Osmoniyə surəon-274

Osmoniyə surəon-274

Əmmo coqləyni dastə ğıyoməti ruji bə zıllət və ğəmqinəti dılədə ğərğ bıə kəson əks,qıləy tərovətin iyən şoyə çehrəşon bəbe.joqo ki,hamyedə:”əvon ıştə (dınyodə) səy iyən cəhdonku şoyvonəti kardedən”.(9).votemone ki,cəhəndımi əhl ıştə cəhdonku ğərəz sıstəti iyən əziyyəti co qıləy bəhrə nibəbardeyn.və holınki,vəhışti əhl ıştə dınyoədə bıə səy və cəhdon nəticə de vey çokə formə mışohidə bəkardeyn və  əvon komilə surətədə rozi iyən xoşholin.qıləy cəhdon ki, Xıdo lutfi şua jiyədə çəvon mıkofaton qahi vaxti da ya veyə həcmədə ziyod bəbe və qahi zəmon həm əvon de Xıdovəndi behisobə ehsoni dim bə dim bomeyn.çokə ko soybon “aliyə vəhıştədə vırəşon heste”. və “əvon əyo hiç qıləy ləğvo-ləhib və bihudə sıxan nibəməseyn”.(10-11). beşək, jıqo qıləy muhit  orombaxş və bə dıli nıştedə..ehanə səhihə formaədə fikkəmon ki,dınyo jimoni umdə ibaxş,çı bihudə və bə insonon ruf iyən coni əzob-əziyyəti və sosyal nizomon bəyənde jıey və həmçinin bə fitnəon otəşi şuləvər bıey boyis bıə sıxanon məseyku norohətçiyətiye....

Ğaşiyə mıborəkə surə ayəon dəvomədə insonon bə osmonon iyən zəminədə bıə və Xıdovəndi vucudi nışonəon həxədə dığğət kardey dəvət kardedə.bənə osmoni nışonəon ki,çı nuri mərkəze,zəmin ki,çı xoərki maddəon perəsey mərkəze,bandon ki,çı oroməti simvole və şatur həm çı əhli çolınqə heyvononkuye ki,çı bəşəri ixtiyorədə ğərol doey bıə.`

Bın nevbənev nemətonədə əndişə və fik-fam kardey,çı bıpyo ya nıpyo,insoni vodor kardedə ta əv bə ın neməton doəkəsi şukrko və osmon,zəmin iyən bandon və heyvonaton xılğəti mıxtəlifəti bəyon kardey,nışon doydə ki,ım aləm behisob ni və insoni xılğəti həm qıləy hədəfış heste.ayəon bə peyğombər(s)-i xıtob kardə holədə hamyedə ki,milləti bə xılğəti hədəfi səmt dəvətko və bəvon  Xıdo ğurb iyən nezəti nışon bıdo.həlbəttə,kəmoli roy bə zəmon dəvardey bəbe ki,de insonon ıştən meyl iyən ixtiyori bə ico bıbu.binobərin Xıdovənd bə Rəsuli-Əkrəm(s)-i votedə ki, tı hiçvaxti əvoni bın koyədə məcbur kardey nibəzıneyş və jıqo qıləy imoni həm hiç qıləy foydəş həm ni.Ğaşiyə mıborəkə surə 22-ə şərifə ayədə handedəmon:”tı bəvon musəllət niş(ki,bəçəvon imoni məcburkoş).

Ğaşiyə mıborəkə surə oxonə ayəon de qıləy təhdidamizə ton və ləhni bə Xıdovəndi səmt oqardemoni və ğıyoməti ruji bə hisobirəsey təkid kardedə və hamyedə:”yəğınən,çəvon (həmməy) oqardemon bəçəmə tərəfe və beşək çəvon hisob(həm) bəçəmə ehdəy”....

Fəcri mıborəkə surə bənə coqlə veyə surəon ki,Məkkədə nozil bıə,kırt və de məzmuni pur ayəonku iborəte və həmçinin bın ayəonədə ziyodə bəşorət və tars və xəbərdorətiyon mevcude.çın surə iminə baxşədə bə çandə qılə ğəssəmon işorə bıə ki,ıştə nevədə həm qıləy nuyə çi be və ım ıştən bo zolımkor iyən sıtəmkoron de ilahi əzobi təhdidro qıləy mığəddimə və vəsəy.bənə Ad iyən Səmud ğovmi və fironi bıə zılmkorə ğovmon işorə və Xıdovəndi çəvonku intiğom sıey,insoni imtovon kardey,isnoni xeyə koyonədə bıə səhlonkorəti,miadi məsələ,mucrim iyən kofiron tale və sərnıvışt,mutməinnə nəfson soyb bıə muminə şəxson dıjdə mıkofot,çın surə peşonə bəhs bıə baxşonin......