Kərimə-Ğıronədə islomi əndişə və fikon

Kərimə-Ğıronədə islomi əndişə və fikon

Kərimə-Ğıroni prizmaku imon bə zəmon erjin və ğeymətine ki,de aqahəti bə ico bıbu.yəni qıləy imon ki, bə ağl,təfəkur iyən əndişə əsos peqətey bıbu.hejo bə həmonə dəlili xotoye ki,Kərimə-Ğıron de harcurnə noaqahə əməl və hərəkəti mıxolife və hamyedə:”bə elm iyən aqahətiş nıbə çi tabe məbi.zira,quş,çəş iyən ağliku (ki,ımon çı insoni zıney əbzoronin)umumən(ğıyoməti ruji) sıvol-cəvob bəbe”.(İsra-36).

Bəle,Kərimə-Ğıron çı ğal iyən əndişə kitobe və ıştə nozil bıey fəlsəfə əy zıneydə ki,insonon boəy dərk kardero jimon hozzı kardə,nığıl iyən barzə məfhumon deştə ağli vositə çəyku bəhrə bardedə və təhğiğ kardedə ta de ilahi ayəonku ilahim sıey,ıştə jimoni qırd cəhətonədə yəni maddi iyən mənəvi sahəonədə hərəkət kardedə.Kərimə-Ğıron bo qırd insonon məxsusən bo mısılmınon ki,bə ilahi iyən osmoniyə kitobon etığodışon heste,ağli ciddi hisob kardedə və de qıləy təhdidamizə ləhn və toni harcurnə kurkuronə təğlidi məhkum kardedə və hamyedə:”ikəs ki,bın dınyoədə kur-kuronə jimon dəvodıneydən, ğıyoməti ruji həm bəyji kardey bəbe və vey ro dəbəqıjne”.(İsra-72)...