğıron İslomi İnğılobi səhnədə-2

Kərimə-Ğıron İslomi İnğılobi səhnədə-2

Məcidə-Ğıron,vəhyi kəlom,bo həyğəton zıneyro həmməysə orijinalə və ilahi benəhiyətə maarifi dıyo və mənbəy.bəçəy xoto,islomi inğılobi rəhbəron əy maddi iyən mənəvi muşkilaton həlləkə zıneydən.İmom Xomeyni(r) Kərimə-Ğıroni tərvici çı peyğombər(s) iyən məsumə Əimmə(ə) sirə həmməysə muhimmə rukn və əsos bəyon kardedə və Xıdo kitobi tərvic kardey və de əy unsiyyət pəydu kardey  çı İron İslom Cumhuriyyəti həmməysə muhimmə ko bə hisob vardedə.ə həzrəti hamyəşe:”Kərimə-Ğıron bəpe çəmə jimoni qırd sahəonədə hozzı bıbu”.

Kərimə-Ğıron çı mısılmınon vəhdəti mehvər və dayirəy.çıro ki,həmmə mısılmınon etığod iyən bəy bovədə mıştərəkin.Ali-İmrani mıborəkə surə 103-ə ayə sıftədə handedəmon:”bə ilahi rismoni çanq bıjənən və pevolo məbənən”....ayə dəvomədə Ğıroni qıləy oşkoə nur elon kardedə.çı nuri ım xıslətış heste ki,qıləy fəzo və vırə ruşin kardedə,roy bə insoni nışon doydə və inson vindey ğudrəti və bəsirəti pəydu kardedə.bə ın mənbəon əsos nur iyən ruşinəti çı mısılmonə milləton təkamul iyən ozavziyedə və de iyande dustəti iyən bıvəti  şərtonkuye.

İron İslom İnğılobi səbarzəti bəpeştə  çı millət iyən devləton miyono dustəri iyən rabitə çı İron İslom Respublikə əsosə siyosət ğərolış qəte.bın cəhətədə İronədə de Kərimə-Ğıroni beynəl-xalğə mısobiğəon dəvordıney,bə mısılmınon miyono həmraəyəti və vəhdəti təkid kardedə.

İron İslom Cumhuriyyətədə Məcidə-Ğıroni beynəl-xalğə mısobiğəon çın respublikə həmməysə dıjdə noliyyətonkuye və Ğıroni dınyo səviyyədə təbliğ kardə hodisəonkuye.ın mısobiğəon 1982-ə sori və 1360-ə Şəmsi sori de tosə ısət (1361-1364-ə soron istisna) hasor de Vəğf iyən Xeyriyyə Koon Onemoni vositə İroni kişvərədə dəvordıney bedə.ımi həm zikr kardey lozıme ki,1361 iyən 1364-ə Həşi soronədə bə İroni kişvərədə canqi vəzyət və şərayiti və İroni şəhr iyən co məkonon de rəketi bombardman bıey səbəbi xoto,ın beynəl-xalğə mısobiğəon dəvordıney nıbe.

Kərimə-Ğıroni hifz iyən ğiroəti sahədə mısobiğəon iminə devrə,Tehroni irşad huseyniyyədə dəvordıney be.bın devrədə dınyo 12 kişvəriku24 qılə ğari iyən hafizon iştirok kardeşone ki,de penc qılə xarici hakimon bə ico çoqlə ironıjə hakim həm çı devrə mısobiğəon ğəzovət iyən hakiməti koş bəştə ehdə peqətəşonbe.bın devrədə iştirokəkə nımoyəndəon çın kişvəronku iborət bin:Banqladeş,Səhravi Ərəbə Respublikə,Əlcəzayir,Suriyə,Malaziyə,Hindıston,Liviya,Pokiston,Əfğanıston,İron,Qvineya və İrağ.

Kərimə-Ğıroni beynəl-xalğə mısobiğ ha sor İron İslom Cumhuriyyətədə dəvordıney bedə.