Osmoniyə surəon-234

Osmoniyə surəon-234

Hağğə mıborəkə surə 19-ə ayəku jəqoşə,bə ğıyoməti ruji dıqlə dastə inonon tale və sərnıvışti işorə kardedə və hamyedə:”əkəson ki,çəvon nameye-əməl bəçəvon rostə daston doey bəbe və əvon ki,çəvon namye-əməl bəçəvon çəpə daston doey bəbe.ayəon bə yod dənoydə ki,həmonə ruji hakəs əğayed iyən kardə əməlon bə Xıdo ərzə bəbeyn.

“Çən,əkəson ki,çəvon konomə bəçəvon rostə dasti doey bıbu,(de şoyvonəti) bəvoteyn:boənən çımı noməye-əməli bəhandənən.mı yəğınım heste ki,(ğıyomət həxe və) deştə əməlon hisobi dimbədim bomem”.(19-20).

Bə hisob iyən kitobi etığod bıey foydəon ıme ki,insonədə təğva,təəhhud iyən məsuliyyətin bıey ruhiyyə icod kardedə və çı insoni perosneyədə qıləy muhimmə rol ifo kardedə.ha holədə ikəs ki, çəy nameye-əməl ki,bəçəy rostə dasti doey bəbe,əv,ıştə jimoniku şo bəbe və barzə vəhıştədə miyvəonku bəhrə bəbarde.

Əmmo,çəvon nameye-əməl bəçəvon çəpə dasti doə kəson bəvoteyn:eykam çımı əməli dəftər bəmı doey bıənəbe!və zınəm nıəbe çımı hisob çiçe?ey kaş maqi mınış təmomış kardəbe(və həni bəyji bıənəbim).(25-27).

Bəle.həmonə dıjdə məhkəmədə çoko ki,inson rısvo bəbe iyən çəy yavə əməlon foş bəbe, bəvədə əv həsrəti ah bəkəşe və oruzu bəkarde ki,çəy deçəy dəvardəyon bıə rabitə bırniyə bıəbe və Xıdoku maq və mardey tələb bəkarde.Əv,oruzu bəkay ki,kaş məhf bıəbe şıəbe və jıqo dıjdə rısvoyçəti rujədə xar bıənəbe.

Bın holədə de həsrəti zıvoni etırof bəkarde və bəvote:”mol və sərvəti bomı hiç qıləy foydəş nıbe və çımı ğudrət çımı dastiku şe”.(28-29).

Əv,bə zəmon dəbərse ki,çəy qırdə kardə mol-devlət iyən sərvəti bəçəy dardi hiç qıləy dəvoş nıkarde və çəy ğudrət bə bod şıə.Əv,çı cəhəndımi məmuron tərəfiku bə zəncir jıey bəbe və bə duzəx iyən cəhəndımi səmt ğandey bəbe....