İmom Bağır(ə)-i nəzəku elm iyən imon
İmom Bağır(ə)-i nəzəku elm iyən imon
Zilhiccə manqi haftminə ruj şiəyon pencminə İmom həzrəte Məhəmməd Bağır(ə)-i şəhodəti ruje. otağədə jıqo-jəqo şedəbe və ıştə dılədə jıqo votedəbe:bışi və çəy ağl votedəbe:məşi.çəy dıl votedəbe ki,ehanə bışoş,ıştı jen-hırdənon rifohı hozzı kardə.tı bın qırd sori səy və cəhd kardə ta əvon asayişədə bıbon və çı jimoni saxti və çətinətiyonku bə diyəro bımandon.ağl votedəbe:ehanə çı bışoş ya nışoş, bəçəvon hərəmi şərik bəbeyş.çı ağl iyən dıli miyono mandəbe ki,qıləyni bə dınyo reçinəti və rifohi dəvət kardedəbe və coqləyni əy bə uxrəvi reçinəti iyən asayişi səmt vanq jeydəbe.həmonə merd dəmandəbe və zınedənıbe çiç bıko.lıski mande,otaği dılədə bə qədə ovəynəş diyə karde və de barzə vanqi ıştəku dəparseşe:çiçkəm yəni?.
Həmonə merdi qəvış oj karde və voteşe:ğovmi yolon mıku tələb kardedən ki,çı əməvi sulolə hukumətədə ko bıkom.hiç zınedənim az çiç bıkom.aya mı ın təklifi ğəbulko ya ne?jeni nəzəş karde və votışe:ın həmmə ro şıəş və fikı kardə,ijən həm bə qıləy nəticə rəsəniş.ağılmandə ko ıme ki,tı bışi bə Muhəmməd ibn Əli(ə)-i vindemoni və çəyku komək bıpyo.çə həmonə merdi çəşon dəvəşe və dimış sıriye və voteşe:çıro ım fik de tosə ısət bəçımı ağli oməni?.
İmom(ə) de sırə diyəni bəy hamyeşe? Iştı işkil və problem çiçe?həmonə merdi ıştə səş saru eğande və de oromə sədo voteşe:mı ıştə ğovmi miyono qıləy barzə məğamım heste və dəvardə soronədə qıləy karquzarımon hestebe ki,ısət bəfotış kardə.ısət millət bə ğərol omən ki,çəy əvəzi rəyis bıvıjnon.çın ko barədə şımə nəzə çiçe? İmom(ə) tikəy sukutış karde və çandə ləzə bəpeştə İmom(ə) ıştə kəlomış jıqo bino karde:”Xıdovəndi de imoni vositə bə muminon rəfətış baxş kardə.harçənd əvon çı milləti miyono kamin və harçənd bəştə kufri xoto exroc ğərol doə bıə kofiron çı milləti miyono şərofətin zıney bedən. hiçkəs bəsə cokəsisə bəpe ni illa de ilahi təğva vositə.əmmo,ıştı ın məğam və psoti ğəbul kardey ya nıkardey məsələ,ehanə ıştı dıli nibu ki,bə ilahi vəhışti dast pəydukoş,jəqoədə həmonə məğami ğəbulkə.zira,mumkine ki,qıləy sıtəmkorə sultan qıləy mumini bə tor eğando.çəy xuni ruko və tı həm çə həmonə zolımə podşo ko iqlə quşə bəştə ehdə peqətəbu,tı deəy çəy xunxorətiyədə şərik bəbeyş.qıləy holədə ki,mumine çəvon dınyoku bətı qıləy bəhrə həm bırəso.həmçinin hameyeşe:hiçşvəxti bəçəvon xıdmət dəməşi,hətto ikərə ğələmi bə mırəkkəb dənoy ğədərədə həm.zira,hakəs ki,bəçəvon xıdmət dəşo və çəvon maddi məziyyətonku bəhrə bıbu,həmonə əndoəzədə həm bəçəy dini lətmə və ziyon bəjəneyn”.İmom(ə)-i sıxan bənə qıləy şinə anqivini bəçəy dıl nışte və əy ıştə cəvobış pəydu karde.de ın tərtibi çı ağli de dıli miyono bıə cidol həm bə oxo rəse.
Imruj Zilhiccə manqi haftminə ruj şiəyon pencminə İmom həzrəte Məhəmməd Bağır(ə)-i şəhodəti ruje. Peyğombər(s)-i əhli-beytiku(ə) coqləyni ki,bənə ruşnə doə ço bə milləti həxə roşon nışn doə.ilahi rəhbəron Xıdo-Rəsuli(s) məktəbədə perəsən və bənə qıləy komilə insoni bo milləti nımunə bə hisob omeydən.çəvon har qıləyni məxsusə xısusiyyətonışon heste.İmom Muhəmməd ibn Əli(ə) de “Bağirul-Ulumi” yəni elmi poəkə kəsi ləğəbi məşhur bıə.ın ləğəb bəy işorə kardedə ki,ə həzrəti çanədə elmin bıə çı elmi usul və furui və çəy məxfiyə xəzinəon oşko əkəy.
Həzrəte İmom Muhəmməd ibn Əli(ə) sıftənə ğədəmədə de hədison bəyoni koy məşğul be və bın zəminədə veyə nuroniyə sıxanonış bəyon kardə.joqo ki,hamyedə:”elm qıləy xəzinəy və çəy kilid həm sıvol kardeye.çən,sıvolkənən!Xıdo şıməni bəştə rəhməti ğərol bıdo.zira,dəparsey boyis bedə çokəs əcr və səvob bıbu:dəparsəkəs,muəllim,məsəkəs iyən cəvob doə kəs.”.
İmom Bağır(ə) ıştə imoməti devronədə ki,islomi fərhənqədə qıləy nomınosibə şərayitış icod kardəbe, de ciddi və hevujə cəhdon elmi inkişofi zəminədə bəhsonış karde və ım hartətəfinə hərəkaton bə islomi dıjdə elmi mıəssisəon təsisi boyis be ki,çı İmom Sadığ(ə)-i devronədə çəy əzəmət və dinamikəti bəştə pik həddi rəse.
Ə həzrət de dərsi hovzəon bərğərol kardey,de kəcəfikəti mıborizə kardedəbe və elmi problemon həll kardedəbe.İmom(ə) de əslə islomi usul və maarifi əsoson ğoym kardey.Kərimə-Ğıroni nəzəku qırd fiğhi və etığodi bab və bəonış təhğığ karde və bo alim iyən ruşin fikə şəxson perosney ko məşğul be.joqo ki, bənə Cabir ibn Yəzid Cofi bıə alim havaxti elmi həxədə qıləy sıxan voteş piyədə,deməkə ki,çı elmi xəzinə be,əmmo ıştə elmi mevğıyyəti çı İmom(ə)-i məğami palu noçiz zıneydəbe və votedəbe:”Xıdo canişin və çı peyğombəron elmon varis,Muhəmməd ibn Əli(ə) bomı jıləvoni voteşe.
