Osmoniyə surəon-229
Osmoniyə surəon-229
Ğələmi mıborəkə surə Be`səti sıftədə Məkkədə enovniyə bıə və 52 qılə ayəku iborəte.Ğələmi mıborəkə surə ayəon mehtəvo iyən məzmun harçisə bənav bə islomi peyğombər(s) nıbuvvəti məsələ və bə de deşmınon mıborizə təkid kardedə.çın surə kulliyə bəhson çımiku iborəte:ğələm və nıvıştey əzəmət,Xıdo-Rəsul(s)-i məxsusə sıfəton zikr,kofiron nışonə və çəvon yavə əxloğ, Əshabi-Cənnə (boğ soybon) daston,ğıyomət iyən kofiropn əzobi həxədə bıə mıxtəlifə mətləbon, mışrikon torsıney və təhdid kardey,bə peyğombər(s)-i istiğomət iyən səbri fərmon və Kərimə-Ğıroni əzəmət iyən çı deşmınon məkrinə planon.
Ğələmi nom bo ın surə çəy iminə ayəku peqətey bıə ki,iyo bə Ğələmi ğəssəm hardey bıə. bəziyon həm çəy nomışon “nun”-çon zikr kardə.Nun və Ğələmi çın surə coqlə nomonkuye.....
“Nun,ğəssəm bə Ğələmi iyən bəçəy nıvıştə çiyon”.Ğələmi mıborəkə surə yeqnə surəy ki, de”Nun” muğəttəə hərfi bino bedə.peşo bə bəşəri jimoni məsləon dıqlə muhimmə mevzu ğəssəm hardedə.ğəssəm hardə bıə çi zohirən qıləy qədə mevzu bəçəş çiyedə.qıləy tikə ney və leynə və ya bənə əy qıləy çi və i tikə həm siyuə ranqi maddə ki,ğədimə zəmonədə Ğələmi təşkil doydə.əmmo,həyğətədə ım həmonə çiye ki,qırd insoni sivilizasiyə,inkişof iyən elmon təkamul, əndişə və fikon oğoəti,məzhəbi bə formə dəşey və çı bəşəri aqahəti iyən hidoyəti bə əməl omey sərçeşməy.joqo ki,bəşəri jimoni devron bə dıqlə devroni təğsım bedə:Torıxi devron və torıxi bənav bıə devron.
