Osmoniyə surəon-266

Osmoniyə surəon-266

Mutəffifini surə Kərimə-Ğıroni həşto seminə mıborəkə surəy,Məkkədə nozil bıə və 36 qılə ayəku iborəte.çın surə mehtəvo və məzmun bə penc qılə mehtəvo əsose.bə tavzoədə kam həvatə kəson nisbətədə şiddətinə təhdid və çəşnavi.qınoon və bə ğıyoməti ruji imon nıbey,fuccar yəni yavə ko soybon həmonə ruji bıə tale və sərnıvışt,bə vəhıştədə bıə çokə ko soybon  əto kardə bıə nemətonku i hissə,kofiron bə muminon nisbətədə bıə istehzo və ləğ-ləğə və ğıyoməti ruji çımi əks.

İbn Əbbos votedə:Peyğombəre-Əkrəm(s) bə Mədinə varid beyədə,çın şəhri milləti veyni de şiddəti bə kam həvatey qıno iyən noxəşəti mırtəkib bıəbe.Xıdovəndi ım ayəonış nozil karde və əvon həm ımışon ğəbul karde və çımi bədiqə həni tavzoədə kam həvatey koyışon tərk karde. Peyğombər(s) peş çın ayə tilovəti hamyeşe:”penc qılə çi çı penc qılə çi mığobilədəy.ərzışon karde ha Xıdo-Rəsul ha! kom penc qılə çi,çı penc qılə çi mığobilədəy? hamyeşe:har qıləy ğovm ki,ıştə əhdi darışto,Xıdovənd çəvon deşmınon bəvon mısəllət bəkarde və har qıləy cəmyət ki, ğərəz Xıdo hukmon hukmko,çəvon miyono fəğrəti ziyod bəbe.har qıləy milləti miyono fəhşo və beəxloğəti ziyod bıbu,maq və mardey həm çəvon miyono ziyod bəbe.har qıləy ğovm ki,tavzoədə kamko,çəvon məzə və kaştemoni sahəon çı miyoniku bəşe və ğəhəti əvoni dəbəqəte və har qıləy ğovm ki,zəkoti ğədəğənko və nıdo,voşi ğətrəon ğət bəbe və nibəvoye.

“Vay bıbu bo (tavzoədə)kam həvatə kəson! əvon ki,qıləy zəmon ki,boştə peymonə kardedən (pamyudeən),ıştə həxı komilə tərzədə seydən,əmmo qıləy vaxt ki,pidəşone bo cokəson peymonə kardedən ya vəzn kardedən,kam noydən”.(1-3).ın ayə Xıdovıəndi tərəfiku bo sıtəmkor iyən zılmkorə fərdon qıləy şiddətinə xəbərdorətiye ki,çoko nomərdə holədə xəlxı molon hardedən və poymol karededən.həlbəttə,ım kam həvatey bə çandə qılə vıron həm şomil bedə. məsələn,qıləy koəkə və koəvon ıştə ko kardə vırədə ehanə ıştə vaxti bə co koy sərfko,ım həm şı kam həvatey cərqə və səfədə və bə “Mutəffifini” şomil bedə.