Osmoniyə surəon-260
Osmoniyə surəon-260
Zəmin bo inson iyən qırd bəyjiyə mevcudaton jimoni qofeye ki,həmmə bandon, dıyoon, dəon, cənqəlon, çeşməon, ruon, mədənon və boho ğeymətinə mənbəon,aləmi ofəyə Xıdovəndi nışonəonku qıləyniye.Naziati mıborəkə surə 30-ə ayədə hamyedə:”və zəminış çəy bədiqə hevujış karde”.zəmini hevuj kardeyku(dəhvul-ərz) məğsəd ıme ki,sıftədə zəmini qırd səth və səviyyə voşi ovi seyliku hosil bıə ovon dəqətəş be.ın ovon tədrici surətədə zəmini çolə hissədə ğərolış qətə və hışkiyon ovi jiku beşən və rujbəruj hevuj bıə.co tərəfiku zəmin sıftədə etat və petaton pur be və bo jimoni ro vey saxt və ğeyri-mumkin be.peşo oveyz icodəkə voşi ovon dayimi voye,zəmini barzə vıronış bə kam karde və dəonış hevuj karde.qədə-qədə zəmini səviyyə həmo və bo insoni jimon iyən kaşt-dev kardero bə vucudış vardə.bə çın qırd hevuj bıey məcmuə və kompleksi “Dəhvul-Ərz” votedən.
Əmmo,çun mıxtəlifə amilon min cumlə dıjd və dayimi tufonon və bə daxili ov bıə maddəon təzyiği təsiri əsos bə əməl omə larzey,çı zəmini oroməti bəyənde jıey əzıni.əmmo,Xıdovəndi zəminış de bənə bandon bıə və əy dəqətə zumandə şəbəkəon vositə ğoymış karde.çın ayəon oxoyədə həm nəticə seydə ki,”qırd ımon boşımə iyən ço lınqon bəhrə bardey xotoye”.
Naziati mıborəkə surə oxonə ayəon bə peyğombər(s)-i yod dənoydə ki,ıştı voni torsıney fəğət bə əkəson ki,ğıyoməti ruji dəhçət və vəhşətiku xofışon heste,təsir bənoe.əmmo,ikəs ki,çı ğıyomətiku hiç qıləy xof və tarsış nıbə kəson,Kərimə-Ğıroni həmmə ayəon bıhandoş,boəvon hiç qıləy çəşnavi və foydəş ni...
