Osmoniyə surəon-272
Osmoniyə surəon-272
Təğdiri məsələ pamuye və dınyo dəğiğə nəzmi mənoədəy və həmçinin umum mevcudaton hidoyət,çə məsələonkuye ki,çanədə zəmon həm çəyku dəvardo və çı bəşəri elm ozavziyo iyən inkişofko,ziyodə həyğəton çəyku ruşin iyən məlum bəbe.bın barədə ziyodə kitobon nıvıştey bıə və bəvonədə kayinati sırron təyin bıə.Kressi Morrison “insoni xılğəti sırron” kitobədə çı heyvonat və mıxtəlifə co coninə məxloğati hidoyətiku nımunəonış vardəşe:mıhocirə pərəndəon ki,qahi vaxti sori ərəzədə çandə həzo kilometr çı okeyan,cənqəlon iyən biyobononku dəvardedən, hiçvaxti ıştə lonəon qim kardedənin və oqardey bəpeştə bəştə əsliyə vətəni oqardedən.həmçinin meşi bızanq çanədə həm ıştə kandıku bə diyəro bışo və vavaz əvoni bın tərəf-bətərəf bıbardo, ijən dəyğən bəştə lonə oqardedən.qıləy holədə ki,inson bəştə ko oqardero bə dəğiğə adres iyən nışonəon ehtiyociş heste.inev hırdə moy çandə soron dıyoədə jimon kardedən,peşo bo moğnə noeyro bəştə həmonə bə dınyo omə ru və kanali oqardedə. In moy bə ləpəon zidd hərəkət kardedə və boçəy perəseyro bıə mınosibə əsliyə vətəni çandə dırozə soron fosilə bədiqə pəydu kardedə....
Ə`la mıborəkə surə 14-15-ə şərifə ayəonədə omə:”beşək ıştəni təzkiyə(pok) kardə kəs nicot pəydu bəkarde və ikəs ki,ıştə pərvərdıqori zikrko və nımoj bıvoto”.
Təzkiyə qıləy hevujə mənoş heste ki,insoni rufi çı şırk iyən rəzilə xıslətonku pok kardey və insoni əməli çı hərom və riyaku pok kardey və de zəkoti vositə moli pok kardey mənoədəy.de ın ko rabitə zəruriye ki,inson bəpe bəştə nəfsoni meylon ğələbə pəyduko və de nımoj iyən Xıdo zikriku bəhrə bardey,”hubbud-dunya” yəni dınyo məhəbbət çəy dıliku xaric bedə.çıro ki,dınyo məhəbbət çı har qıləy qıno sərçəşməy.dınyo məhəbbət ısət çı mol,məğam,şəhvət və bənə ımi bıə çiyon bıbu,çı etıdol iyən miyonə royku dəvardo,qahi zəmon insoni rufədə jıqo qıləy tufon icod bedə ki,çəy qırd bıe-nıbey bə bod doydə və hətto qahi zəmon çəy təyin və mıəyyən kardey hissi çı miyoniku bardedə və nəticədə inson dınyo jimoni bəsə axırəti jimonisə bənav qəteydə. çəy ağliku bə diyəroye ki,inson ıştə əbədiyə axırəti məkani de fani iyən rədəvardə dınyo əvəzko....
Ə`la mıborəkə surə oxonə ayəon dığğət kardedə ki,ın həyğəton təlimon sabit iyən əbədiye ki, bənə həzrəte İbreym(ə) iyən Mosə(ə) co ilahi peyğombəron osmoniyə kitobonədə həm omə.qırd ənbiya və peyğombəron fundamental təlimatonədə inson məmure Xıdo təsbihko və bəçəy səmt nez bıbu.demiyən əv ziyodə vaxtonədə ıştə ım elm iyən aqahəti ıştə lınqi jiyədə noydə və deçəy şəhvəton bəy ğalib omey,bə qıno iyən mırdolətiyon aludə bedə.binobərin bo ın qınon rəğ-rişəon bırniyero ğərəz insoni ıştə nəfsi pok kardey və ıştə nəfsi sape ko kardeysə co qıləy ro ni.
