Osmoniyə surəon-262
Osmoniyə surəon-262
Əbəsə mıborokə surə 24-ə ayədə insoni bəçəy hardemoni səmt dığğət doey vanq kardedə.joqo ki,hamyedə:inson bəpe bəştə (hardə)xorəki(xılğəti) nəzəko”.ayəon dəvomədə Xıdo çı inson iyən çolınqə heyvonon ixtiyorədə ğərol doə nevbənevə xorəkon barədə sıxan votedə və insoni daxilədə bıə şık kardey hissi təhrik kardedə və əy bə ın neməton əto kardə xılğəti aləmi ofəyə Xıdovəndi səmt dəvət kardedə.insoni nəzdədə bıə xorək vey çokə maddəonku ki,de qıləy əvəzon çəy vucudi i hissə bedə və bəçəy cism iyən rufi təsir noydə.bə həmonə dəlili xoto, Kərimə-Ğıron bə de beməyon iyən doon roon vositə bə insoni nəsib bıə xorəki maddəon təkid kardedə.ruşin iyən məlume ki,fəğət bə xorəki nəzə iyən təmşo kardey ni,bəlkəm bə insoni vucudədə bıə ın maddəon tərkibi və bəçəvon nığılə təsiri və məno dığğət kardey dəvət kardedə. çən,peşo çəvon xalıği həxədə fik-fam və təfəkkur kardey və bəpe de dığğəti odyəso və nəzəko ki,Xıdovəndi boəy hozzı kardə qırd ım xorəkon aya həlole ya hərom?ğanuniye ya ğeyri məşruyi?.
Kali rəvoyətonədə təam və xorəkiku məğsəd elm və zıneyışon çı insoni rufi xorəkışon zınə.bəpe diyəko ki,əvış çı kom kəsikuş sıə?çı elm və zıney əsliyə sərçeşmə ki,ryhaniyə xorəke,çı kom kəsiku sıəşe və ğəbulış kardə.məbodə əv qıləy notəmizə vıronku xorək ğəbulko və çəy con iyən rufi noxəş və ya əy həlok bəkarde.....
Əbəsə mıborokə surə ayəonku ibaxş həm ğıyoməti ruji hodisəon tərsim kardedə.çın surə 34-ə ayəku jəqoşə handedəmon ki,bə ruji inson hətto ıştən bıvə və boəku həm bəvite və həmçinin ıştə pı-mo iyən jen və fərzəndonku.ğıyoməti ruj jıqo mudhiş iyən de dəhşəti pure ki,inson nəyinki,ıştə vey nezə odəmon həm fikədə nibəbe,bəlkəm çəvonku həm fərol bəkarde və de əvon ıştə qırd robitəon bəbırne.həmonə ruji millətiku har qıləyni qıləy vəziyyətış bəbe ki,əy komilə surətədə deçəy ıştəni məşğul bəkarde.
Qıləy hədisədə omə ki,peyğombər(s)-i xanedaniku kali qıləyniyon çə həzrətiku sıvolışon karde ki,aya ğıyoməti ruji inson bəştə səmimiyə dusti yod dəbəşe?cəvobədə ə həzrəti hamyeşe:”seqlə movğuf(mandə vırə) heste ki,hiçkəs əyo cokəsi bəştə yod nidəbənoe:əvvəl insonon əməlon pamuye zəmone ki,dılış heste aya çəy mizon sanqine ya sıvık? Peşo sirati parde ta bıvindo aya çəyku dəbəvarde ya ne?və peşo qıləy zəmone ki,çı insoni nameye-əmal bəçəy dasti doey bəbe ta bıvindo aya əy bəçəy rostə dasti bədoon ya bəçəy çəpə dasti?və ın həmonə çiye ki, Xıdovənde-Mutəal hamyedə:həmonə ruji hakəs kifoyət ğədrədə deştə koy məşğul bəbe”...
